PUASAINA 30:33 - Mara Bible RV (BSI)

³³ He sathaw taozie hawhta sathaw hropa a taopa nata theihthaipa a châ leipa chô liata a hmâhpa cha, a phopi tawhta chhawh pathlahpa a châ aw,’ tah mah y,” tah ta.

PUASAINA 30:33 ပူးပေါင်းရင်းမြစ်များ

ÂTHAONA 17:14

Chopawtaileipa chapaw, a sapa liata chopawtaipa ta a y leipa cha, ei biehrai a paraopa vâta, a chiheih hry tawhta pahleipadiapa a châ aw,” tah ta.

PUASAINA 12:15

Noh sari chhôh viahchhâ thinô pahlao leipa nama nie awpa a châ. Noh khana noh ta, nama o chhôh tawhta thinô nama pathai khai ha awpa châ ta, ahy rai noh kha noh tawhta noh sari noh taihta viahchhâ thinô pahlaopa a niepa maih cha, cha chyhsa cha Izarei tawhta chhawh pathlahpa a châ aw.

PUASAINA 12:19

Noh sari chhôh nama o chhôh liata thinô rai a y awpa châ vei. Ahy rai thinô pahlaopa a niepa chyhsa cha, chihropa chhao, a râh chyhsa chhao, Izarei zawpi tawhta chhawh pathlahpa a châ aw.

PUASAINA 29:33

Âmo chahnaona nata pathaisana châta aryhna hmohlâpazy cha nie aw ei ta, hmo pathaihpa a châpa vâta, khôtho chyhsa ta a nie awpa châ vei.

PUASAINA 30:34

Abeipa ta Mawsi hnohta, “Ropahâhpa pahâh ngaitapa stâti, ônichâ nata kâbanu zy cha deiryh pasoh ngaitapa chhaota khopathliahna â khopa sai ta la aw chi ta,

PUASAINA 30:38

Ahy rai ano châta ropahâh chakhyhpa hawhta a hmâhpa cha, a phopi tawhta chhawh pathlahpa a châ aw,” tah ta.

PUASAINA 31:14

Pahânoh cha nama châta noh pathaihpa a châpa vâta nama chay awpa a châ. Pahânoh a papuapaleipa maih cha thie thlyu awpa châ ta, cha noh liata raihria kheihawhpa rai a hriapa chyhsa cha, a phopi tawhta chhawh pathlahpa a châ aw.

THEIHTHAINA 17:10

“Izarei pathla ahy tlyma, chihropa ama hry liata a pahrâpa ahy tlyma, thisaih kheihawhpa rai a niepa maih cha, cha thisaih a nietuhpa cha hiehâhpa ta moh aw na ta, a phopi tawhta ei chhawh pathlah aw.

THEIHTHAINA 17:14

Hmohrohneipa to hrona cha a thisaih a châ. A thisaih cha a hrona a châ. Chavâta Izarei sawzy hnohta, ‘Kheihawhpa sa thisaih hmah nama nie awpa châ vei. Hmohrohneipa to hrona cha a thisaih châ tlôh ta, chavâta thisaih a niepa cha chhawh pathlahpa a châ aw,’ tahpa ta ei chho ei.

THEIHTHAINA 17:4

Abeipa achhyna byureih hmiakô liata Abeipa lâta hmohlâpa ta hlâ awpa ta, ahmaohna poh o chhikao liata a vaw cheih leipa cha, thisaih a palopa ta pachâpa châ aw ta, a chô liata thisaih maoh a y aw. Cha chyhsa cha a phopi tawhta chhawh pathlahpa a châ aw.

THEIHTHAINA 17:9

Abeipa lâta hlâ awpa ta ahmaohna poh o chhikao liata a vaw cheih leipa khiahta cha, cha chyhsa cha a phopi tawhta chhawh pathlahpa a châ aw.

THEIHTHAINA 18:29

Cha hmo pasichhihpa kheihawhpa rai a taopazy cha ama phopi tawhta chhawh pathlahpa ama châ aw.

THEIHTHAINA 19:8

A niepa cha Abeipa hmo pathaihpa a papuapaleipa vâta, a hmo paraona maoh phaoh aw ta, cha chyhsa cha a phopi tawhta chhawh pathlahpa a châ aw.

THEIHTHAINA 20:17

“Chyhsa ta a sietanô, a paw sawchanô tlyma, a nô sawchanônô tlyma hneipa ta, a sietanô thluahruana hmôpa ta, a sietanô chhao ta a rilâhpa thluahruana a hmô khiahta cha, nozachhih ngaitapa châ ta, ama phopi chyhsazy mohmô liata pahleipadia awpa ama châ. A sietanô thluahruana a palâpa châ ta, a paraona maoh a phaoh aw.

THEIHTHAINA 20:18

Chyhsa ta chanô hnopasu daihti liata a ziakheipa ta a thluahruana a palâ khiahta cha, a chanô thihnawh thluahruana a palâpa châ ta, chanô chhao ta a thihnawh a palâpa châ ta, ama pano ta ama phopi tawhta chhawh pathlahpa ama châ aw.

THEIHTHAINA 20:3

Kei tlai chhao ta, cha chyhsa cha a heihnao aw na ta, a saw Môleka lâ piepa ta, ei supathaihpa cha pathaih leipa ta tao ta, ei moh pathaihpa a papuapaleipa vâta, a phopi tawhta ei chhawh pathlah aw.

THEIHTHAINA 22:3

Ama hnohta hetana heta reih teh: Nama chhâ zydua liata, nama pathla ahy rai ta pathaih leina hneina chôta, Izarei sawzy ta Abeipa lâta ama hlâpa, hmohlâpa pathaihpa â hnia khiahta cha, cha theihthaipa cha ei hmiakô tawhta chhawh pathlahpa a châ aw. Kei he Abeipa ei châ.

THEIHTHAINA 23:29

Cha noh liata a paky leipa cha, a phopi tawhta chhawh pathlahpa a châ aw.

MALUHREINA 15:30

Moleina a châ tahpa pahno thlâh hana chôta a molei raruahpa deikua cha, a râh chyhsa a châpa chhao ta, chihropa a châpa chhao ta, Abeipa a reipachhiepa châ ta, cha chyhsa cha a phopi tawhta chhawh pathlahpa a châ aw.

MALUHREINA 15:31

Abeipa bie khâpasaw ta reih leipa ta, a biepiepa a paraopa vâta, cha chyhsa cha chhawh pathlahpa châ aw ta, a paraona maoh a phaoh aw,” tah ta.

MALUHREINA 19:13

Athihpa ri a hriapa maih, kheihawhpa chyhsa ri rai châ sala, â pathai vei khiahta cha, Abeipa achhyna byureih a papuapaleipa châ ta, cha chyhsa cha Izarei tawhta chhawh pathlahpa a châ aw. Apathaina ti a chô liata thiapa a châ leipa vâta, pathaih leipa châ ta, a pathaih leina a chô liata a y thlâh ha chypa a châ.

MALUHREINA 19:20

“Chyhsa pathaih leipa cha â pathai leipa khiahta cha, cha chyhsa cha Abeipa supathaihpa a papuapaleipa a châpa vâta, zawpi tawhta chhawh pathlahpa a châ aw. Apathaina ti ta thiapa a châ leipa vâta pathaih leipa a châ.

MALUHREINA 4:18

“Kôhâ pathla chi nata phozy Livai chi tawhta chhawh pathlahpa ta ama y awpa châ vei.

MALUHREINA 9:13

Chyhsa pathaihpa châ ta, khitlyna hnei tlôh leipa ta, zawpakhô kyhchhi a chay leipa khiahta deikua cha, cha chyhsa cha a phopi tawhta chhawh pathlahpa a châ aw. Daihti raopa liata Abeipa lâta hmohlâpa a hlâ leipa vâta, cha chyhsa cha a moleina maoh a phaoh aw.