PUASAINA 29:27 - Mara Bible RV (BSI)

²⁷ Chaluahpa hlâna châta chaluah hapa, Arawna nata a sawchapawzy chahnaona mietaku tôhpa palôh nata chalopa hlâna châta chalo hapa phei cha na pathaisa awpa a châ.

PUASAINA 29:27 ပူးပေါင်းရင်းမြစ်များ

PUASAINA 29:26

“Arawna chahnaona mietaku tôhpa cha a palôh la aw chi ta, chaluahpa hlâna châta Abeipa hmiakô liata na chaluah aw. Cha cha na tovyuh a châ aw.

PUASAINA 29:28

A phei cha Arawna nata a sawchapawzy ta Izarei sawzy tawhta chhâzaw ta ama to awpa a châ. Cha cha chalopa hlâna a châ. Aryhna hlâna atheihnazy tawhta Izarei sawzy ta ama hlâ awpa chalopa hlâna châ ta, Abeipa lâta ama hmohlâpa a châ aw.

THEIHTHAINA 10:15

A phei chalo awpa nata a palôh chaluah awpazy cha, chaluahpa hlâna châta Abeipa hmiakô liata chaluahpa a châ thei nawpa ta, mei ta hlâ awpa a thawzy chhaota ama vaw cheih aw. Abeipa biepiepa hawhta, cha cha nâ nata na sawchapawzy châta chhâzaw ta nama tovyuh a châ aw,” tah ta.

THEIHTHAINA 7:30

Abeipa lâta mei ta hmohlâpa cha ano ku tlai ta cheih aw ta, a thaw chhao a palôh duata cheih aw ta, chatanachata a palôh cha chaluahpa hlâna ta Abeipa hmiakô liata a chaluah aw.

THEIHTHAINA 7:37

Chazy cha raopa hlâna, niepa hlâna, moleina hlâna, thaileichâna hlâna, chahnaona hlâna nata aryhna hlâna atheihna taoziezy a châ.

THEIHTHAINA 9:21

Mawsi biepiepa hawhta, a palôh nata a phei chachâh lâ cha, Arawna ta chaluahpa hlâna châta Abeipa hmiakô liata chaluah ta.

MALUHREINA 18:11

“Hezy chhao na tovyuh a châ: Ama chalopa hlâna hmopiepa nata Izarei sawzy chaluahpa hlâna zydua cha, nâ nata na hnohta a ypa na sawchapawzy nata na sawchanôzy hnohta chhâzaw ta nama tovyuh châta ei cha pie ei. Na o liata chyhsa pathaihpa maihta ama nie thei aw.

MALUHREINA 6:20

Theihthaipa ta chazy cha chaluahpa hlâna ta Abeipa hmiakô liata a chaluah aw. Chaluahpa palôh nata chalopa phei cha theihthaipa tovyuh pathaihpa a châ. Cha khai tawhta Nâzarai cha kresawhti a doh thei aw.

RYHPACHANEINA 18:3

Hezy he theihthaipazy tovyuh a châ aw: Atheihna a hlâtuhpazy ta viahchao tôhpa nata mietaku ama hlâpa tawhta a palaih nata a ôhkhaih kârano nata a pavyhzy cha, theihthaipa ama pie awpa a châ.

HEBRAI 7:28

Ryhpa ta chiehleina a hneipa chyhsazy cha theihthai beichaipa ta rao tyh ta, ryhpa a y khai tawhta a vaw ypa bietai bie deikua ta cha, chhâzaw châta pakipa ta taopa Sawchapawpa cha theihthai beichaipa ta a rao haw.

1 SAMUELA 9:24

Beihchhotuhpa ta a byhpi nata a chô lâta a ypa sa cha vaw cheih ta, Sawla hmiakô liata soh ta. Samuela ta, “Moh teh, nâma châta ano eih ta sopa ama cha vaw pie hih. Nie teh, he savyuh he, ‘Chyhsazy ei hrua ei’ ei tah noh tawhta, he daihti a vaw tlô hlâlei cha nâma châta sopa a châ,” tah ta. Cha noh ta, Sawla cha Samuela pati dôh lâh ta.