PUASAINA 29:9 - Mara Bible RV (BSI)

⁹ Arawna nata a sawchapawzy cha chaisaihna ta ama chai saih aw chi ta, lakhu pakhu aw chi ta, chatanachata theihthaipa châna cha chhâzaw ta âmo eih châ awpa ta bieraopa ta chahnaopa a châ aw. Cha hawhna chata Arawna nata a sawchapawzy cha na chahnao aw ei.

PUASAINA 29:9 ပူးပေါင်းရင်းမြစ်များ

PUASAINA 27:21

Ahmaohna poh o liata Biehrai Byh pohraipa khôtho liata, Arawna nata a sawchapawzy ta meiôh cha Abeipa hmiakô liata zâlâ tawhta my taihta ama pakhaih tyh awpa a châ. Cha cha Izarei saw chhâ vaw y lymâ awpazy châta chhâzaw bieraopa a châ aw.

PUASAINA 28:1

“Na unawhpa Arawna cha, a sawchapawzy chhaota, Izarei sawzy hry tawhta pananopa ta na hnohta a chhi aw chi ta, chatanachata Arawna nata a sawchapaw Nâdâ, Abihu, Eliaza nata Ithamâ zy cha ei theihthaipa rai hriapa ta eina chakao aw ei.

PUASAINA 32:29

Mawsi ta, “Tanoh he Abeipa châta a panano teh u. Chyhsa to ta ama sawchapawzy nata ama unawhzy a dyuh ha ei ta, chavâta tanoh he Abeipa ta byhnâ a cha pie aw ei,” tah ta.

PUASAINA 40:15

Theihthaipa rai hriapa ta eina chakao thei nawpa ei ta, ama paw sathaw na thupa hawhta âmo chhao sathaw na thu hra aw. Sathawthupa ama châpa cha, ama chhâ zydua ta theihthaipa ama châ lymâ nawpa châta a châ aw,” tah ta.

THEIHTHAINA 8:1

Abeipa ta Mawsi chho ta, a hnohta,

THEIHTHAINA 8:13

Abeipa ta Mawsi hnohta bie a piepa hawhta, Mawsi ta Arawna sawchapawzy a vaw chhi ta, chôtho pakysapa ta, chaisaihna pasaih ta, khuthozy a pakhu ei.

THEIHTHAINA 8:33

Nâmo chahnao awpa ta noh sari byuh ta, chavâta chahnaona nohzy nama châta â ki hlâlei cha, noh sari chhôh ahmaohna poh o chhikao tawhta nama pua awpa châ vei.

MALUHREINA 16:10

Nâ nata na unawh Livai pathla zydua cha ano kiapâh liata y awpa ta a cha rao ei. Khazia theihthaipa châ awpa taihta namâ chhuhrao?

MALUHREINA 16:35

Chatawhcha Abeipa tawhta mei vaw pua ta, ropahâhpa a hlâ haipa chyhsa 250 cha a kâsao khai ha ei.

MALUHREINA 16:40

Abeipa ta Mawsi hmâpa ta Eliaza hnohta a reipa hawhta, cha cha Izarei sawzy zikyurâna châta taopa a châ. Arawna pathla a châ leipa chyhsa ahy hmahta Abeipa hmiakô liata ropahâhpa rao awpa ta amâ hnia awpa châ vei. A tao raruahpa cha, Kôrâ nata a sahlaozy hawhta ama châ aw.

MALUHREINA 18:7

Nâ nata na hnohta a ypa na sawchapawzy ta maisâh nata pohraipa chhôh liata theihthaina rai hria awpa zydua hria thei aw ei chi ta, nama chakao aw. Theihthaipa chakaona raihria cha, hmosaipiepa ta nama hnohta cha pie ei na ta, chihropa a vaw hniapa maih cha thie awpa ama châ,” tah ta.

MALUHREINA 25:13

A Khazohpa châta a hiatlia ta, Izarei sawzy châta chatlaina a taopa vâta, cha cha ano nata a hnôhlâ ta a pathlazy châta chhâzaw ta theihthaipa châna biehrai a châ aw,’” tah ta.

MALUHREINA 3:10

Arawna nata a sawchapawzy cha theihthaipa châta rao aw chi ta, ama theihthai châna ama pazao lymâ aw. Khôtho chyhsa ta theihthaipa chakaona rai hria awpa ta achhyna byureih â hnia khiahta cha, thie awpa a châ,” tah ta.

RYHPACHANEINA 18:5

Ano nata a sawchapawzy cha, Abeipa nama Khazohpa ta a moh ta a duah ta, chhâzaw ta chakao awpa ta nama chi zydua hry tawhta â tlypa ama châ.

HEBRAI 5:10

Melkizade theihthaipa châna lâpi a chhih ta, Khazohpa ta ano cha theihthai beichaipa ta a tao haw.

RYUREITUHPAZY 17:5

Mikâ ta khazoh achhyna su hnei ta, ephaw nothlahpa nata chhôhkha khazoh nothlahpazy tao ta, a sawchapaw pakha cha ano châta theihthaipa châ awpa ta chahnao ta.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.