PUASAINA 30:23 - Mara Bible RV (BSI)

²³ “Ropahâhpa pahâh chaipazy a tlyh la, Achhyna o sekel reizie ta, deiryh ti sekel 500 a hripa, cha khophie ta lôiasoh ropahâhpa sekel 250 a hripa, basuh ropahâhpa sekel 250 a hripa,

PUASAINA 30:23 ပူးပေါင်းရင်းမြစ်များ

1 ABEIZY 1:39

Cha liata, theihthaipa Zadô ta poh o lâ saki sathaw ôh kei la ta, Sawlawmaw cha sathawthu ta. Chiahmie tô ei ta, zawpizy ta, “Bei Sawlawmaw hroh pareih mawh sy!” tah ei ta.

1 THÂTIHZYRONA 9:29

Ahropazy cha hmobaoh hropazy nata beiphiah pathaihpazy mohôh awpa nata viahdie dipa, kresawhti, sathaw, ropahâhpa nata ia-ôzy mohôh awpa ta raopa ama châ.

1 THÂTIHZYRONA 9:30

Theihthaipa sawchapawpa thokhazy ta ia-ô pahlao awpazy ama pachhuapanoh tyh.

HLAZY 45:8

Na chysiazy cha ropahâhpa ta biepa ta, Deiryh, lilipaw nata lôiasoh rohzy ta bie ta, Sianaoh abei ozy tawhta Pyungiapa chhaichhi ri chhaopazy ta a cha palysa tyh.

PUASAINA 25:6

meiôh châta sathaw, sathaw athupa nata ropahâh châta rao awpa liata hmâ awpa ia-ôzy,

PUASAINA 30:22

Abeipa ta Mawsi hnohta,

PUASAINA 30:24

lôiasoh chihropa sekel 500 a hripa nata ôli thaw chhiehroôh ôh kha la aw chi ta,

PUASAINA 31:11

sathaw pathaihpa nata Su Pathaihpa châta ropahâhpa pahâh ngaitapazy ama tao thei nawpa ta, zôthaipa zydua hnohta sona ei pie ei. Tao awpa ta bie ei cha piepa zydua hawhna khata ama tao awpa a châ,” tah ta.

PUASAINA 35:28

Ia-ôzy nata khaihna châta hmâ awpa nata sathawthuna nata ropahâhpa châta hmâ awpa sathawzy vaw cheih hra ei ta.

PUASAINA 37:29

Sathawthuna châta sathaw pathaihpa nata ropahâhpa pasohpa tao ta, ropahâhpa a tao thaipazy taozie hawh tlai ta a tao.

BIESOZY 7:17

Deiryh ropahâhpa ta ei rakhô roh pahâhsa na ta, Lilipaw nata lôiasoh ropahâhpazy ei hry haw.

HLAZY HLA 1:13

Ei lôhdupaw cha kei châta, Ei sâhpizy likawh liata a hniehpa deiryh byh a châ.

HLAZY HLA 1:3

Na sathawzy chhao a roh a pahâh ngaita. Na moh cha sathaw ropahâhpa patlaipa hawhta châ ta, Chavâta laihsazy ta ama cha khoh ngaita.

HLAZY HLA 4:14

Spinâ nata iahsamai zy y ta, Basuh ropahâhpa nata lôiasoh zy a y. Ropahâhpa tho to y ta, Deiryh nata lilipaw chhao a y; Ropahâhpa chi to yna sadô a châ.

ISAI 43:24

Tâkâ ta basuh thlôhpa na chaleipa beih leipa chi ta, Atheihnazy na hlâna thawzy ta Lôhrâ na patlô beih hra va chi. Na moleinazy ta phaohri tlao na pavi chi ta, Na paraonazy ta ei rie tlao eina pathei chi.

ZEREMIAH 6:20

Sebâ tawhta a vypa deiryh cha, Khâpa ma ei taona aw? Râh hlapi tawhta basuh a vypa chhao, Khâpa ma ei taona aw? Nama raopa hlânazy a pyh tlâh châ leipa ta, Namâ theihnazy ta na palysa hra vei.

EZEKIA 27:19

Uzalâ kresawhti ta na hmozy cha ri ei ta, thua, lôiasoh nata basuhzy ta na sôhdaoh hmozy ama cha ri tyh.

EZEKIA 27:22

Sebâ nata Râmâ sôhpalietuhpazy ta châ daoh ei ta, ia-ô pahâh chaipa chi to, lôsôhpa chi to nata ngôh zy ta na hmozy ama cha ri tyh.

MALUHREINA 4:16

“Theihthaipa Arawna sawchapawpa Eliaza mohôh awpazy cha meiôh pakhaih nawpa sathaw, ropahâhpa, a daihtita ta niepa hlâna tao tyhpa nata sathaw pathaihpa zy châ aw ta, achhyna byureih nata a chhôh liata hmo a ypa zydua nata supathaihpa nata a hmobaohzy chhao a mohôh aw,” tah ta.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.