PUASAINA 28:21 - Mara Bible RV (BSI)

²¹ Lôsôhpa miahrawh hleino y aw ta, chazy cha Izarei saw pahrawh hleinozy moh lymâ hawhta ama moh bipa a châ aw. Lôsôhpa miahrawh hleinozy cha moh chahnaona hawhta tao chyu awpa châ ta, lôsôhpa miakha chô liata Izarei chi hrawh hleino hry liata chi kha moh pachohsa lymâpa a châ aw.

PUASAINA 28:21 ပူးပေါင်းရင်းမြစ်များ

1 ABEIZY 18:31

“Na moh cha Izarei a châ aw,” tahpa ta Abeipa bie a daotuhpa Zakaw sawzy chi zie ta Elaizâh ta alô mia hrawh hleino la ta.

ZAWBÂ 19:24

Aw, ei biezy he thua châsôh nata ky ta Lôpanô liata chhâzaw ta khaipa châ sala ei tah kaw dia!

PUASAINA 24:4

Mawsi ta Abeipa bie zydua cha roh khai ta, a mylâ my ta thyu ta, tlâh thaby liata maisâh tao ta, Izarei chi hrawh hleino moh ta lôbô miahrawh hleino bô ta.

PUASAINA 28:11

Lôsôhpa daih thaipa ta moh chahnaona a taopa hawhta, Izarei saw pahrawh hleinozy moh cha, alô miano liana chata roh aw chi ta, ngôh patusana liata na pangaih aw.

PUASAINA 28:20

tlâh palihna cha beri, awnisi nata zaspi lôzy a châ aw. Chazy cha ngôh patusana liata pangaih awpa a châ.

PUASAINA 28:22

Chachôhna vyhphao chô liata ngôh suapa ta taopa bâlia, chaori hawhta charipazy na tao aw.

ZEKARIA 9:16

Cha noh liata, A phopi mietaku zaw hawhta, Abeipa ama Khazohpa ta Âmo cha a pachha aw ei; Chatanachata beilakho liata lôsôhpazy hawhta, A râh liata ama khaih aw.

LUKA 22:30

Chatanachata ei khinarâh liata ei tlâhkhai liata niepa ta doh hra aw ei chi ta, beidyuchhai liata a tyuhpa ta Izarei pho hrawh hleinozy chô liata ryu nama reih aw.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.

BIEPHUAH 21:12

Thokhy rônahpa nata a sâhpa hnei ta, chhikao miahrawh hleino hnei ta, chhikao thabyzy liata vâlyuhchâpa pahrawh hleino y ei ta, chhikaozy liana cha Izarei pathla chi hrawh hleinopazy moh ropa a châ.