PUASAINA 3:2 - Mara Bible RV (BSI)

² Abeipa vâlyuhchâpa ta meipaleih ta a hnohta a vaw luah ta, meipaleih cha thobuh hry tawhta kaw pua ta, kei moh ta, thobuh liata meipaleih ia ta, a thobuh deikua cha kâ leipa ta.

PUASAINA 3:2 ပူးပေါင်းရင်းမြစ်များ

ÂTHAONA 21:17

Khazohpa ta hawtipa ao cha thei ta. Khazohpa vâlyuhchâpa ta avâ tawhta Hâkarâ cha za aw ta, a hnohta, “Hâkarâ, khâpa ma na pachâ châ parôhsa? Chi khah y, hawtipa ao cha a yna lia tlai ta Khazohpa ta a thei haw.

ÂTHAONA 22:11

Châhrasala Abeipa vâlyuhchâpa ta avâ tawhta, “Abarahâ, Abarahâ!” tahpa ta za awsao ta. Abarahâ ta, “He liata ei y,” tah ta.

ÂTHAONA 48:16

Hmo pha leipa zydua tawhta nâ chatlaituhpa Vâlyuhchâpa ta, Hawtizy he byhnâ pie sala, Âmo liata ei moh phaoh lymâpa châ mawh sy. Nâ pathlatuhpa Abarahâ nata Aisika zy moh chhao, Phaoh lymâpa châ sala; Alei chô liata thata vaw pôh mawh ei sy,” tah ta.

HLAZY 66:12

Eima luh chô liata chyhsazy pakiasa chi ta, Mei nata ti sie pahlie pi ta, Chatanachôta ativyna su lâ miah nâ chhi papua.

PUASAINA 19:18

Abeipa ta Sinai Tlâh liata mei ta a za chôpa vâta, tlâh cha meikhuh ta pahly khai ha ta. Cha meikhuh cha patina meikhuh hawh tlai ta avâ lâ kiah ta, a tlâh duata thata a chalyu ta.

PUASAINA 23:20

“Moh teh, lâpi liata châ vaih awpa nata su ei chhuahdypa châ tlôkhei awpa ta, na hmia lâta vâlyuhchâpa ei pasiesa.

PUASAINA 24:17

Abeipa rônahna a vaw luahpa cha, Izarei sawzy mohmô liata, tlâh laki liata mei a kâpa a lyu.

PUASAINA 3:16

Sie la, Izarei machâzy awpakhy la, ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ei hnohta a vaw luah ta, hetana heta a tah: Cha vaw tly ei na ta, Izi râh liata nama chô liata ama hmotaopazy ei hmô haw.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

DÂNIAH 3:27

Bia avaotuhpazy, râh avaotuhpazy, râh ryureituhpazy nata abei ryhraokheituhpazy a pahmaohpakhy ei ta, cha chyhsazy pôhpa chô liata mei ta hmotaotheina a hnei leizie hmô ei ta. Ama luh sâ mei ta hlih leipa ta, ama viahkao pasipazy kâ leipa ta, mei roh rai pahnâh veih ei.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MÂKA 12:26

Athihpazy pathyupa ta ama y awpa kyh cha, Mawsi châbu liata thobuh kyh rona liana khata, Khazohpa ta, ‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta Mawsi a chhona bie kha reih beih veih ei chi ma?

LUKA 20:37

Athihpazy pathyupa ta ama y awpa kyh he, Mawsi chhao khata a vaw reih haw. Abeipa cha Abarahâ Khazohpa, Aisika Khazohpa, Zakaw Khazohpa tahpa ta, thobuh liana kha a vaw palâsa ha mâh tâh.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

RYHPACHANEINA 33:16

Alei hneirôna byhnâzy â kipa ta to sala, Chhobuh liata a pahrâpa khokheina to mawh sy. Cha byhnâzy cha Zawsi luh chô liata y sala, A unawhzy hry liata luh chaipa laki liata y mawh sy.

RYHPACHANEINA 4:20

Tanoh nama châna hawhna heta, Abeipa ta a ryuto phopi châ awpa ta, Izi râh tawhta, thua patisana mei tawhta cha la papua ei ta, a châ kaw chhi papuapa ei kha a thei thlâh ha muh vy.

2 THYSALAWNIKA 1:7

Eima Beipa Zisu, a vâlyuhchâpa thatlôpazy chhaota meipaleih hry liata â vaw luah tita, keimo hawhta pasa a taopazy a cha pahâsa aw ei.

RYUREITUHPAZY 13:13

Abeipa vâlyuhchâpa ta Manôah hnohta, “Chanô hnohta ei reipa zydua kha a phapa ta pachâ mawh sy.