PUASAINA 3:20 - Mara Bible RV (BSI)

²⁰ Chavâta ei ku pazawh aw na ta, Izi râh cha a chhôh liata hmonoâhpa ei tao awpa zydua ta hrie aw na ta, cha khai tawhta a cha pasiesa aw ei.

PUASAINA 3:20 ပူးပေါင်းရင်းမြစ်များ

ÂTHAONA 15:14

Châhrasala sei ta âmo a taotuhpa phopi cha pachia aw na ta, achhâna lâta sôh nata thih hluhpi chhaota ama pua aw.

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

HLAZY 105:27

Âmo chata Izi mo hry liata ngianazy tao ei ta, Hamâ râh liata hmonoâhpazy ama tao.

HLAZY 105:38

Âmo china ta Izi cha a tla thlu hapa vâta, Ama puapa cha Izi chhao ta â ly kaw.

HLAZY 106:22

Hamâ râh liata hmonoâhpazy a taotuhpa my ei ta, Tilaipi Saihpa kiah liata hmo rarôh ypazy taotuhpa kha ama my haw.

PUASAINA 11:1

Abeipa ta Mawsi hnohta, “Phiraoh chô liata nata Izi râh chô liata potlana miakha patlôsa via aw na ta, cha khai tawhta la a cha pasiesa ha aw ei. A cha pasiesa daidao ei ta la, tlokhuh ta a cha to papua ha aw ei.

PUASAINA 12:39

Izi râh tawhta ama puakheipa viahdie nyhpa hmâpa ta, viahchhâ thinô pahlao leipazy cha tao ei ta. Izi râh tawhta tophipa châ ei ta, ama hâ hmâ lei awpa vâta, thinô pahlao leipa viahchhâ dei leipa ta cha, lâpi liata ama nie awpa a tao hmâ veih ei.

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

PUASAINA 13:9

Zawpakhô kyhchhi nama hmâ tyh awpa cha, Abeipa ryhpa nama pakah liata a y thlâh ha thei nawpa ta, ngiana châta nama ku liata a ky ei chi ta, atheithlâhna châta nama mo nata mo likawh liata nama sopa hawhta a châ aw. Abeipa ta ku thatlôpa ta Izi râh tawhta a châ chhi papua ei hih.

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 15:6

Hy Abeipa, na ku chachâh lâ liata hmotaotheina rônahpa y ta, Hy Abeipa, na ku chachâh lâta khakhaipa a chaphie khai haw.

PUASAINA 4:21

Abeipa ta Mawsi hnohta, “Izi râh lâ na kua tita, hmonoâhpa tao theina ei cha piepa zydua kha, Phiraoh hmiakô liata tao tlai mah y. Châhrasala a palôh kuh pachhasa aw na ta, phopi cha pasiesa aw vei.

PUASAINA 6:1

Abeipa ta Mawsi hnohta, “Tahmâ cha Phiraoh chô liata ei tao awpa na hmô bâ aw. Ei ku thatlôpa a hmôpa vâta, Izarei sawzy pasiesa aw ta; ei ku thatlôpa a hmôpa vâta, a râh tawhta a papua aw ei,” tah ta.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

PUASAINA 9:15

Ei ku pazawhpa ta, potlana hri ta nâ nata na phopi cha tupa ta, khizaw tawhta ei cha pahleipadia bâ awpa ei a châ taraw.

ISAI 19:22

Abeipa ta Izi cha tu aw ta, tupa ta patlâh aw ta, Abeipa lâ kua aw ei ta, zawngiah awpa ta amâ hawpazy cha Abeipa ta nathlie aw ta, a patlâh aw ei.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

EZEKIA 20:33

“Ei hrona reipa ta ei reih. Ku thatlôpa nata bâh pazawhpa nata hiehâhna patlaipa ta, nama chô liata ryu ei reih aw, Abeipa Zehôvâh ta a tah.

MIKÂ 7:15

Izi râh tawhta na kaw puana nohzy hawhna khata, Hmo noâhpazy ei pahmô aw ei.

HMOTAOPAZY 7:36

Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 6:22

Abeipa ta ngiana nata hmonoâhpa rônahpa nata nôpochhih ngaitapazy Izi râh nata Phiraoh nata a chhôhkha zydua chô liata eima mohmô ta palâsa ta.

RYUREITUHPAZY 6:8

Abeipa ta Izarei sawzy hnohta hrohsopa vaw tuah ta. Hrohsopa chata ama hnohta, “Abeipa Izarei Khazohpa ta hetana heta a tah: Izi râh tawhta châ chhi papua ei na ta, seichâna o tawhta ei châ chhi papua ei.

RYUREITUHPAZY 8:16

Khihpi machâzy cha patu ta, râhchawhpa ahloh nata ahloh buhzy ta chheipa ta Sukô mo cha hrie ta.