PUASAINA 28:2 - Mara Bible RV (BSI)

² Na unawhpa Arawna châta a rônah nawpa nata â ngia nawpa ta chysia pathaihpa na taopa aw.

PUASAINA 28:2 ပူးပေါင်းရင်းမြစ်များ

ZAWBÂ 40:10

“Abeina nata zachhihna poh a bu la, Palyupalihna nata rônahna chysia a tobi mah y.

HLAZY 132:16

A theihthaipazy pachhana ta tobi aw ei na ta, A mopathaihpazy thaphapa ta ama rahao aw.

HLAZY 132:9

Na theihthaipazy siana ta a tobi ei sala, Na mopathaihpazy thaphapa ta rahao mawh ei sy.

HLAZY 149:4

Abeipa cha a phopi chô liata a palôh tlâh ta, Areisipazy cha pachhana ta a palyupalih ei.

HLAZY 96:6

A hmiakô liata rônahna nata abeina y ta, A supathaihpa liata thatlôna chhithaina a y.

PUASAINA 28:40

“Cha hawhna chata Arawna sawchapawzy châta chôtho, chaisaihna nata lakhuzy taopa aw chi ta, cha cha ama rônahna nata amâ ngiana châta a châ aw.

PUASAINA 29:28

A phei cha Arawna nata a sawchapawzy ta Izarei sawzy tawhta chhâzaw ta ama to awpa a châ. Cha cha chalopa hlâna a châ. Aryhna hlâna atheihnazy tawhta Izarei sawzy ta ama hlâ awpa chalopa hlâna châ ta, Abeipa lâta ama hmohlâpa a châ aw.

PUASAINA 31:10

theihthaipa chakaona rai ama hria nawpa ta chysia a ngia ngaitapa ta sapa theihthaipa Arawna chysia pathaihpa nata a sawchapawzy chysia,

PUASAINA 40:13

Arawna cha chysia pathaihpazy pakysa aw chi ta, sathawthu aw chi ta, na pathaisa aw. Chatanachata theihthaipa rai hriapa ta eina chakao thei aw.

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

THEIHTHAINA 8:30

Mawsi ta sathaw pathaihpa nata maisâh liata thisaihzy la ta, Arawna nata a chysiazy thia ta, a sawchapawzy nata a ama chysiazy chhao thia hra ta. Cha hawhna chata Arawna nata a chysiazy cha pathaisa ta, a sawchapawzy nata ama chysiazy chhao a hnohta pathaisapa a châ hra.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

RAWMA 13:14

Abeipa Zisu Krista ta tlao a tobi u la, nama sapa khopa pipatlohsa nawpa ta khâpa hmah tao khuh vy.

RAWMA 3:22

Cha Khazohpa siana cha, Zisu Krista amâ ngiapâpa vâta ngiapâtuhpa zydua hnohta paluahsapa ta a y. Ananona rai y vei.

KALATIA 3:27

Krista liata bâti a châpazy cha, Krista ta a tobipazy nama châ.

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

2 PITY 1:17

Rônahna Beichaipa tawhta, “He he ei Sawchapawpa kho ngaitapa, a chô liata ei ly ngaitapa a châ,” tahpa ta ao vaw pua ta, Krista cha Paw Khazohpa tawhta palyupalihna nata rônahna a to nona kha,

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

BIEPHUAH 19:8

Poh rih dipa pathliepa nata pathaihpa A bu awpa pasaipa a châ,” vaw tah ta. Poh rih dipa cha mopathaihpazy siana hmotaopa a palâsa.

BIEPHUAH 5:10

Âmo cha eima Khazohpa châta khinarâh ta padua chi ta, Theihthaipazy ta na tao ei; Alei liata ryu ama reih aw,” tahpa ta hla thiehpa ma sa ei ta.