PUASAINA 28:41 - Mara Bible RV (BSI)

⁴¹ Cha chysiazy cha na unawhpa Arawna nata a sawchapawzy pakysa aw chi ta, theihthaipa rai hriapa ta eina chakao thei nawpa ei ta, âmo cha sathawthupa ta, chahnao aw chi ta, na pathaisa aw ei.

PUASAINA 28:41 ပူးပေါင်းရင်းမြစ်များ

PUASAINA 28:1

“Na unawhpa Arawna cha, a sawchapawzy chhaota, Izarei sawzy hry tawhta pananopa ta na hnohta a chhi aw chi ta, chatanachata Arawna nata a sawchapaw Nâdâ, Abihu, Eliaza nata Ithamâ zy cha ei theihthaipa rai hriapa ta eina chakao aw ei.

PUASAINA 28:4

Hezy he zôthaipazy ta chysia ama tao awpazy cha a châ: Chachôhna vyhphao, ephaw, viahkao pasipa, chôtho chapaipa, lakhu nata chaisaihna zy. Kei châta theihthaipa chakaona rai ama hria thei nawpa ta, zôthaipazy ta na unawhpa Arawna nata a sawchapawzy châta chysia pathaihpazy ama taopa aw.

PUASAINA 29:24

cha zydua cha Arawna ku nata a sawchapawzy ku liata soh aw chi ta, chaluahpa hlâna châta Abeipa hmiakô liata na chaluah aw.

PUASAINA 29:35

“Bie ei cha piepa zydua hawhna khata Arawna nata a sawchapawzy chô liata tao aw chi ta, âmo chahnao awpa ta noh sari chhôh na panano tua awpa ei a châ.

PUASAINA 29:7

Sathawthuna châta taopa sathaw la aw chi ta, a luh liata bao aw chi ta, sathaw na thu aw.

PUASAINA 29:9

Arawna nata a sawchapawzy cha chaisaihna ta ama chai saih aw chi ta, lakhu pakhu aw chi ta, chatanachata theihthaipa châna cha chhâzaw ta âmo eih châ awpa ta bieraopa ta chahnaopa a châ aw. Cha hawhna chata Arawna nata a sawchapawzy cha na chahnao aw ei.

PUASAINA 30:35

cha cha ropahâhpa taotuhpa taozie hawhta taopa ta, alôh mia aw chi ta, ropahâhpa pasohpa nata pathaih ngaitapa na tao aw.

PUASAINA 40:13

Arawna cha chysia pathaihpazy pakysa aw chi ta, sathawthu aw chi ta, na pathaisa aw. Chatanachata theihthaipa rai hriapa ta eina chakao thei aw.

PUASAINA 40:15

Theihthaipa rai hriapa ta eina chakao thei nawpa ei ta, ama paw sathaw na thupa hawhta âmo chhao sathaw na thu hra aw. Sathawthupa ama châpa cha, ama chhâ zydua ta theihthaipa ama châ lymâ nawpa châta a châ aw,” tah ta.

ISAI 10:27

Cha noh liata, Asuria phaohri cha na ngiatlâh tawhta pachhôpa châ aw ta, a raopaky chhao na rao tawhta pahluhpa a châ aw. Na thawhpa vâta a raopaky cha na thlie pachhô aw.”

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

EZEKIA 43:26

Noh sari chhôh maisâh châta chatlaina tao aw ei ta, ama pathaisa aw. Cha hawhna chata maisâh cha pathaisapa a châ aw.

THEIHTHAINA 10:7

Abeipa sathaw pathaihpa nama chô liata y ta, chavâta ahmaohna poh o chhikao tawhta nama pua awpa châ vei, chataleipatala nama thi pathlei aw na,” tah ta. Mawsi bie hawhna chata tao ei ta.

THEIHTHAINA 16:24

Su pathaihpa liata ti ta a ngai a si aw ta, a chysia â tao heih aw. Cha khai tawhta vaw pua aw ta, ano châta raopa hlâna nata zawpi châta raopa hlâna hlâ aw ta, ano nata zawpi châta chatlaina a tao aw.

MALUHREINA 16:5

Kôrâ nata a sahlaozy hnohta, “Mylâ my ta Abeipa ta ahy ma ano eih a châ tahpa a pasia aw. Ahy ma a pathaih tahpa pasia aw ta, a pathaihpa ta ano a hnia thei aw ta, Abeipa ta â tlyhpa tlai chata Abeipa cha â hnia thei aw.

MALUHREINA 3:3

Chazy cha Arawna sawchapawzy moh châ ta, âmo cha sathawthupa theihthaipazy châ ei ta, theihthaipa chakaona rai hria awpa ta chahnaopazy ama châ.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

HEBRAI 5:4

Cha palyupalihna cha ahy hmahta anosasyh ta a patosa thei vei. Arawna hawhta Khazohpa ta a awpa a châ khiah dei ta a to thei.

HEBRAI 7:28

Ryhpa ta chiehleina a hneipa chyhsazy cha theihthai beichaipa ta rao tyh ta, ryhpa a y khai tawhta a vaw ypa bietai bie deikua ta cha, chhâzaw châta pakipa ta taopa Sawchapawpa cha theihthai beichaipa ta a rao haw.

1 ZAWHÂNA 2:20

Nâmo deikua la, Mo Pathaihpa ta sathaw a thupa châ ei chi ta, nama zydua ta biehmeiseihpa nama pahno.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.