PUASAINA 29:38 - Mara Bible RV (BSI)

³⁸ “Maisâh chô liata hmo na hlâ awpa cha, he he a châ: Noh chareih ta kô kha uhtheipa mietakutaw pô no lymâ na hlâ aw.

PUASAINA 29:38 ပူးပေါင်းရင်းမြစ်များ

ÂTHAONA 22:7

Aisika ta a paw Abarahâ cha bie a chho ta, “Ei pâ,” tah ta. A paw ta, “Ei sawchapawpa, he liata ei y,” tah ta. Aisika ta, “Moh tua, mei nata tho y ta, châhrasala raopa hlâna châta mietakutaw khataih liata a y?” tah ta.

1 THÂTIHZYRONA 16:40

Âmo cha Abeipa Ryhpa liata ropa, Abeipa ta Izarei sawzy bie a piepa zydua tao ta, my nata zâ ta raopa hlâna maisâh liata Abeipa lâ raopa hlâna a hlâ tyh awpazy ama châ.

2 THÂTIHZYRONA 13:11

Noh chareih nata zâ chareih ta Abeipa lâ raopa hlânazy nata ia-ô pahâhpa ropahâhpazy hlâ ei ta, ngôh suapa ta taopa tlâhkhai liata viahchhâ chaluahpazy soh tyh ei ta, zâ to ta a khaih thei nawpa ta meiôh patyuna nata a meiôhzy ama mohôh lymâ. Keimo la Abeipa eima Khazohpa biepiepa zyh pi ta, nâmo deikua la Abeipa nama tleisai haw.

2 THÂTIHZYRONA 2:3

Sawlawmaw ta Tyre bei Hirâ lâ chyhsa tuah ta, a hnohta, “Ei paw Dâvi chô liata hmo pha tao chi ta, a pahrâ nawpa o sa nawpa ta sidy thozy, na vaw paphaopa hawhna khata, kei chhao na taopa hra mah y.

2 THÂTIHZYRONA 2:4

Pachâ teh, Abeipa ei Khazohpa moh châta o sa awpa ei chhuah. Cha o cha Zehôvâh Khazohpa hmiakô liata ropahâhpa rao nawpa châta zy, viahchhâ chaluahpa so tyh nawpa châta zy, Izarei châta chhâzaw châta raopa Pahânoh, thla thiehpa nata Abeipa eima Khazohpa kyhchhi nohzy liata, my nata zâ ta raopa hlânazy hlâ nawpa châta a châ.

2 THÂTIHZYRONA 29:7

Aikah ochhizy khaw ei ta, meiôhzy pachhai ei ta, Izarei Khazohpa Su Pathaihpa liata ropahâhpazy rao leipa ei ta, raopa hlânazy chhao hlâ veih ei.

2 THÂTIHZYRONA 31:3

Abeipa ryhpa liata ropa hawhta, my nata zâ ta raopa hlânazy châta nata Pahânoh nata thla thiehpa nata kyhchhi raopazy liata raopa hlânazy châta abei ta ano sahrohzy thyu lymâ ta.

2 THÂTIHZYRONA 8:13

Cha raopa hlânazy cha Mawsi biepiepa hawhta noh chareih ta â ngiahna lymâ hawh ta hlâ tyhpa a châ. Pahânoh nata thla thieh nohzy liata hlâ tyhpa châ ta, kô chareih ta taopa kyhchhi miathôhpa, viahchhâ thinô pahlao leipa kyhchhi, Hâta Kyhchhi nata Byureih Kyhchhi lia zy ta hlâ tyhpa a châ.

EZRÂ 3:3

Maisâh cha a y tyhna su liata padua ei ta, cha râhzy liata a pahrâpa phopizy ama chipa vâta, my nata zâlâ ta hlâpa, raopa hlânazy cha maisâh liata ama hlâ tyh.

EZRÂ 3:5

Cha khai tawhta, raopa hlâna hlâ tyhpazy, thla thieh atheihna hlâ tyhpazy, Abeipa kyhchhi raopa zydua liata atheihna hlâ tyhpazy nata Abeipa lâta lôhthai hmohlâpazy ama hlâ tyh.

PUASAINA 40:29

Ahmaohna poh o achhyna byureih chhikao hmiakô liata raopa hlâna maisâh patyuh ta, Abeipa ta Mawsi hnohta bie a piepa hawhta, a chô liata raopa hlâna nata niepa hlânazy hlâ ta.

EZEKIA 46:13

“Noh chareih ta Abeipa lâta raopa hlâna châta mietakutaw kô khapa seina hnei leipa hmâh aw chi ta, my chareih ta nâ chhuanoh aw.

EZEKIA 46:15

Cha hawhna chata raopa hlâna hlâ lymâ nawpa châta, mietakutaw nata niepa hlâna nata sathaw zy my chareih ta a chhuanoh awpa a châ.

DÂNIAH 12:11

Raopa hlâna hlâ tyhpa cha pachhâsapa ta, roryhrana patlôsatuhpa pasichhihpa paduapa a châna daihti tawhta, noh 1,290 a châ aw.

DÂNIAH 9:21

thlahchhâna bie ei rei hai no tlai ta, aluahna hmiatuapa liata ei hmôpa chyhsa, Kabriel kha ta, zâlâ atheihna hlâ daihti liata a chatliepa ta kei lâ a zâ zaw ta.

DÂNIAH 9:27

Abei ta hâta ei kha chhôh chyhsa hluhpi hnohta biehrai a ipa tao aw ta, hâta khophie chhôh atheihna nata hmohlâpazy a pachhâsa aw. Chatawhcha roryhrana patlôsatuhpa chô liata chhâna daihti rao chhielie hapa patlai thlupa a châ hlâlei cha, roryhrana patlôsatuhpa cha pasichhihpa mathlaw chô liata a chohpa ta â vy aw,” tah ta.

THEIHTHAINA 3:5

Chazy cha Arawna sawchapawzy ta maisâh liata raopa hlâna mei tho chô liata ama rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 6:9

“Arawna nata a sawchapawzy hnohta hetana heta biepie teh: He he raopa hlâna taozie awpa ryhpa a châ: Raopa hlâna cha maisâh chô liata mei liata azozâkhihdei ta y aw ta, a mylâ taihta a y aw. Maisâh liata mei cha a ia ngâ thlâh awpa a châ.

THEIHTHAINA 9:17

Cha khai tawhta niepa hlâna cheih ta, cha tawhtapa cha pazah kha la ta, maisâh liata rao ta, cha cha mydi ta raopa hlâna hleikhô ta hlâ baichhipa a châ.

MALUHREINA 29:6

Chazy cha, thla thieh raopa hlâna nata â chakaihpa niepa hlâna, raopa hlâna hlâ tyhpa nata â chakaihpa niepa hlâna nata dopa hlânazy thota, taozie awpa hawhta taopa ta, Abeipa châta ropahâhpa châta mei ta hmohlâpa hlâ awpazy a châ.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

HEBRAI 7:27

Ano cha theihthai beichaipa hropazy hawhta, noh chareih ta ano moleinazy châta atheihna hlâ tuapa ta, cha khai tawhta chyhsazy moleina châta atheihna a hlâ chanei ngâ thlâh awpa byuh vei. Anosasyh ta chhâzaw châta ei kha â hlâna liata a pangoh khai haw.

1 PITY 1:19

mietakutaw seina hnei leipa nata apuapa a bai leipa thisaih hawhta Krista thisaih sôhpa ta chatlaipa nama châpa nama pahno.