PUASAINA 3:12 - Mara Bible RV (BSI)

¹² Khazohpa ta, “Na hnohta ei y aw. Keima tuapa tlai na châ tahpa, he he nâma châta ngiana a châ aw: Izi râh tawhta phopi na kaw puakhei ti ei ta, he tlâh liana tlai heta Khazohpa nama chakao aw,” tah ta.

PUASAINA 3:12 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

ÂTHAONA 15:8

Abarâ ta, “Hy Abeipa Zehôvâh, he râh he ei hnei aw tahpa kheihta ei pahno thei aw?” tah ta.

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

ÂTHAONA 31:3

Abeipa ta Zakaw hnohta, “Châ pathlatuhpazy râh, na chiheihzy yna râh lâ kua heih mah y. Na hnohta ei y lymâ aw,” tah ta.

2 ABEIZY 19:29

“He he na châta ngiana a châ aw: Atakô cha sâh sawhlipa a ngiapâ aw ei chi ta, hâhkô chhao a sawhlipa namâ ngiapâ aw. A kô thôhna liata chi cheih aw ei chi ta, nama hria aw. Kre sadôzy tao aw ei chi ta, a theilâpazy nama nie aw.

1 THÂTIHZYRONA 9:20

Kha hlâta cha Eliaza sawchapawpa Phinehâ cha ama hyutuhpa châ tyh ta, a hnohta Abeipa a y tyhpa a châ.

HLAZY 86:17

Hy Abeipa, na baopa ta, Thlah na palôh ha chi ta, Na khokheina ngiana na pahmô mah y; Nâ haotuhpazy ta hmô ei sala, Hmiachhiepa ta ama yna hâh ta.

PUASAINA 18:5

Mawsi puhpa Zetharô cha, Mawsi lapinô nata a sawchapawzy chhaota râhchawhpa liata Khazohpa tlâh liata Mawsi riehmo lâ vawh ta.

PUASAINA 3:1

Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

PUASAINA 3:13

Châhrasala Mawsi ta Khazohpa hnohta, “Izarei sawzy lâ cha zu aw sah la, ama hnohta, ‘Châ pathlatuhpazy Khazohpa ta nâmo lâ eina vaw tuah,’ tah aw sah la, âmo ta ei hnohta, ‘A moh ahy maw?’ vaw tah ei sala, kheihta ei chhy aw ei?” tah ta.

PUASAINA 33:14

Abeipa ta, “Ei ypâna nama hnohta sie aw ta, ei cha pahâsa aw ei,” tah ta.

PUASAINA 4:12

Chavâta tahmâ sie teh, na pakah liata y aw na ta, na rei awpa ei cha pachu lymâ aw,” tah ta.

PUASAINA 4:15

A hnohta bie reih aw chi ta, a pakah liata bie na soh lymâ aw. Nâma pakah nata ano pakah liata y aw na ta, nama tao awpa ei cha pachu lymâ aw ei.

PUASAINA 8:27

Noh thôh lâsie râhchawhpa lâ sie aw pi ta, bie miah a piepa hawh tlai ta, Abeipa eima Khazohpa lâ eimâ theih aw,” tah ta.

ISAI 37:30

“He he na châta ngiana a châ aw: Takô cha sâh sawhlipa a ngiapâ aw ei chi ta, hâhkô chhao a sawhlipa namâ ngiapâ aw. A kô thôhna liata chi cheih aw ei chi ta, nama hria aw. Kre sadôzy tao aw ei chi ta, a theilâpazy nama nie aw.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ZEREMIAH 1:8

Âmo cha chi khah y, Cha pachha awpa ta na hnohta ei y aw, Abeipa ta a tah,” tah ta.

MALUHREINA 16:28

Mawsi ta, “He liana heta Abeipa ta he raizy he hria awpa ta eina tuah tahpa pahno aw ei chi ta, keima kho ta ei taopa a châ leizie nama pahno aw.

MALUHREINA 23:21

Zakaw liata chhiena hmô leipa ta, Izarei liata tymâna hmô vei. Abeipa ama Khazohpa ama hnohta y ta, Ama Bei palyupalihna pyu ama hry liata a y.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

MÂKA 16:20

Pachupazy cha sie ei ta, su to liata bie chho ei ta. Abeipa ta âmo cha hriakhei ta, ama bie chhopazy pa-i nawpa ta, ngiana hmonoâhpazy ta a pazi lymâ ei.

HMOTAOPAZY 11:21

Abeipa ku ta âmo cha a châhkhei ta, chyhsa hluhpi ta a ngiapâ ei ta, Abeipa lâ a heih ei ta.

HMOTAOPAZY 7:7

Châhrasala Khazohpa ta, ‘Sei châpa ta ama chakaopa phopi cha pachia aw na ta, cha khai tawhta kaw pua aw ei ta, he su liata eina chakao aw ei,’ tah ta.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RYHPACHANEINA 31:23

Abeipa ta Nunâ sawchapawpa Zawsua cha biehneina pie ta, a hnohta, “Thatlôpa nata riahphapa ta y teh. Izarei sawzy he ama hnohta bie ei taihpa râh nâ ngiakhei aw ei. Na hnohta ei y lymâ aw,” tah ta.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

RYUREITUHPAZY 6:12

Abeipa vâlyuhchâpa a hnohta a vaw luah ta, a hnohta, “Nâ, chyhsa thatlôpa nata riahphapa y, Abeipa na hnohta a y,” tah ta.

RYUREITUHPAZY 6:16

Abeipa ta a hnohta, “Na hnohta y aw na ta, Midia mo cha chyhsa pakha thiepa hawhta na thie khai aw ei,” tah ta.

RYUREITUHPAZY 6:17

Kidia ta a hnohta, “Tahmâ he na modypa ei châ khiahta cha, bie nâ chhotuhpa he nâma tlai na châ hmeiseih tahpa ngiana na pie teh.

RYUREITUHPAZY 6:21

Abeipa vâlyuhchâpa ta a chôchahrei chabapa pawhmao ta sa nata viahchhâ cha kei saoh ta, lôpanô tawhta mei vaw pua ta, sa nata viahchhâ thinô pahlao leipa cha a kâ khai haw. Chatawhcha Abeipa vâlyuhchâpa ta Kidia cha siesai ha ta.

RYUREITUHPAZY 7:11

Ama biereipa thei aw chi ta, cha khai tawhta cha na ku thapatlôpa ta y aw ta, riehmo cha na za chho ngâh aw,” tah ta. Chatanachata Kidia cha a chakaotuhpa Purâ a chhi ta, pheisaihzy riehmo tytua chaipa lâ zu ta.

1 SAMUELA 14:10

‘Keimo lâ a khy teh u,’ ama tah khiahta deikua cha, khy aw pi ta, Abeipa ta eima ku liata miah a pie haw tahpa eima châta ngiana a châ aw,” tah ta.