PUASAINA 28:3 - Mara Bible RV (BSI)

³ Sona thlahpa ta ei pabiepa zôthaipa zydua hnohta Arawna chysia taopa awpa ta chho aw chi ta, chatanachata Arawna cha pathaisapa ta y aw ta, kei châta theihthaipa chakaona rai a hria thei aw.

PUASAINA 28:3 ပူးပေါင်းရင်းမြစ်များ

1 ABEIZY 7:14

Hirâ cha Nâthalai chi nôhmei sawchapawpa châ ta, a paw cha Tyre khihpa, dawh a daih thaipa a châ. Sona nata novâhna ta a biepa chyhsa châ ta, dawh daina kyh liata kheihawhpa rai a tao thaipa, zôthai ngaitapa a châ. Hirâ cha Bei Sawlawmaw lâ a vy ta, a rai zydua a hriapa lymâ.

PUASAINA 35:10

“Nama hry liata zôthaipa zydua a vy ei sala, Abeipa ta bie a piepa zydua tao mawh ei sy:

PUASAINA 35:25

Chanô zôthaipa sahlao zydua ta ama ku ta pala pahieh ei ta, pala nohpazy, saihdôhpazy, saihlawpazy nata pala rih dipa ama pahiehpazy vaw cheih ei ta.

PUASAINA 35:30

Mawsi ta Izarei sawzy hnohta, “Pachâ teh u, Abeipa ta Zudâh chi Hurâ sawchapawpa Uri sawchapawpa Bezale cha a moh tlai ta aw ta.

PUASAINA 35:31

Ano cha sona, novâhna, pahnona nata zôthaina tozy hnei awpa ta Khazohpa Thlahpa ta pabie ta.

PUASAINA 35:35

Âmo cha rai zydua hria thai awpa ta palôh sona ta pabie ta, tho nata lô khie thaina, phorâ thaina, pala nohpa, saihdôhpa, saihlawpa nata pala rih dipa pabaohpazy ta kiky zei thaina nata poh sa thaina zy ama hnohta pie ta, rai to hria thaina nata zôthaina ta a tobi ei.”

PUASAINA 36:1

Chatawhcha Mawsi ta, “Supathaihpa liata rai to hria thai nawpa ta Abeipa ta sona nata novâhna a piepa Bezale, Ôhôliaba nata chyhsa zôthaipa zydua ta Abeipa biepiepa zydua ama hria awpa a châ,” tah ta.

PUASAINA 36:2

Mawsi ta Bezale, Ôhôliaba nata Abeipa ta ama palôh liata sona a piepa zôthaipa zydua nata palôh thathyuna a hneipa maih aw ta.

BIESOZY 2:6

Sona cha Abeipa piepa châ ta, A pakah tawhta pahnona nata novâhna a pua.

ISAI 11:2

Abeipa Thlahpa cha a chô liata a choh aw ta, Cha Thlahpa cha sona nata novâhna Thlahpa châ ta, Ryhraona nata thatlôna Thlahpa chhao châ ta, Abeipa pahnona nata china Thlahpa a châ.

EPHESI 1:17

Krista nama pahno pasia thei nawpa ta, eima Beipa Zisu Krista Khazohpa, rônahna Paw ta sona nata aluahna Thlahpa a cha pie awpa ei ta thlah ei cha chhâpa ei.

RYHPACHANEINA 34:9

Nunâ sawchapawpa Zawsua cha, Mawsi ta a chô liata a ku a pahniehpa vâta, sona thlahpa ta bie ta. Chavâta Izarei sawzy ta a bie nathlie ei ta, Abeipa ta Mawsi bie a piepa hawhta ama tao lymâ.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.