PUASAINA 28:30 - Mara Bible RV (BSI)

³⁰ Pachiana chachôhna vyhphao liata Uri nata Thumi soh aw chi ta, Abeipa hmiakô lâ Arawna a vaw tita, cha cha a pathipalôh liata y aw ta, chatanachata Izarei sawzy pachiana cha Arawna ta a pathipalôh liata khatino rai ta a theipa ta, Abeipa hmiakô liata â dua tyh awpa a châ.

PUASAINA 28:30 ပူးပေါင်းရင်းမြစ်များ

EZRÂ 2:63

Râhvaotuhpa ta ama hnohta, “Uri nata Thumi a saohiah theipa theihthaipa a y hlâlei pati pathaih chaipazy ama nie awpa châ mâh vei,” tahpa ta a chho ei.

NEHEMIAH 7:65

Râhvaotuhpa ta ama hnohta, “Uri nata Thumi a saohiah theipa theihthaipa a y hlâlei pati pathaih chaipazy ama nie awpa châ mâh vei,” tahpa ta a chho ei.

PUASAINA 28:29

Chatanachata Arawna cha su pathaihpa lâ a vaw tita, pachiana chachôhna vyhphao liata ropa Izarei sawzy moh cha a pathipalôh liata y aw ta, atheithlâhna châta Abeipa hmiakô liata a tlôkhei tyh aw.

THEIHTHAINA 8:8

Cha khai tawhta chachôhna vyhphao paky ta, chachôhna vyhphao liana cha Uri nata Thumi khô ta.

ZEKARIA 6:13

Ano ta Abeipa Achhyna o cha sa aw ta, bei chysia ta tobipa châ aw ta, a beichyuchhai liata a tyuh aw ta, ryu a reih aw. Theihthaipa chhao ano beidyuchhai liata a tyuh hra aw ta, ama pano likah liata a dyryhna a y aw,’ tahpa ta na chho aw.

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

2 KAWRINI 12:15

Kei la a ly ngaitapa ta nama thlahpa châta ei hneinazy hmâh a chhuah na ta, ei pôhpa chhao nama thlahpa châta hmâh khai ei chhuah. Thata kyh cha pachâ ei na ta, a chyhta chhâ kyh na pachâ hra aw veih ei chi ma?

2 KAWRINI 7:3

Cha bie cha nâmo thailei pachâsa nawpa ta ei reipa châ vei. Thi khiah thi khoh, hro khiah hroh khoh tah awpa ta, eima palôh liata khâ nama ypa kyh cha, kha hlâta ei reih haw.

RYHPACHANEINA 33:8

Livai châta byhnâ awna: “Livai hnohta na Thumi pie la, Na mopathaihpa hnohta na Uri pie mah y. Ano cha Mâsâ liata pasia chi ta, Meribâ tizy liata na pahao.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

RYUREITUHPAZY 1:1

Zawsua a thi tawhta Izarei sawzy ta, “Kâna mo siehnao awpa ta ahy eima châta sie tua chai aw ta, âmo cha a kaw dyuh aw?” tahpa ta Abeipa hiahri ei ta.

RYUREITUHPAZY 20:18

Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.

RYUREITUHPAZY 20:23

Izarei sawzy cha khy ei ta, Abeipa hmiakô liata zâlâ taihta cha ei ta, “Eima unawhpa Benzami sawzy a dyuh awpa ta eimâ thao heih aw ma?” tahpa ta Abeipa a saohiah ei ta. Abeipa ta, “A kaw dyuh heih teh u,” tah ta.

1 SAMUELA 28:6

Abeipa a saohiah ta, châhrasala Abeipa ta mâ lâta tlyma, Uri ta tlyma, hrohsopazy hmâpa ta tlyma a chhy leipa ta.