PUASAINA 3:4 - Mara Bible RV (BSI)

⁴ Mo awpa ta a kei tleipa cha Abeipa ta a hmô nahta, Khazohpa ta thobuh hry tawhta vaw aw ta, “Mawsi, Mawsi!” tah ta. Mawsi ta, “He liata ei y,” tah ta.

PUASAINA 3:4 ပူးပေါင်းရင်းမြစ်များ

ÂTHAONA 22:1

Cha hmozy hnôhlâ ta Khazohpa ta Abarahâ cha pasia ta, a hnohta, “Abarahâ” tahpa ta aw ta. Abarahâ ta, “He liata ei y,” tah ta.

ÂTHAONA 22:11

Châhrasala Abeipa vâlyuhchâpa ta avâ tawhta, “Abarahâ, Abarahâ!” tahpa ta za awsao ta. Abarahâ ta, “He liata ei y,” tah ta.

ÂTHAONA 28:16

Zakaw cha â môpa a kaw hra ta, “He su liata Abeipa a vaw y tlai na, vaw pahno leipa na ta,” tah ta.

ÂTHAONA 46:2

Khazohpa ta zâ ta a mâ lâta Izarei cha bie chho ta, “Zakaw, Zakaw,” tah ta. Ano ta, “He liata ei y,” tah ta.

HLAZY 62:11

Khazohpa ta ei kha reih ha ta, He he ei no ei theina a châ: Hmotaotheina cha Khazohpa eih châ ta,

PUASAINA 19:3

Mawsi cha Khazohpa lâ khy ta, Abeipa ta tlâh tawhta bie a vaw chho ta, a hnohta, “Zakaw chhôhkhazy hnohta hetana heta reih la, Izarei sawzy hnohta hetana heta chho mah y:

PUASAINA 3:2

Abeipa vâlyuhchâpa ta meipaleih ta a hnohta a vaw luah ta, meipaleih cha thobuh hry tawhta kaw pua ta, kei moh ta, thobuh liata meipaleih ia ta, a thobuh deikua cha kâ leipa ta.

PUASAINA 33:12

Mawsi ta Abeipa hnohta, “Nâ ta ei hnohta, ‘He phopi he a chhi teh,’ tah chi ta, châhrasala nâ sielâh awpa chyhsa na chho tlôh leipa chi ta. Cha leipa chhao ta, ‘Na moh ta cha pahno na ta, nâ chhao ei modypa ta na y hra,’ na tah chi ta.

PUASAINA 4:5

Abeipa ta, “Kha hmo kha Abeipa, âmo pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa cha, na hnohta â vaw luah tlai tahpa ama zo thei nawpa châta a châ,” tah ta.

THEIHTHAINA 1:1

Abeipa ta Mawsi aw ta, ahmaohna poh o tawhta bie a vaw chho ta, a hnohta,

HMOTAOPAZY 10:13

Ao vaw pua ta, a hnohta, “Pity, thyu la, thie la, nie teh,” tah ta.

HMOTAOPAZY 10:3

Zâlâ dawh thôh rachhôhpa liata, aluahna sia ngaitapa hmô ta. Khazohpa vâlyuhchâpa a o liata a vaw ngia ta, “Kawnilia,” vaw tah ta.

HMOTAOPAZY 9:4

Alei liata pao ta, ao thei ta, ao chata a hnohta, “Sawla, Sawla, khazia eina taola chi?” tah ta.

RYHPACHANEINA 33:16

Alei hneirôna byhnâzy â kipa ta to sala, Chhobuh liata a pahrâpa khokheina to mawh sy. Cha byhnâzy cha Zawsi luh chô liata y sala, A unawhzy hry liata luh chaipa laki liata y mawh sy.

1 SAMUELA 3:10

Abeipa cha a vy ta, a vaw duah ta, a aw tua notapa hawhna khata, “Samuela, Samuela!” tahpa ta aw heih ta. Samuela ta, “Reih mah y, châ chakaotuhpa ta a nathlie na,” tah ta.

1 SAMUELA 3:4

Abeipa ta Samuela cha aw ta, Samuela ta, “He liata ei y” tah ta,

1 SAMUELA 3:6

Abeipa ta “Samuela!” tahpa ta aw heih ta, Samuela cha thyu ta, Eli lâ vawh ta, “He liata ei y, na aw chi ta,” tah ta. Eli ta a chhy ta, “Cha aw va na, ei sawchapawpa y, a kei zia heih teh,” tah ta.

1 SAMUELA 3:8

Abeipa ta Samuela cha a ei thôhna ta aw heih ta. Thyu ta, Eli lâ vawh ta, a hnohta, “He liata ei y, na aw chi ta,” tah ta. Hawtipa cha Abeipa ta a aw tahpa Eli ta pahno ha ta.