PUASAINA 28:20 - Mara Bible RV (BSI)

²⁰ tlâh palihna cha beri, awnisi nata zaspi lôzy a châ aw. Chazy cha ngôh patusana liata pangaih awpa a châ.

PUASAINA 28:20 ပူးပေါင်းရင်းမြစ်များ

PUASAINA 28:19

tlâh thôhna cha zaki, akate nata amethi lôzy châ aw ta,

PUASAINA 28:21

Lôsôhpa miahrawh hleino y aw ta, chazy cha Izarei saw pahrawh hleinozy moh lymâ hawhta ama moh bipa a châ aw. Lôsôhpa miahrawh hleinozy cha moh chahnaona hawhta tao chyu awpa châ ta, lôsôhpa miakha chô liata Izarei chi hrawh hleino hry liata chi kha moh pachohsa lymâpa a châ aw.

HLAZY HLA 5:14

A kuzy cha ngôh chôchahreizy lyu ei ta, Beri lôsôhpa pataohpa ngôh chôchareizy tlai ama lyu. A pôhpa cha sianaoh patliepa lyu ta, Saphai lôsôhpazy ta tobipa sianaoh tlai a lyu.

EZEKIA 1:16

Tiakizy alânazie nata taonazie cha hetana heta a châ: Beri lôsôhpa hawhta patlie ei ta, tiaki miapalihpazy cha amâ lânazie a lyu khai ta, amâ lânazie nata taonazie cha, tiaki miakha chhôh liata tiaki hropa a ypa hawhta a châ.

EZEKIA 10:9

Chatawhcha moh na ta, cherubizy kiapâh liata tiaki miapalih hmô na ta. Cherubi pakha kiapâh liata tiaki miakha lymâ y ta, tiakizy alânazie cha beri lôsôhpa hawhta a patliepa ama châ.

DÂNIAH 10:6

A pôhpa beri lôsôhpa lyu ta, a hmia dôhla pathliepa hawhta khaih ta, a mozy meipaleih hawhta châ ta, a bâhzy nata a pheizy dawh hawhta patlie ta, a biereipa ao cha zawpi hluhpi ao hawhta a châ.

BIEPHUAH 21:11

Khazohpa rônahna hnei ta, a khaihnazie cha lôsôh ngaitapa zaspi lô hawhta châ ta, lôsôhpa pasohpa hawhta patliepa a châ.

BIEPHUAH 4:3

Beidyuchhai liata a tyuhpa alânazie cha zaspi nata kânelia lôsôhpa hawhta châ ta, beidyuchhai cha meisaku ta chadô ta, â lânazie cha emerâ lôsôhpa hawhta a châ.