PUASAINA 3:16 - Mara Bible RV (BSI)

¹⁶ Sie la, Izarei machâzy awpakhy la, ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ei hnohta a vaw luah ta, hetana heta a tah: Cha vaw tly ei na ta, Izi râh liata nama chô liata ama hmotaopazy ei hmô haw.

PUASAINA 3:16 ပူးပေါင်းရင်းမြစ်များ

ÂTHAONA 1:7

Khazohpa ta aruapa cha tao ta, aruapa ry lâta ti a ypazy nata aruapa chô lâta ti a ypazy cha pachhaih ta, cha hawhna chata vaw châ ha ta.

ÂTHAONA 21:1

A vaw rei hapa hawhta, Abeipa ta Sârâ cha za tly ta. Abeipa ta a bietai hawhta Sârâ chô liata tao ta.

ÂTHAONA 28:13

Abeipa cha hleidy chô lâta a duah ta, “Kei he Abeipa, na paw Abarahâ Khazohpa nata Aisika Khazohpa ei châ. Nâ ziana râh kha, nâ nata na pathlazy ei cha pie aw ei.

ÂTHAONA 48:15

Zawsi cha byhnâ awpa ta, “Nâ pathlatuhpa Abarahâ nata Aisika zy ta A hmiakô liata ama y tyhpa Khazohpa, Ei hroh chhôh zydua ta na vaih ta, Tanoh taihta nâ vaituhpa Khazohpa,

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

HLAZY 102:21

Chatanachata Zaio liata Abeipa moh phuah aw ei ta, Zerusale liata ano reithaina ama phuah aw.

HLAZY 33:18

Moh teh u, Abeipa mo cha ano a chituhpazy chô liata khaih ta, A kyhpachâna tleih beih leipa hnabeiseihtuhpazy chô liata a khaih tyh.

HLAZY 8:4

Chyhsapa he khâpa châ ta ma, Pachâ kaw chi ta; Chyhsa sawchapawpa he khâpa châ ta ma, Na mohôh tly?

PUASAINA 1:8

Zawsi a pahno leipa, bei thiehpa Izi râh liata vaw pua ta.

PUASAINA 13:19

Zawsi ta Izarei sawzy hnohta, “Khazohpa ta cha za tly thlyu aw ei ta, ei ruzy he, he su tawhta nama phaoh ha awpa a châ,” tahpa ta liahsa bie a pataihsa hapa hawh ei ta, Mawsi ta Zawsi ruzy cha phaoh ta.

PUASAINA 15:14

Phopizy ta thei ei ta, amâ chalyu; Philistia mo thlazohpa ta ama y.

PUASAINA 17:5

Abeipa ta Mawsi hnohta, “Zawpizy hmia lâta sie la, Izarei machâ thokha na hnohta a chhi la, Nile chavah na tuna chôchahrei kha na ku liata chabapa ta sie mah y.

PUASAINA 18:12

Mawsi puhpa Zetharô cha raopa hlâna nata Khazohpa lâta atheihnazy vaw cheih ta, Mawsi puhpa hnohta Khazohpa hmiakô liata viahchhâ nie awpa ta, Arawna nata Izarei machâ zydua a vy ei ta.

PUASAINA 2:25

Khazohpa ta Izarei sawzy cha moh ta, âmo cha pachâ kaw ta.

PUASAINA 24:11

Khazohpa hmô ei ta, niepa ta doh ei ta. Châhrasala Khazohpa ta Izarei hyutuhpazy chô liata a ku pathla vei.

PUASAINA 3:2

Abeipa vâlyuhchâpa ta meipaleih ta a hnohta a vaw luah ta, meipaleih cha thobuh hry tawhta kaw pua ta, kei moh ta, thobuh liata meipaleih ia ta, a thobuh deikua cha kâ leipa ta.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

PUASAINA 4:1

Mawsi ta a chhy ta, “Na zo aw veih ei, ei ao na nathlie hra aw veih ei, ‘Abeipa na hnohta a luah vei,’ ama tah thlâh ha aw,” tah ta.

PUASAINA 4:29

Chatawhcha Mawsi nata Arawna cha sie ei ta, Izarei machâ zydua awpakhy ei ta.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

PUASAINA 4:5

Abeipa ta, “Kha hmo kha Abeipa, âmo pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa cha, na hnohta â vaw luah tlai tahpa ama zo thei nawpa châta a châ,” tah ta.

MATHAI 26:3

Cha nota Theihthai Beichaipa Kaiphâ ama tahpa o liata theihthai beizy nata khitlâh machâzy a hmaoh ei ta,

LUKA 1:68

“Abeipa Izarei Khazohpa cha, Reithaipa ta y mawh sy! A chyhsazy za tly ta, A pachha haw.

LUKA 19:44

Nâ nata na chhôh liata a ypa na sawzy alei liata ama cha taikhy aw. Chariahpazy vaw tlô nawpa noh na pahno leipa vâta, nâma liata alô â pachopa rai miakha hmah y khao leina taihta ama cha parao aw,” tah ta.

HMOTAOPAZY 11:30

Amâ chhuahpa hawhna chata tao ei ta, machâzy lâta Bânabâ nata Sawla ku liata paphao ei ta.

HMOTAOPAZY 15:14

Khazohpa ta Zenitaizy hry tawhta ano moh a phaohpa phopi padua awpa ta, âmo lâ a tly tua nota thâtih kha Simeôna ta miah a chho haw.

HMOTAOPAZY 20:17

Miletâ tawhta Ephesi lâ chyhsa tuah ta, Awnanopa machâzy ano a vaw hmô awpa ta kei paawsa ta.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 5:1

Nama hry liata Awnanopa chhituhpazy kha, kei, nama chhituh heihpa, Krista pasa taonazy a pahnotuhpa nata rônahna a vaw luah awpa a to hra awpa heta ei cha pasyu ei.

RUTHI 1:6

Abeipa ta a chyhsazy za tly ta, niepa a pie ha ei tahpa Naomi ta Môabâ râh tawhta thei ta. Chavâta Môabâ râh tawhta a lie awpa ta a myuhnôzy chhaota a thao ei ta.