PUASAINA 28:36 - Mara Bible RV (BSI)

³⁶ “Ngôh suapa dawhrâ tao aw chi ta, cha liata ‘Abeipa châta Pathaihpa,’ tahpa bie cha moh chahnaona taozie hawhta taopa ta, na pachohsa aw.

PUASAINA 28:36 ပူးပေါင်းရင်းမြစ်များ

1 THÂTIHZYRONA 23:13

Amrâ sawchapawzy cha Arawna nata Mawsi ama châ. Arawna cha hmo pathaihpazy hria awpa ta pananopa châ ta, ano nata a pathlazy cha ropahâhpazy Abeipa hmiakô liata a rao tyh awpazy châ ei ta, Abeipa chakaopa ta, a moh ta byhnâ a aw tyh awpazy ama châ.

HLAZY 93:5

Na bieraopazy a i ta, Hy Abeipa, pathaihna cha, Na o nata chhâzaw ta a hmiepa a châ.

PUASAINA 19:6

Chatanachata ei châta theihthaipa khinarâh châ aw ei chi ta, phopi pathaihpa nama châ aw.’ Chazy cha Izarei sawzy hnohta na rei awpa biezy cha a châ,” tah ta.

PUASAINA 28:11

Lôsôhpa daih thaipa ta moh chahnaona a taopa hawhta, Izarei saw pahrawh hleinozy moh cha, alô miano liana chata roh aw chi ta, ngôh patusana liata na pangaih aw.

PUASAINA 28:35

Arawna ta chakaona a hnei tita viahkao pasipa cha a ky tyh aw ta, Abeipa hmiakô su pathaihpa liata â ngia tita nata a pua tita a pyu thei theipa châ aw ta, chatanachata thi aw vei.

PUASAINA 28:37

Cha cha theihthaipa lakhu liata pala nohpa charipa ta rie aw chi ta, theihthaipa lakhu hmia lâ liata na bai aw.

PUASAINA 28:9

Chatawhcha awnisi lô miano la aw chi ta, cha liana chata Izarei sawzy moh roh aw chi ta,

PUASAINA 29:6

A luh liata lakhu pakhu aw chi ta, lakhu chô liana cha lakho pathaihpa na pakho aw.

PUASAINA 39:27

Abeipa ta Mawsi hnohta bie a piepa hawhta, Arawna nata a sawchapawzy châta pala rih dipa ta sapa chôthozy tao ei ta.

PUASAINA 39:30

Abeipa ta Mawsi hnohta bie a piepa hawhta, ngôh suapa lakho pathaihpa tao ei ta, cha liata “Abeipa châta Pathaihpa,” tahpa bie moh chahnaona taozie ta taopa ta pachohsa ei ta.

PUASAINA 39:31

Cha cha theihthaipa lakhu liata pala nohpa charipa ta hraih pa-ipa ta ama bai.

ISAI 23:18

Châhrasala sôhpaliena tawhta â thôhna nata a hlaozy cha Abeipa châta hmo pathaihpa a châ aw. Cha sôhzy cha pachôpa tlyma, pasopa tlyma châ aw vei. A sôhzy cha ABEI­PA hmiakô liata a pahrâpazy ta lôhrâtlôpa ta ama niedo thei nawpa nata chyhsa phapazy amâ tobi thei nawpa châta hmâpa a châ aw.

EZEKIA 43:12

He he Achhyna o ryhpa cha a châ: Tlâhpi laki nata a chaby zydua cha su pathaih chaipa a châ aw. Nathlie teh, he he Achhyna o ryhpa cha a châ.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

THEIHTHAINA 19:2

“Izarei zawpi zydua chho la, ama hnohta hetana heta reih teh: Kei Abeipa nama Khazohpa he pathaih tlôh na ta, chavâta nâmo chhao nama pathaih awpa a châ.

THEIHTHAINA 8:9

Abeipa ta Mawsi hnohta bie a piepa hawhta, a luh liata lakhu pakhu ta, lakhu hmia lâ liata ngôh lakho pathaihpa pakho ta.

ZEKARIA 14:20

Cha noh liata, arâ kaly liata “Abeipa châta Pathaihpa” tahpa ropa châ aw ta, Abeipa o liata thua beihzy cha maisâh hmia liata biebuh pathaihpa hawhta ama vaw châ aw.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.