PUASAINA 3:6 - Mara Bible RV (BSI)

⁶ Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

PUASAINA 3:6 ပူးပေါင်းရင်းမြစ်များ

ÂTHAONA 12:1

Abeipa ta Abarâ hnohta, “Na râh tawhta nata na chiheihzy tawhta nata na paw o tawhta pua la, râh ei cha pahmô awpa lâ sie mah y.

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 17:3

Abarâ cha â khu lâta pao ta, Khazohpa ta a hnohta,

ÂTHAONA 24:12

Chakaotuhpa ta, “Hy Abeipa, ei zibeipa Abarahâ Khazohpa y, ngiachhiepa ta tanoh he hlaotlohna na pie la, ei zibeipa Abarahâ chô liata ngiachhiena palâsa mah y.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 28:13

Abeipa cha hleidy chô lâta a duah ta, “Kei he Abeipa, na paw Abarahâ Khazohpa nata Aisika Khazohpa ei châ. Nâ ziana râh kha, nâ nata na pathlazy ei cha pie aw ei.

ÂTHAONA 28:17

Zakaw cha chi kaw ta, “He su he chi â chhih kaw dia! He he su hropa châ vei, Khazohpa o tlai na a vaw châ, he he vârâh chhikao a châ hih,” tah ta.

ÂTHAONA 31:42

Nâ pathlatuhpa Khazohpa, Abarahâ Khazohpa nata Aisika China zy ta ei chhâh nâ châh vei chhochhi mawh sala, ku ruapa ta eina pasiesa hmeiseih thlâh ha aw chi. Khazohpa ta ei rietheizie nata ei ku hriapasaziezy hmô ta, zâhnia zâ ta a cha chhoreipa a châ chuh,” tah ta.

ÂTHAONA 32:9

Zakaw cha thlahchhâ ta, “Hy ei paw Abarahâ Khazohpa, ei paw Aisika Khazohpa, Hy Abeipa, ‘Na râh lâ a lie la, na chiheihzy yna lâ a lie mah y, a phapa ta ei cha tao aw,’ nâ tahtuhpa y,

1 ABEIZY 18:36

Chatawhcha zâlâ atheihna hlâ daihti liata, hrohsopa Elaizâh cha a kei hnia ta, “Hy Abeipa, Abarahâ nata Aisika nata Izarei Khazohpa y, Izarei liata Khazohpa na châ tahpa tanoh he pahnopa ta y sala, kei he châ chakaotuhpa châ na ta, he hmo zydua he nâma bie ta a taopa ei châpa tanoh he pahnopa ta y mawh sy.

1 ABEIZY 19:13

Elaizâh ta cha cha a thei nahta, a viahkao pasipa ta a hmia a khu ta, kei pua ta, lôpu paka liata a kei duah ta. Ao vaw pua ta, a hnohta, “He liata khâpa na tao, Elaizâh?” tah ta,

NEHEMIAH 9:9

“Miah pathlatuhpazy Izi râh liata ama rietheizie hmô chi ta, Tilaipi Saihpa liata ama chana ao na thei.

ESTHERI 3:4

Noh chareih ta chho ei ta, châhrasala Môdekai ta nathlie khoh leipa ta, Zu chyhsa a châpa vâta ama reipa hawhta a tao thei leizie a chho tyh ei. Môdekai aduana cha a pyh theipa a châ ma tahpa pahno awpa ta, a biereipa cha Hâmâ ama chho.

HLAZY 132:2

Abeipa lâ bie a taih ta, Zakaw Thatlôpa lâta bie a taihpa ta,

PUASAINA 15:2

Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.

PUASAINA 29:45

Izarei sawzy hry liata pahrâ aw na ta, ama Khazohpa ei châ aw.

PUASAINA 3:16

Sie la, Izarei machâzy awpakhy la, ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ei hnohta a vaw luah ta, hetana heta a tah: Cha vaw tly ei na ta, Izi râh liata nama chô liata ama hmotaopazy ei hmô haw.

PUASAINA 33:20

Abeipa ta, “Chyhsa ta eina hmô khiahta cha a hroh lei awpa vâta, ei hmia cha hmô thei aw va chi,” tah ta.

PUASAINA 4:5

Abeipa ta, “Kha hmo kha Abeipa, âmo pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa cha, na hnohta â vaw luah tlai tahpa ama zo thei nawpa châta a châ,” tah ta.

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 32:38

Ei phopi châ aw ei ta, kei ama Khazohpa ei châ aw.

EZEKIA 11:20

Chatanachata ei bieraopazy a chhih aw ei ta, ei ryhpazy a vaopa ta ama zyh aw. Ei phopi châ aw ei ta, kei ama Khazohpa ei châ aw.

ZEKARIA 8:8

Zerusale liah liata pahrâ awpa ta ei vaw chhi heih aw ei. Ei phopi châ aw ei ta, kei ama Khazohpa ei châ aw, ama Khazohpa ngâchhihpa nata siapa ei châ aw.”

MATHAI 17:6

Cha bie cha pachupazy ta ama thei nahta, â khu lâta pao ei ta, chi ngaita ei ta.

MATHAI 22:32

‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta a reipa kha reih beih veih ei chi ma? Khazohpa cha athipa Khazohpa châ vei, ahrohpa Khazohpa a châ,” tah ta.

MÂKA 12:26

Athihpazy pathyupa ta ama y awpa kyh cha, Mawsi châbu liata thobuh kyh rona liana khata, Khazohpa ta, ‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta Mawsi a chhona bie kha reih beih veih ei chi ma?

LUKA 20:37

Athihpazy pathyupa ta ama y awpa kyh he, Mawsi chhao khata a vaw reih haw. Abeipa cha Abarahâ Khazohpa, Aisika Khazohpa, Zakaw Khazohpa tahpa ta, thobuh liana kha a vaw palâsa ha mâh tâh.

LUKA 5:8

Cha cha Saimaw Pity ta a hmô nahta, Zisu phei thaby liata kei pao ta, “Hy Abeipa, na siesai teh, moleipa ei châ hih,” tah ta.

HMOTAOPAZY 7:32

‘Kei he châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,’ tah ta. Mawsi cha a chalyu ta, moh ngâh khao leipa ta.

HMOTAOPAZY 7:34

Izi râh liata ei phopi a ypazy rietheizie hmô na ta, amâ hrôna chhao ei thei haw. Chavâta âmo pachha awpa ta ei zu. A vy teh, Izi râh lâ ei cha tuah aw,’ tah ta.

RYHPACHANEINA 6:3

Chavâta Hy Izarei, nathlie la, pakhâta ta zyh mah y. Chatanachata Abeipa, châ pathlatuhpazy Khazohpa ta bie a châ taihpa sâhpiti nata kheihti lona râh liata thlaochhipa ta y aw ei chi ta, thata nama pôh aw.

HEBRAI 11:16

Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.

HEBRAI 12:21

Ama hmo hmôpa kha chichhih ngaitapa châ tlai ta, chavâta Mawsi chhao ta, “Chipa ta thata ei chalyu,” a tahpa kha.

BIEPHUAH 1:17

Ano cha ei hmô nahta, athihpa hawhta a phei thaby liata pao na ta. Châhrasala ano ta a ku chachâh lâ ei chô liata vaw pahnieh ta, ei hnohta, “Chi khah y, kei he âthaona nata achhâna châ na ta,

RYUREITUHPAZY 13:22

Manôah ta a lapinô hnohta, “Khazohpa hmô ha pi ta, eima thi tlai aw,” tah ta.