PUASAINA 3:18 - Mara Bible RV (BSI)

¹⁸ Chatanachata na bie ama nathlie aw. Nâ nata Izarei machâzy Izi bei lâ vawh aw ei chi ta, a hnohta, ‘Zehôvâh, Hebraizy Khazohpa ta miah vaw tly ta, chavâta noh thôh lâsie râhchawhpa liata Zehôvâh eima Khazohpa lâta atheihna eima hlâ thei nawpa ta, ngiachhiepa ta miah pasiesa mah y,’ nama tah aw.

PUASAINA 3:18 ပူးပေါင်းရင်းမြစ်များ

ÂTHAONA 12:1

Abeipa ta Abarâ hnohta, “Na râh tawhta nata na chiheihzy tawhta nata na paw o tawhta pua la, râh ei cha pahmô awpa lâ sie mah y.

ÂTHAONA 14:13

Chyhsa â râpa pakha a vy ta, Mamre thothih liata a pahrâpa Hebrai chyhsa Abarâ hnohta cha thâtih cha chho ta. Mamre cha Amawri chyhsa châ ta, Eskaw nata Ane unawhpa a châ. Âmo cha Abarâ nata a pazaopa ama châ.

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 48:3

Zakaw ta Zawsi hnohta, “Kâna râh Luzi khih liata ei y nota, Khazohpa Atotaotheipa ta ei hnohta a vaw luah ta, byhnâ na awpa ta,

2 THÂTIHZYRONA 30:12

Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

PUASAINA 10:3

Mawsi nata Arawna cha Phiraoh lâ a kei ngia ei ta, a hnohta, “Zehôvâh, Hebraizy Khazohpa ta hetana heta a tah: ‘Khachâ ma ei hmiakô liata a panawh khoh leipa ta na y aw? Eina chakao thei nawpa ei ta, ei phopi pasiesa bâ teh.

PUASAINA 17:5

Abeipa ta Mawsi hnohta, “Zawpizy hmia lâta sie la, Izarei machâ thokha na hnohta a chhi la, Nile chavah na tuna chôchahrei kha na ku liata chabapa ta sie mah y.

PUASAINA 19:1

Izarei sawzy Izi râh tawhta ama pua tawhta a thla thôhna, cha noh liana tlai chata Sinai râhchawhpa tlô ei ta.

PUASAINA 25:22

Cha liata châ tyh tyh aw na ta, Izarei sawzy hnohta bie ei pie awpa zydua cha, biehrai byh chô liata zawngiahna dyuchhai liata cherubi mianozy likawh tawhna chata ei cha chho tyh aw.

PUASAINA 3:12

Khazohpa ta, “Na hnohta ei y aw. Keima tuapa tlai na châ tahpa, he he nâma châta ngiana a châ aw: Izi râh tawhta phopi na kaw puakhei ti ei ta, he tlâh liana tlai heta Khazohpa nama chakao aw,” tah ta.

PUASAINA 3:16

Sie la, Izarei machâzy awpakhy la, ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ei hnohta a vaw luah ta, hetana heta a tah: Cha vaw tly ei na ta, Izi râh liata nama chô liata ama hmotaopazy ei hmô haw.

PUASAINA 30:36

Thokha a dipa ta charo aw chi ta, ei châ vaw tyh nawpa ahmaohna poh o chhôh liata Biehrai Byh hmiakô liata na soh aw. Cha cha nama châta hmo pathaih ngaitapa a châ aw.

PUASAINA 30:6

Maisâh cha Biehrai byh chô lâta pohraipa hmiakô, Biehrai byh chô lâta Zawngiahna Dyuchhai hmiakô liata ei châ tyh nawpa su liata na patyu aw.

PUASAINA 4:1

Mawsi ta a chhy ta, “Na zo aw veih ei, ei ao na nathlie hra aw veih ei, ‘Abeipa na hnohta a luah vei,’ ama tah thlâh ha aw,” tah ta.

PUASAINA 4:23

Ei sawchapawpa ta eina chakao thei nawpa ta, ano cha pasiesa mah y, cha tah na ta, a sie awpa na pasai vei khiahta cha, pachâ teh, na sawchapawpa, na sawchapaw uhtheipa tlai ei thie aw,’ tahpa ta na chho aw,” tah ta.

PUASAINA 4:24

Lâpi liata riebu liata, Abeipa ta Mawsi cha a tyh ta, thie a chhuah ta.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

PUASAINA 5:1

Cha khai tawhta, Mawsi nata Arawna cha vawh ei ta, Phiraoh hnohta, “Zehôvâh, Izarei Khazohpa ta, ‘Râhchawhpa liata ei châta kyhchhi ama tao thei nawpa ta, ei phopi pasiesa teh,’ a cha tah,” tah ei ta.

PUASAINA 5:3

Âmo ta, “Hebraizy Khazohpa ta miah za tly ha ta, chavâta Khazohpa lâ eimâ theih thei nawpa ta, ngiachhiepa ta noh thôh lâsie râhchawhpa lâ miah pasiesa mah y. Chataleipatala potlana ta tlyma, zaozi ta tlyma, miah a hrie pathlei aw,” tah ei ta.

PUASAINA 7:16

Chatawhcha a hnohta, ‘Zehôvâh, Hebraizy Khazohpa ta, he bie he cha chho awpa ta nâ lâta eina vaw tuah: “Râhchawhpa liata eina chakao thei nawpa ei ta, ei phopi pasiesa teh,” cha tah na ta. Châhrasala tahmâ taihta nathlie khoh va chi.

PUASAINA 8:1

Abeipa ta Mawsi hnohta, “Phiraoh lâ a kei ngia la, a hnohta, ‘Abeipa ta hetana heta a tah: Eina chakao thei nawpa ei ta, ei phopi pasiesa teh.

PUASAINA 8:20

Abeipa ta Mawsi hnohta, “Mydi kari ta thyu la, Phiraoh cha ti lâ a zupa pachhaipa ta a hmiakô liata a kei duah la, a hnohta, ‘Abeipa ta hetana heta a tah: Eina chakao thei nawpa ei ta, ei phopi pasiesa teh.

PUASAINA 8:23

Ei phopi nata na phopi pananona tao aw na ta, he ngiana he mylâ a vaw y aw,’ tahpa ta na chho aw,” tah ta.

PUASAINA 9:1

Abeipa ta Mawsi hnohta, “Phiraoh lâ vawh la, a hnohta, ‘Zehôvâh, Hebraizy Khazohpa ta hetana heta a tah: Eina chakao thei nawpa ei ta, ei phopi pasiesa teh.

PUASAINA 9:13

Abeipa ta Mawsi hnohta, “Mydi kari ta thyu la, Phiraoh hmiakô liata a kei duah la, a hnohta, ‘Zehôvâh, Hebraizy Khazohpa ta hetana heta a tah: Eina chakao thei nawpa ei ta, ei phopi pasiesa teh.

ISAI 64:5

Nâ cha siana a taotuhpazy A ly kawpa ta a tyh tyhpa châ chi ta, Nâ lâpi a thei thlâh hapazy a tyh tyhpa na châ. Pachâ tua, eima moleina vâta na hiehâh ta, Keimo hra cha eima moleina liata bohpi y pi ta, Kheihta ma pachhapa ta eima y thei rai aw tly?

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

ZEREMIAH 26:5

ama bie nathlie awpa ta nâmo lâta ei vaw tua chanei ngâ thlâh hapa nâ chakaotuhpa hrohsopazy bie nama nathlie leipa khiahta cha,

MALUHREINA 17:4

Chazy cha ahmaohna poh o liata eimâ hmô tyhna Biehrai Byh hmiakô liata na soh aw.

ZAWSUA 1:17

Kyh to liata Mawsi bie eima zyhpa hawhna khata, na bie eima zyh lymâ aw. Abeipa na Khazohpa cha, Mawsi hnohta a ypa hawhna khata, na hnohta y mawh sy!