PUASAINA 3:7 - Mara Bible RV (BSI)

⁷ Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

PUASAINA 3:7 ပူးပေါင်းရင်းမြစ်များ

ÂTHAONA 16:11

Abeipa vâlyuhchâpa ta a hnohta, “Pachâ teh, saw phaoh chi ta, Sawchapaw na sa aw; Abeipa ta na pasataona a pahnopa vâta, A moh Ismela na bi aw.

ÂTHAONA 18:21

Chavâta ama moleina thâtih ei hnohta vaw tlôpazy he ama tao tlai ma tahpa moh awpa ta ei zu aw. Ama tao leipa khiahta cha, ei pahno aw,” tah ta.

ÂTHAONA 21:17

Khazohpa ta hawtipa ao cha thei ta. Khazohpa vâlyuhchâpa ta avâ tawhta Hâkarâ cha za aw ta, a hnohta, “Hâkarâ, khâpa ma na pachâ châ parôhsa? Chi khah y, hawtipa ao cha a yna lia tlai ta Khazohpa ta a thei haw.

ÂTHAONA 29:32

Liah cha saw phaoh ta, sawchapaw sa ta, “Abeipa ta ei pasataozie a hmôpa vâta a châ, tahmâ cha ei vahpa ta kyh eina pachâ ha aw,” tah ta, a moh Rubena a bi.

ÂTHAONA 31:12

Ano ta, ‘Sai la, moh tua, mie tôhpa paw a kiapa zydua huh, a kaorâhpazy, a cheichapaipazy nata a chei dipa ta a chapaicharupazy ama châ huh. Lâbâ ta na chô liata hmo a taopa zydua ei hmô khai.

ÂTHAONA 31:42

Nâ pathlatuhpa Khazohpa, Abarahâ Khazohpa nata Aisika China zy ta ei chhâh nâ châh vei chhochhi mawh sala, ku ruapa ta eina pasiesa hmeiseih thlâh ha aw chi. Khazohpa ta ei rietheizie nata ei ku hriapasaziezy hmô ta, zâhnia zâ ta a cha chhoreipa a châ chuh,” tah ta.

2 SAMUELA 22:28

Areisipa pachha chi ta, Akhotlâhpa deikua cha, Moh pahroh chi ta na panawh tyh.

2 ABEIZY 13:4

Chatawhcha Zehôahâ ta Abeipa khokheina tlua ta, Aramia bei ta Izarei a tlybaipa a hmôpa vâta, Abeipa ta a bie cha nathlie ta.

2 ABEIZY 20:5

“Kua la, ei phopi hyutuhpa Hezekia hnohta, Abeipa, châ pathlatuhpa Dâvi Khazohpa ta hetana heta a tah: ‘Na thlahchhâna thei na ta, na mothlihzy ei hmô haw. Nathlie teh, cha patlâh aw na ta, noh thôhna noh ta Abeipa o lâ na khy aw.

NEHEMIAH 9:9

“Miah pathlatuhpazy Izi râh liata ama rietheizie hmô chi ta, Tilaipi Saihpa liata ama chana ao na thei.

HLAZY 106:44

Chatahrasala ano ama padona ao a thei nahta, Ama nôpona cha a pachâ heih tyh.

HLAZY 12:6

Abeipa biezy cha bie pathaihpa châ ta, Alei liata patina meihô liata tâkâ a thlipasohpa hawhta, Ei sari a thlipasohpa a châ.

HLAZY 142:3

Keima liata ei thlahpa a panao nota, Ei lâpi na pahno. Ei siena lâpi liata, Khoheih eina chôkhâh tyh ei.

HLAZY 145:19

Ano a chituhpazy khopa hlao patloh tyh ta, Ama awna ao thei ta a pachha tyh ei.

HLAZY 22:24

Ano cha pasa a taopa pasataona mohnao leipa ta, Pasi hra vei; A hmia nyusai leipa ta, A aw tita a nathlie tyh.

HLAZY 34:4

Abeipa cha tlua na ta, Nâ chhy ta; Ei china zydua tawhta eina pachha haw.

HLAZY 34:6

Dyhchhiepa cha awh ta, Abeipa ta a thei; A nôpona zydua tawhta a pachha.

HLAZY 35:22

Hy Abeipa, hmô ha chi ta, A chalih khah y! Hy Abeipa, rie nâ hla khah y!

HLAZY 9:14

Chatanachata nâma reithaina phuah aw na ta, Zaio sawchanô chhikaozy liata, Na pachhana ei ly aw.

PUASAINA 1:11

Chavâta ama phao thata pahri ta, ama rie pathei awpa ta, raihria hyutuhpazy âmo châta rao ei ta. Pithô nata Râmese khihpizy cha Phiraoh châta Sawvâ khihpi ta padua ei ta.

PUASAINA 1:8

Zawsi a pahno leipa, bei thiehpa Izi râh liata vaw pua ta.

PUASAINA 22:23

Ama rie pathei u la, eina awsao khiah ei ta cha, ama awna ao thei aw na ta,

PUASAINA 33:13

Na mo ei dy khiahta cha, ngiachhiepa ta na lâpizy na pahmô mah y. Chatanachata cha pahno aw na ta, na modypa ta ei y lymâ thei aw. He phopi he na phopi ama châpa rie a thei mah y,” tah ta.

PUASAINA 5:10

Raihria hyutuhpazy nata vaituhpazy cha pua ei ta, Izarei phopi hnohta, “Phiraoh ta hetana heta a tah: ‘Sawphao cha pie khao aw veih ei na.

PUASAINA 5:6

Cha noh tlai chata Phiraoh ta raihria hyutuhpazy nata vaituhpazy hnohta,

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

MALUHREINA 20:16

Abeipa pado pi ta, ano ta eima ao thei ta, vâlyuhchâpa vaw tuah ta, Izi râh tawhta miah â chhi papua haw. Tahmâ he na râh kiah liata Kâdesâ khihpi liata eima y.

HMOTAOPAZY 7:34

Izi râh liata ei phopi a ypazy rietheizie hmô na ta, amâ hrôna chhao ei thei haw. Chavâta âmo pachha awpa ta ei zu. A vy teh, Izi râh lâ ei cha tuah aw,’ tah ta.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.

1 SAMUELA 9:16

“Mylâ, he daihti liana heta, Benzami râh tawhta nâ lâta chyhsa pakha vaw pasiesa aw na ta, ei phopi Izarei chô liata ryureituhpa châta sathaw na thu aw. Ano ta ei phopi cha Philistinâ mo ku tawhta a pachha aw. Ei phopi chapa pyu ta ei kô kaw daih ta, ei phopi pasataona ei hmô haw,” tahpa ta vaw pahnosa chhielie ha ta.