PUASAINA 3:11 - Mara Bible RV (BSI)

¹¹ Mawsi ta Khazohpa hnohta, “Phiraoh lâ zu ta, Izarei sawzy Izi râh tawhta a chhi papua awpa ta, kei he ahy ma ei châ tly?” tah ta.

PUASAINA 3:11 ပူးပေါင်းရင်းမြစ်များ

2 SAMUELA 7:18

Chatawhcha Bei Dâvi cha a ngia ta, Abeipa hmiakô liata a tyuh ta, a hnohta, “Hy Abeipa Zehôvâh y, ahy ma châ na ta, ei chhôhkha he khâpa châ ta ma, he taih heta einâ vaw chhi chi tly?

1 ABEIZY 3:7

Hy Abeipa ei Khazohpa y, châ chakaotuhpa he ei paw Dâvi su liata bei ta eina tao chi hih. Kei la hawtipa dei châ na ta, yzia dâh nata bierei kahthlâ chhao pahno thai va na.

1 ABEIZY 3:9

Chavâta châ chakaotuhpa he, na phopi chô liata ryu ei rei thei nawpa ta sona na pie mah y. Chatanachata a chhiepa nata a phapa ei pahrua thei aw. He tlu ta a hluhpa na phopi chô liana he ahy ma ryu a reih thei aw?” tah ta.

1 THÂTIHZYRONA 29:14

“Ahy ma châ na ta, ei chiheihzy chhao he ahyzy ma châ ei ta, he hawhta keimo kho tlai ta hmopiepazy eima vaw hlâ thei tly? Hmo to nâ tawhta eima hmôpa châ ta, na eih eima cha pie lilaw heihpa dei a châ.

PUASAINA 6:12

Châhrasala Mawsi ta Abeipa hnohta, “Pachâ teh, Izarei sawzy hmahta eina nathlie khoh leipa khiah ei ta cha, Phiraoh chhochhi ta cha keima kahchôleiâpa biereipa cha kheihta ma a nathlie khoh aw,” tah ta.

ZEREMIAH 1:6

Kei ta, “Âh, Abeipa Zehôvâh, moh tua, hawtipa deita châ na ta, bie reizie chhao thai va na,” tah na ta.

2 KAWRINI 2:16

py kha châta thina tawhta thina lâ ropahâhpa châ pi ta, py hropa châta hrona tawhta hrona lâ ropahâhpa eima châ. Chazy châta ahy a tloh thei aw?

2 KAWRINI 3:5

Keimo liata tlohna hnei leipa pi ta, keimo tawhta a puapa rei awpa khâpa hmah hnei ma pi. Eima tlohna cha Khazohpa tawhta a châ.

RYUREITUHPAZY 6:15

Kidia ta a hnohta, “Hy ei zibeipa, kheihta ma Izarei cha ei pachha thei aw? Moh tua, ei pho he Manase chi liata thatlô lei chaipa pho châ ta, keima tlai chhao he ei chhôhkha liata a nawh chaipa ei châ hih,” tah ta.

1 SAMUELA 18:18

Dâvi ta Sawla hnohta, “Ahy ma châ na ta, ei sanawh rinô nata ei paw pho zy he Izarei liata ahyzy châ ei ta ma, abei piahpa cha ei châ aw?” tah ta.