PUASAINA 3:1 - Mara Bible RV (BSI)

¹ Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

PUASAINA 3:1 ပူးပေါင်းရင်းမြစ်များ

1 ABEIZY 19:19

Elaizâh cha cha su tawhta sie ta, Saphâta sawchapawpa Elaisâh cha kei hmô ta. Elaisâh cha viahchao tôhpa bao hrawh hleino ta alei vaw palie ngâ kaw ta. A bao hrawh hleinona cha ano ta haoh ta. Elaizâh ta kei pangai ta, a viahkao pasipa thy thlu ta.

1 ABEIZY 19:8

Elaizâh cha thyu ta, niepa ta doh ta. Cha pati thatlôna chata Khazohpa tlâh Hôribâ taihta noh sypalih nata zâ sypalih sie ta.

HLAZY 106:19

Hôribâ tlâh liata viahchaotaw nothlahpa tao ei ta, Nothlah leihpa cha amâ chhy.

PUASAINA 17:6

Hôribâ liata lôpanô chô liata na hmiakô liata a vaw duah aw na ta, lôpanô cha tu aw chi ta, cha tawhta zawpi do awpa ti a vaw pua aw,” tah ta. Mawsi ta Izarei machâzy mohmô liata cha hawhna chata tao ta.

PUASAINA 18:12

Mawsi puhpa Zetharô cha raopa hlâna nata Khazohpa lâta atheihnazy vaw cheih ta, Mawsi puhpa hnohta Khazohpa hmiakô liata viahchhâ nie awpa ta, Arawna nata Izarei machâ zydua a vy ei ta.

PUASAINA 19:11

a noh thôhna noh châta a pachyh mawh ei sy. A noh thôhna noh ta chyhsa zydua mohmô ta Sinai Tlâh liata Abeipa a za chô aw.

PUASAINA 19:2

Rephidi tawhta pua ei ta, Sinai râhchawhpa tlô ei ta, râhchawhpa liana cha riehmo paryh ei ta. Izarei mo cha, cha liata tlâh thaby liata riehmo paryh ei ta.

PUASAINA 19:3

Mawsi cha Khazohpa lâ khy ta, Abeipa ta tlâh tawhta bie a vaw chho ta, a hnohta, “Zakaw chhôhkhazy hnohta hetana heta reih la, Izarei sawzy hnohta hetana heta chho mah y:

PUASAINA 2:16

Midia râh theihthaipa cha sawchanô pasari hnei ta, ti vaw thaih ei ta, ama paw mietaku zaw padosa awpa ta ti châkizy pabie ei ta.

PUASAINA 2:18

Ama paw Rue lâ amâ vaw di nahta, ama paw ta, “Kheihtazieta tanoh cha nama vaw tlô patoh kaw dia?” tah ta.

PUASAINA 2:21

Cha chyhsa hnohta y awpa cha Mawsi ta paryhsa ta. Rue ta a sawchanô Zipôrâ cha Mawsi pie ta.

PUASAINA 24:13

Mawsi nata ano baotuhpa Zawsua cha thyu ei ta, Mawsi cha Khazohpa tlâh lâ khy ta.

PUASAINA 3:12

Khazohpa ta, “Na hnohta ei y aw. Keima tuapa tlai na châ tahpa, he he nâma châta ngiana a châ aw: Izi râh tawhta phopi na kaw puakhei ti ei ta, he tlâh liana tlai heta Khazohpa nama chakao aw,” tah ta.

PUASAINA 3:5

Khazohpa ta, “A vaw hnia kha, na pheikyzy kha pahluh teh, nâ duana alei kha su pathaihpa a châ,” tah ta.

PUASAINA 33:6

Chavâta Izarei sawzy ta ama sôhthihzy cha Hôribâ tlâh liata ama pahluh khai haw.

PUASAINA 4:18

Mawsi cha a puhpa Zetharô lâ a lie ta, a hnohta, “Izi râh liata ei unawh a ypazy ama hroh ma tahpa pahno awpa ta, ngiachhiepa ta âmo lâ na pasiesa mah y,” tah ta. Zetharô ta Mawsi hnohta, “Thlalôhpa ta sie mah y,” tah ta.

PUASAINA 4:27

Abeipa ta Arawna hnohta, “Mawsi dy awpa ta râhchawhpa lâ sie teh,” tah ta. Arawna cha sie ta, Khazohpa tlâh liata Mawsi a kei tyh ta, a pahnâ ta.

AMÔSÂ 1:1

He biezy he Zudâh bei Uzia â bei no nata Zôasâ sawchapaw Zerôbaw Izarei liata â beina daihti, alosih hlâ kô nona liata, Tekô khih liata mietaku vaituhpazy hry liatapa Amôsâ ta Izarei kyh a hmôpazy a châ.

MALAKHAI 4:4

“Nâ chakaotuhpa Mawsi ryhpa kha a thei u la, Izarei zydua châta Hôribâ tlâh liata ei piepa biepiepazy nata ryhpazy kha a thei teh u.

MALUHREINA 10:29

Mawsi puhpa Midia chyhsa Rue sawchapawpa Hôbâ hnohta Mawsi ta, “Abeipa ta, ‘Ei cha pie aw ei,’ a tahpa su lâ eima pangai hai. Abeipa ta Izarei sawzy châta hmo phapa bie a taih ha ta, chavâta eima hnohta vaw sie hra teh, a pha ngaitapa ta na chô liata eima tao aw,” tah ta.

MALUHREINA 10:33

Chatanachata Abeipa tlâh tawhta pua ei ta, noh thôh lâsie taih sie ei ta. Amâ pahâ nawpa su tlua awpa ta, Abeipa Biehrai Byh cha noh thôh chhôh ama hmia lâta sie ta.

LUKA 2:8

Cha râh liata mietaku vaituhpazy y ei ta, zâ ta ama mietakuzy vaipa ta lyu liata a rie pâ ei ta.

HMOTAOPAZY 7:30

“Kô sypalih a châ tawhta, Sinai Tlâh râhchawhpa thobuh liata, meipaleih hry liata vâlyuhchâpa a hnohta a vaw luah ta.

RYHPACHANEINA 1:2

Hôribâ tawhta Kâdesbânia cha Seirâ Tlâh lâpi lâta noh hrawh hleikha sie a châ.

RYHPACHANEINA 1:6

“Abeipa eima Khazohpa ta Hôribâ tlâh liata bie miah chho ta, ‘He tlâh liata bohpi tlai nama y haw.

RYHPACHANEINA 4:10

Hôribâ liata Abeipa nama Khazohpa hmiakô liata namâ dua noh kha a thei thlâh ha teh u. Abeipa ta ei hnohta, ‘Zawpizy ei hmiakô liata awpakhy teh. Ei biezy ei pahnosa aw ei. Chatanachata alei chô liata ama hro chhôh zydua ta na chi awpa ta a chu aw ei ta, ama sawzy chhao ama pachu pachhuah thei aw,’ tah ta.

RYUREITUHPAZY 4:11

Keni chyhsa Hebe cha a chiheih Keni mo hry tawhta a panano ta, âmo tawhta â hla kawpa ta Kedesâ kiapâh ta Zanâni liata ôkâ tho thih liata poh o rai ta. Keni mo he Mawsi puhpa Hôbâ pathlazy ama châ.

1 SAMUELA 16:11

Samuela ta Zese hnohta, “Na sawchapawpa zydua amâ ki ma?” tah ta. Zese ta, “A seihnai chaipa y ta, châhrasala ano cha mietakuzy vaina liata na a y haw,” tah ta. Samuela ta Zese hnohta, “Kei paawsa teh, a vaw tlô hlâlei a tyuh aw ma pi,” tah ta.