PUASAINA 3:15 - Mara Bible RV (BSI)

¹⁵ Khazohpa ta Mawsi hnohta reih via heih ta, “Izarei sawzy chho la ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ta nâmo lâ eina vaw tuah,’ na tah aw. He he ei tlyzaw moh châ ta, chhâ zydua ta einâ thei thlâh nawpa moh a châ.

PUASAINA 3:15 ပူးပေါင်းရင်းမြစ်များ

ÂTHAONA 24:12

Chakaotuhpa ta, “Hy Abeipa, ei zibeipa Abarahâ Khazohpa y, ngiachhiepa ta tanoh he hlaotlohna na pie la, ei zibeipa Abarahâ chô liata ngiachhiena palâsa mah y.

1 THÂTIHZYRONA 16:16

Cha tlai cha Abarahâ hnohta a biehrai kha châ ta, Aisika hnohta a bietai châ hra ta,

1 THÂTIHZYRONA 29:18

Hy Abeipa, miah pathlatuhpa Abarahâ, Aisika nata Izarei Khazohpa y, he hawhpa achhuahnazy nata pachânazy he na phopi palôh liata khâ paysa la, ama pathipalôhzy nâ lâ khâ paheisa mah y.

2 THÂTIHZYRONA 28:9

Cha liata Abeipa hrohsopa pakha, a moh Ôdedâ ama tahpa y ta. Samâri lâ a vaw tlôpa pheisaihzy cha kei dy ta, ama hnohta, “Pachâ teh u, Abeipa châ pathlatuhpazy Khazohpa cha Zudâh chô liata a hie a hâhpa vâta nama ku liata a cha pie ei. Châhrasala pathi iapa ta thie ei chi ta, nama thiena kyh cha vârâh a daih haw.

HLAZY 102:12

Nâ deikua cha, Hy Abeipa, Na beidyuchhai liata tlyzaw ta a tyuh chi ta; Chhâ zydua ta ama châ thei lymâ.

HLAZY 102:13

Thyu aw chi ta, Zaio cha zawh nâ ngiah aw; He he Zaio khokheina daihti châ ta, Daihti raopa a vaw tlô haw.

HLAZY 135:13

Hy Abeipa, na moh cha tlyzaw ta y aw ta, Hy Abeipa, nâma atheithlâhna chhao a y kôzaw aw.

HLAZY 30:4

Hy a mopathaihpazy saih u, Abeipa reithaipa ta sa u la; A moh pathaihpa lâ alyna bie hlâ teh u.

HLAZY 30:5

A hiehâhna cha buakha châ deita châ ta, A khokheina deikua cha hro chhôh châta a châ. Zâ chhôh ta chana y hra sala, My ta alyna a vaw tlô tyh.

HLAZY 68:5

Ano cha a pahrâna su pathaihpa liata a ypa Khazohpa châ ta, Paw hnei leipazy châta paw châ ta, Nôhmeizy a duakheituhpa a châ.

HLAZY 72:17

A moh chhâzaw ta y sala, Noh a chhi chhôh zydua cha, A moh pathâh lymâ mawh sy! Phopi cha ano liata byhnâ topa ta y sala, Râh zydua ta ano cha nohlaopa tah mawh ei sy!

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

PUASAINA 15:2

Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.

PUASAINA 15:3

Zehôvâh cha chariah a dyuhpa pasaipha châ ta, A moh Zehôvâh a châ.

PUASAINA 3:13

Châhrasala Mawsi ta Khazohpa hnohta, “Izarei sawzy lâ cha zu aw sah la, ama hnohta, ‘Châ pathlatuhpazy Khazohpa ta nâmo lâ eina vaw tuah,’ tah aw sah la, âmo ta ei hnohta, ‘A moh ahy maw?’ vaw tah ei sala, kheihta ei chhy aw ei?” tah ta.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

PUASAINA 4:1

Mawsi ta a chhy ta, “Na zo aw veih ei, ei ao na nathlie hra aw veih ei, ‘Abeipa na hnohta a luah vei,’ ama tah thlâh ha aw,” tah ta.

PUASAINA 4:5

Abeipa ta, “Kha hmo kha Abeipa, âmo pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa cha, na hnohta â vaw luah tlai tahpa ama zo thei nawpa châta a châ,” tah ta.

PUASAINA 6:2

Khazohpa ta Mawsi cha bie a chho ta, a hnohta, “Kei he Zehôvâh ei châ.

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

ISAI 26:8

Hy Abeipa, na lâpi dopa liata cha hâ pi ta, Na moh nata na mohphana zy he, Eima hro ta a tlaichhaipazy cha a châ.

ISAI 42:8

Kei he Zehôvâh châ na ta, Cha cha ei moh a châ; Ahy hnohta hmah ei rônahna pie leipa na ta, Nothlahpazy hnohta chhao, Keima reithaina pie veih ei na.

ISAI 63:12

A bâh rônahpa Mawsi ku chachâh lâta pasiesa ta, Anosasyh ta chhâzaw moh a tao awpa ta, Ama hmiakô liata tizy a pachhaihtuhpa kha, Khataih liata a y haw?

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 33:2

“Alei tao ta, pizie hneipa ta paysa ta a paduatuhpa Abeipa, a moh Zehôvâh ta hetana heta a tah:

DÂNIAH 2:23

Châ ly na ta, ei cha reithai, Hy pathlatuhzy Khazohpa y; Sona nata hmotaotheina na pie chi ta, Eima cha hiapa eina pahnosa ha chi; Abei mâsapa cha miah na pahnosa haw,” tah ta.

HÔSIA 12:5

Zehôvâh, Pheisaihzy Khazohpa cha, A moh Zehôvâh tahpa ta a thei thlâh ha awpa a châ.

HÔSIA 12:6

Na Khazohpa lâ kua la, Ngâchhihna nata adona patu la, Na Khazohpa cha khâ ngâ mah y!

THEIHTHAINA 24:11

Izarei chanô sawchapawpa chata Moh reipachhiepa ta chhie sa ta. Mawsi lâ a chhi ei ta, a nô moh cha Selômi châ ta, ano cha Dânâ chi Dibri sawchanô a châ.

MIKÂ 4:5

Phopi to ama khazoh moh chyu ta charei ei ta, Keimo deikua cha, Abeipa eima Khazohpa moh ta, Chhâzaw nata tlyzaw ta eima charei aw.

MALAKHAI 3:6

“Kei he Abeipa châ na ta, anano beih va na. Chavâta, Hy nâmo, Zakaw pathlazy saih u, pahleipadia khaipa ta nama y leipa a châ hih!

MATHAI 22:32

‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta a reipa kha reih beih veih ei chi ma? Khazohpa cha athipa Khazohpa châ vei, ahrohpa Khazohpa a châ,” tah ta.

HMOTAOPAZY 3:13

Abarahâ Khazohpa, Aisika Khazohpa nata Zakaw Khazohpa, miah pathlatuhpazy Khazohpa ta a chakaotuhpa Zisu a parônahsapa a châ hih. Ano cha patusa ei chi ta, Pilâ ta pathlie â chhuahpa chhao ta, Pilâ hmiakô liata namâ paphasai hapa kha a châ.

HMOTAOPAZY 7:32

‘Kei he châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,’ tah ta. Mawsi cha a chalyu ta, moh ngâh khao leipa ta.

RYHPACHANEINA 1:11

Abeipa, châ pathlatuhpazy Khazohpa ta tahmâ ta nama maluh hlâta a lie sâh hluhpi ta cha papôh ei sala, bie a châ taihpa hawh ei ta, byhnâ cha pie mawh ei sy!

RYHPACHANEINA 1:35

‘He chhâ moleipazy hry tawhta ahy hmahta châ pathlatuhpazy hnohta pie awpa ta bie ei taihpa râh phapa cha hmô aw veih ei.

RYHPACHANEINA 4:1

“Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

HEBRAI 11:16

Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.

HEBRAI 13:8

Zisu Krista cha zâhia nata tanoh nata chhâzaw ta a ualua ta a y thlâhpa a châ.