PUASAINA 29:7 - Mara Bible RV (BSI)

⁷ Sathawthuna châta taopa sathaw la aw chi ta, a luh liata bao aw chi ta, sathaw na thu aw.

PUASAINA 29:7 ပူးပေါင်းရင်းမြစ်များ

HLAZY 133:2

Adyhna cha luh liata sathaw sôh ngaitapa a thupa hawhta châ ta, Kâhhmi liata za loh laih ta, Arawna kâhhmi lia tlai ta za lohpa ta, A viahkao pasipa rao taihta a zâ lohpa hawhta a châ.

HLAZY 89:20

Nâ chakaotuhpa Dâvi hmô na ta, Ei sathaw pathaihpa ta ano cha sathaw ei thu.

PUASAINA 28:41

Cha chysiazy cha na unawhpa Arawna nata a sawchapawzy pakysa aw chi ta, theihthaipa rai hriapa ta eina chakao thei nawpa ei ta, âmo cha sathawthupa ta, chahnao aw chi ta, na pathaisa aw ei.

PUASAINA 40:13

Arawna cha chysia pathaihpazy pakysa aw chi ta, sathawthu aw chi ta, na pathaisa aw. Chatanachata theihthaipa rai hriapa ta eina chakao thei aw.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

THEIHTHAINA 10:7

Abeipa sathaw pathaihpa nama chô liata y ta, chavâta ahmaohna poh o chhikao tawhta nama pua awpa châ vei, chataleipatala nama thi pathlei aw na,” tah ta. Mawsi bie hawhna chata tao ei ta.

THEIHTHAINA 21:10

“Theihthai beichaipa châ awpa ta a unawhzy hry tawhta panano hapa nata, a luh liata sathaw pathaihpa bao hapa nata theihthaipa chysia a tobi awpa ta panano hapa cha, a sâ a pathliah awpa châ leipa ta, a chysiazy a hrie awpa châ vei.

THEIHTHAINA 21:12

A Khazohpa ta a pananona sathawthuna a chô liata y tlôh ta, chavâta supathaihpa tawhta a pua awpa châ vei. Chataleipatala a Khazohpa supathaihpa a papuapalei pathlei aw. Kei he Abeipa ei châ.

THEIHTHAINA 7:35

Cha cha Abeipa châta theihthaipa chakaona rai hria awpa ta, Arawna nata a sawchapawzy raopa ama châ noh tawhta, Abeipa lâta mei ta hmohlâpazy tawhta ama tovyuh châta panano eihpa a châ.

ZEKARIA 4:14

“Hezy he khizaw zydua liata Abeipa a chakao awpa sathawthupa panozy ama châ,” tahpa ta na chho ta.

MALUHREINA 35:25

Zawpizy ta lianycheihtuhpa cha thisaih phuh latuhpa ku tawhta pachha aw ei ta, a boh awpa ta â râna, â bohna khihpi liata ama paysa aw. Sathaw pathaihpa ta sathawthupa theihthai beichaipa a thi hlâlei, cha liata a y thlâh ha awpa a châ.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.