PUASAINA 30:8 - Mara Bible RV (BSI)

⁸ Zâlâ ta meiôhzy a pakhaih tita chhao ropahâhpa cha rao tyh aw ta, chatanachata nama chhâ zydua châta Abeipa hmiakô liata ropahâhpa a châ lymâ aw.

PUASAINA 30:8 ပူးပေါင်းရင်းမြစ်များ

2 THÂTIHZYRONA 26:18

Bei Uzia cha pakhâ ei ta, a hnohta, “Uzia y, Abeipa châta ropahâhpa rao awpa cha nâma tao awpa châ vei. Ropahâhpa rao awpa ta pananopa Arawna pathla theihthaipazy tao awpa a châ. Supathaihpa tawhna heta pua ha mah y. Hmo parao chi ta, na hmo taopa he Zehôvâh Khazohpa tawhta palyupalihna na hmô nawpa châ vei,” tah ei ta.

HLAZY 141:2

Ei thlahchhâna he, Ropahâhpa hawhta na hmiakô liata châ sala; Ei ku chaluahpa he, Zâlâ atheihna hawhta châ mawh sy!

PUASAINA 12:6

He thlâpâ noh hrawh hleipalihna noh taih soh aw ei chi ta, cha khai tawhta Izarei zawpi pôhpakhypa ta zâlâ a zoh chy ta ama thie aw.

PUASAINA 25:37

Meiôh miasari tao aw chi ta, meiôh tôh liata soh aw chi ta, chatanachata a dady suzy a pakhaih aw.

PUASAINA 27:21

Ahmaohna poh o liata Biehrai Byh pohraipa khôtho liata, Arawna nata a sawchapawzy ta meiôh cha Abeipa hmiakô liata zâlâ tawhta my taihta ama pakhaih tyh awpa a châ. Cha cha Izarei saw chhâ vaw y lymâ awpazy châta chhâzaw bieraopa a châ aw.

PUASAINA 30:7

Arawna ta maisâh chô liata ropahâhpa rao tyh aw ta, my chareih ta meiôhzy a patohpatia tita a rao tyh aw.

PUASAINA 30:9

Cha liata ropahâhpa hropa tlyma, raopa hlâna tlyma, niepa hlâna tlyma nama hlâ awpa châ leipa ta, dopa hlâna chhao a chô liata nama bao awpa châ vei.

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

1 THYSALAWNIKA 5:17

bâh leipa ta thlahchhâ u la,

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

1 SAMUELA 2:28

Châ pathlatuhpa kha ei theihthaipa châ awpa ta Izarei chi zydua hry tawhta a tlyh na ta, ei maisâh kiah ta, ropahâhpa rao awpa nata ei hmiakô liata ephaw a ky awpa ta ei tlyhpa a châ. Izarei sawzy tawhta mei ta raopa hlâpa zydua chhao châ pathlatuhpa pathlazy hnohta ei pie khai ei