PUASAINA 29:21 - Mara Bible RV (BSI)

²¹ Maisâh chô liata thisaih nata sathawthuna châta taopa sathaw la aw chi ta, Arawna nata a chysiazy liata nata a hnohta a ypa a sawchapawzy nata ama chysiazy liata na thia aw. Chatanachata ano nata a chysiazy nata a hnohta a ypa a sawchapawzy nata ama chysiazy cha pathaisapa a châ ha aw.

PUASAINA 29:21 ပူးပေါင်းရင်းမြစ်များ

HLAZY 133:2

Adyhna cha luh liata sathaw sôh ngaitapa a thupa hawhta châ ta, Kâhhmi liata za loh laih ta, Arawna kâhhmi lia tlai ta za lohpa ta, A viahkao pasipa rao taihta a zâ lohpa hawhta a châ.

PUASAINA 29:1

“Arawna nata a sawchapawzy ta theihthaipa rai hriapa ta eina chakao thei nawpa ei ta, âmo cha pathaisa awpa châ ta, ama chô liata hetana heta na tao awpa a châ. Viahchao tôh dawpa pô kha nata mietaku tôhpa seina hnei leipa pô no la aw chi ta,

PUASAINA 29:20

Mietaku tôhpa cha thie aw chi ta, a thisaih la aw chi ta, Arawna nakao chachâh lâ pai liata zy, a sawchapawzy nakao chachâh lâ pai liata zy, ama ku chachâh lâ kupi liata zy, ama phei chachâh lâ pheipi liata zy na hnia aw. Thisaih laibâhpazy cha maisâh kâ zydua liata na thia aw.

PUASAINA 29:22

“Cha cha chahnaona mietaku tôhpa châ ta, a thawzy, a lahmei thawhpazy, a rihhri thawzy, a pathi a pahlypa thawzy, a lôpo miano nata a pahlypa thawzy nata a byh chachâh lâ la aw chi ta,

PUASAINA 29:7

Sathawthuna châta taopa sathaw la aw chi ta, a luh liata bao aw chi ta, sathaw na thu aw.

THEIHTHAINA 14:29

Theihthaipa ta a ku liata sathaw laibâhpazy cha a pathaisa awpa luh liata thu aw ta, Abeipa hmiakô liata chatlaina a taopa aw.

THEIHTHAINA 7:35

Cha cha Abeipa châta theihthaipa chakaona rai hria awpa ta, Arawna nata a sawchapawzy raopa ama châ noh tawhta, Abeipa lâta mei ta hmohlâpazy tawhta ama tovyuh châta panano eihpa a châ.

THEIHTHAINA 8:23

Mawsi ta mietaku tôhpa cha thie ta, a thisaih la ta, Arawna nakao chachâh lâ pawhmao nata a chachâh lâ kupi nata pheipi zy liata hnia ta.

THEIHTHAINA 8:30

Mawsi ta sathaw pathaihpa nata maisâh liata thisaihzy la ta, Arawna nata a chysiazy thia ta, a sawchapawzy nata a ama chysiazy chhao thia hra ta. Cha hawhna chata Arawna nata a chysiazy cha pathaisa ta, a sawchapawzy nata ama chysiazy chhao a hnohta pathaisapa a châ hra.

ZAWHÂNA 17:19

Biehmeiseihpa liata pathaisapa ama châ thei nawpa ta, âmo vâta keimasasyh ta ei pathaisa.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

HEBRAI 9:22

Hmeiseihta ta, ryhpa ry liata cha, ato zydua thisaih ta pathaisapa châ ta, thisaih palo leipa ta molei ngiahthaina rai y vei.