PUASAINA 30:1 - Mara Bible RV (BSI)

¹ “Ropahâhpa rao nawpa maisâh tao aw chi ta, akeisia tho ta na tao aw.

PUASAINA 30:1 ပူးပေါင်းရင်းမြစ်များ

1 ABEIZY 6:20

Cha supathaihpa cha a doh lâ dy kih, a hâ lâ dy kih, â sâhna lâ dy kih châ ta, ngôh suapa ta pahu khaipa a châ. Sidy maisâh chhao ngôh suapa ta a pahu hra.

1 ABEIZY 6:22

Achhyna o chhôh lâ zydua cha ngôh ta pahu khai ta, Achhyna o chhôh supathaihpa liata maisâh chhao a pôhpalôhpa ta ngôh ta a pahu khai.

1 ABEIZY 7:48

Sawlawmaw ta Abeipa o hmobaoh zydua cha tao ta. Ngôh maisâh, ngôh ta taopa Ypâna viahchhâ tlâhkhai,

1 THÂTIHZYRONA 28:18

ngôh suapa ta taopa ropahâhpa raona maisâh châta ngôh hmâ awpa zie zy chho ta. Ngôh cherubi talailih, ama mathlaw pakaipa ta Abeipa Biehrai Byh a khupa tao nawpa châta â chhuanohnazy chhao a chho hra.

1 THÂTIHZYRONA 6:49

Arawna nata a pathlazy deikua cha­, Khazohpa chakaotuhpa Mawsi ta bie a vaw piepa zydua hawhta, Su Pathaih Chaipa raihria zydua hriapa ta, Izarei châta chatlaina tao awpa ta, raopa hlâna maisâh liata nata ropahâhpa hlâna maisâh liata atheihna hlâna chakaona rai a hriatuhpazy ama châ.

2 THÂTIHZYRONA 26:16

Châhrasala thatlôpa ta a vaw y nahta, Uzia cha a palai ta, cha chata ano châta raona a tlôkhei haw. Abeipa a Khazohpa châta ngâchhih leipa ta y ta, ropahâhpa maisâh liata ropahâhpa rao awpa ta Abeipa Achhyna o lâ a ngia ta.

PUASAINA 30:10

Arawna ta kô kha ta ei kha maisâh kizy chô liata aryhna a tao tyh aw. Molei chatlaina thisaih hmâpa ta aryhna cha, kô kha ta ei kha, nama chhâ zydua liata tao tyh awpa a châ. Cha cha Abeipa châta hmo pathaih ngaitapa a châ,” tah ta.

PUASAINA 30:2

A doh lâ dy kha seih aw ta, a hâ lâ dy kha kawh aw ta, ki palih a hnei aw. Dy no a sâh aw ta, a kizy cha maisâh nata â pazao khai awpa a châ.

PUASAINA 31:8

tlâhkhai nata a hmobaohzy, ngôh suapa ta taopa meiôh tôh hmobaohzy, ropahâhpa maisâh,

PUASAINA 35:15

ropahâhpa maisâh nata a lâhreizy, sathawthuna sathaw, ropahâhpa pahâh ngaitapa nata achhyna byureih chhikao liata parai awpa chhikao pohraipa;

PUASAINA 39:38

ngôh maisâh, sathawthuna châta sathaw, ropahâhpazy, poh o chhikao pohraipa;

PUASAINA 40:5

Ropahâhpa raona ngôh maisâh Biehrai Byh hmiakô liata soh aw chi ta, achhyna byureih chhikao liata pohraipa na parai aw.

EZEKIA 41:22

Maisâh cha dy thôh a sâh ta, dy no seih ta, dy no a kawh. Maisâh kizy, â tyunazy nata a kâzy cha tho ta taopa sai a châ. Chyhsa chata ei hnohta, “He he Abeipa hmiakô liata tlâhkhai a châ hih,” tah ta.

THEIHTHAINA 4:18

Thisaih la heih aw ta, ahmaohna poh o chhôh liata ropahâhpa maisâh kizy liata Abeipa hmiakô ta hnia aw ta, viahchao tôhpa thisaih laibâhpa zydua cha ahmaohna poh o chhikao liata raopa hlâna maisâh thaby liata a patlai khai aw.

THEIHTHAINA 4:7

Theihthaipa ta thisaih cha la heih aw ta, ahmaohna poh o chhôh liata ropahâhpa maisâh kizy liata Abeipa hmiakô ta hnia aw ta, viahchao tôhpa thisaih laibâhpa zydua cha, ahmaohna poh o chhikao liata raopa hlâna maisâh thaby liata a patlai khai aw.

MALUHREINA 3:31

Ama mohôh awpazy cha Biehrai Byh, tlâhkhai, meiôh sona, maisâh, supathaihpa liata theihthaipa chakaona chhaichhizy nata pohraipa zy châ aw ta, chazy nata a zaokhipa chakaona rai zydua ama mohôh khai aw.

MALUHREINA 4:11

“Ngôh maisâh chô liata poh nohpa phaw aw ei ta, tilaipi viahchao vo ta khu aw ei ta, a lâzy ama chahraoh aw.

HEBRAI 9:4

Cha liata ropahâhpa raona ngôh maisâh nata ngôh ta pahupa biehrai byh y ta, biehrai byh chhôh liata mânâ yna ngôh beih, Arawna chôchahrei chhyh thaopa nata biehrai lôphiazy a y.

BIEPHUAH 8:3

Vâlyuhchâpa hropa a vy ta, ngôh ropahâhpa raona byh chhaota maisâh kiapâh liata a vaw duah ta. Ropahâhpa hluhpi a hnohta piepa châ ta, cha cha mopathaihpa zydua thlahchhânazy chhaota beidyuchhai hmiakô ta ngôh maisâh chô liata hlâ awpa a châ.