PUASAINA 3:10 - Mara Bible RV (BSI)

¹⁰ Chavâta tahmâ a vy teh, ei phopi Izarei sawzy Izi tawhta a chhi papua awpa ta Phiraoh lâ ei cha tuah aw,” tah ta.

PUASAINA 3:10 ပူးပေါင်းရင်းမြစ်များ

ÂTHAONA 15:13

Abeipa ta Abarâ hnohta, “Na pathlazy cha maniah râh liata khichhai ta y aw ei ta, kô 400 chhôh riethei taopa ta sei ta ama y aw tahpa a siapa ta pahno mah y.

ÂTHAONA 15:14

Châhrasala sei ta âmo a taotuhpa phopi cha pachia aw na ta, achhâna lâta sôh nata thih hluhpi chhaota ama pua aw.

HLAZY 105:26

A chakaotuhpa Mawsi tuah ta, Â tlyhpa Arawna chhao tuah ta.

HLAZY 77:20

Mawsi nata Arawna ku ta, Mietaku zaw hawhta na phopi na chhihtha.

PUASAINA 12:40

Izarei sawzy Izi râh liata ama pahrâ chhôh cha, kô 430 a châ.

PUASAINA 12:41

Kô 430 chhâna liata, cha noh lia tlai ta, Abeipa pheisaih zydua cha Izi râh tawhta ama pua khai haw.

PUASAINA 33:12

Mawsi ta Abeipa hnohta, “Nâ ta ei hnohta, ‘He phopi he a chhi teh,’ tah chi ta, châhrasala nâ sielâh awpa chyhsa na chho tlôh leipa chi ta. Cha leipa chhao ta, ‘Na moh ta cha pahno na ta, nâ chhao ei modypa ta na y hra,’ na tah chi ta.

PUASAINA 33:13

Na mo ei dy khiahta cha, ngiachhiepa ta na lâpizy na pahmô mah y. Chatanachata cha pahno aw na ta, na modypa ta ei y lymâ thei aw. He phopi he na phopi ama châpa rie a thei mah y,” tah ta.

PUASAINA 6:26

Âmo cha Abeipa ta, “Izarei sawzy cha ama py yzie lymâ hawhta Izi râh tawhta a chhi papua teh u,” tahpa ta a chhopa Arawna nata Mawsi kha ama châ.

HÔSIA 12:13

Hrohsopa hmâpa ta, Abeipa ta Izi tawhta Izarei a kaw chhi ta; Hrohsopa hmâpa ta, A hrôbieh lymâ.

MIKÂ 6:4

Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

HMOTAOPAZY 7:34

Izi râh liata ei phopi a ypazy rietheizie hmô na ta, amâ hrôna chhao ei thei haw. Chavâta âmo pachha awpa ta ei zu. A vy teh, Izi râh lâ ei cha tuah aw,’ tah ta.

HMOTAOPAZY 7:36

Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta.

HMOTAOPAZY 7:6

Cha kyh liata, Khazohpa ta Abarahâ hnohta a pathlazy maniah râh liata kô za palih sei ta y aw ei ta, riethei ama tao awpazie chho ta.

HMOTAOPAZY 7:7

Châhrasala Khazohpa ta, ‘Sei châpa ta ama chakaopa phopi cha pachia aw na ta, cha khai tawhta kaw pua aw ei ta, he su liata eina chakao aw ei,’ tah ta.

RYUREITUHPAZY 6:14

Abeipa ta a hnohta, “Na thatlôna ta sie la, Izarei he Midia ku tawhta pachha mah y. Kei tlai ta ei cha tuah hih” tah ta.

1 SAMUELA 12:6

Samuela ta Izarei phopi hnohta, “Mawsi nata Arawna a raotuhpa Abeipa nata châ pathlatuhpazy Izi râh tawhta a kaw chhi papuatuhpa ta a cha pahnokhei ei.

1 SAMUELA 12:8

Izi râh liata Zakaw â ngia hnôh lâna khata, châ pathlatuhpazy ta Abeipa awsao ei ta, Abeipa ta Mawsi nata Arawna tuah ta, âmo ta châ pathlatuhpazy cha Izi râh tawhta a chhi papua ei ta, he su liata ama vaw pahrâsa.