PUASAINA 30:16 - Mara Bible RV (BSI)

¹⁶ Hrona chatlaina sôh cha Izarei sawzy tawhta la aw chi ta, ahmaohna poh o liata chakaona rai hria nawpa châta na pie aw. Chatanachata nama hrona chatlai nawpa ta nama piepa a châzie Izarei sawzy ta Abeipa hmiakô liata namâ thei thlâhna a châ aw,” tah ta.

PUASAINA 30:16 ပူးပေါင်းရင်းမြစ်များ

2 THÂTIHZYRONA 24:6

Chavâta abei ta theihthai beipa Zehôdâ cha aw ta, a hnohta, “Abeipa chakaotuhpa Mawsi nata Izarei zawpizy ta ama vaw rao hapa hawhta, pahnokheina poh o châta pie awpa chhiezy cha Zudâh râhsawzy nata Zerusale khihsawzy khei awpa ta, khazia Livai pathlazy nâ hnaw vei?” tah ta.

PUASAINA 12:14

“He noh he nâmo châta atheithlâhna noh châ aw ta, Abeipa châta kyhchhi noh ta nama chay tyh awpa a châ. Nama chhâ zydua liata, he noh he kyhchhi noh ta nama chay tyh awpa châ ta, cha cha chhâzaw châta bieraopa ta a y awpa a châ.

PUASAINA 30:15

Nama hrona chatlai nawpa ta Abeipa lâ hmo nama hlâ tita, chyhsa hneirôhpa ta sekel khophie hlâta hluh via a pie awpa châ leipa ta, dyhchhiepa chhao ta sekel khophie hlâta chyh via a pie awpa châ vei.

PUASAINA 30:17

Abeipa ta Mawsi hnohta,

MALUHREINA 16:40

Abeipa ta Mawsi hmâpa ta Eliaza hnohta a reipa hawhta, cha cha Izarei sawzy zikyurâna châta taopa a châ. Arawna pathla a châ leipa chyhsa ahy hmahta Abeipa hmiakô liata ropahâhpa rao awpa ta amâ hnia awpa châ vei. A tao raruahpa cha, Kôrâ nata a sahlaozy hawhta ama châ aw.

MALUHREINA 31:54

Chatanachata Mawsi nata theihthaipa Eliaza ta a sâh chô liata hyutuhpazy nata a za chô liata hyutuhpazy tawhta ngôh cha a hlâh ei ta, Izarei sawzy ta Abeipa hmiakô liata amâ thei thlâh ha nawpa ta, ahmaohna poh o chhôh liata a ngiakhei ei ta.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.