PUASAINA 28:12 - Mara Bible RV (BSI)

¹² Alô mianozy cha ephaw ngiatlâh rizy liata bai aw chi ta, cha cha Izarei sawzy atheithlâhna alôzy châ aw ei ta, chatanachata Abeipa hmiakô liata atheithlâhna châta Arawna ta Izarei saw pahrawh hleino mohzy cha a ngiatlâh kârano ta a phaoh tyh aw.

PUASAINA 28:12 ပူးပေါင်းရင်းမြစ်များ

ZAWBÂ 31:36

Ei ngiatlâh ta a pu aw na ta, Lakho hawhta ei kho awpa tlai.

HLAZY 89:19

Hlâno ta na chyhsa ngâchhihpa hnohta, Aluahna ta hetana heta na tah: “Pasaipha hnohta thatlôna pie na ta, Phopi vyuhpa ta atlypa cha ei cheihchalo.

PUASAINA 12:14

“He noh he nâmo châta atheithlâhna noh châ aw ta, Abeipa châta kyhchhi noh ta nama chay tyh awpa a châ. Nama chhâ zydua liata, he noh he kyhchhi noh ta nama chay tyh awpa châ ta, cha cha chhâzaw châta bieraopa ta a y awpa a châ.

PUASAINA 13:9

Zawpakhô kyhchhi nama hmâ tyh awpa cha, Abeipa ryhpa nama pakah liata a y thlâh ha thei nawpa ta, ngiana châta nama ku liata a ky ei chi ta, atheithlâhna châta nama mo nata mo likawh liata nama sopa hawhta a châ aw. Abeipa ta ku thatlôpa ta Izi râh tawhta a châ chhi papua ei hih.

PUASAINA 28:11

Lôsôhpa daih thaipa ta moh chahnaona a taopa hawhta, Izarei saw pahrawh hleinozy moh cha, alô miano liana chata roh aw chi ta, ngôh patusana liata na pangaih aw.

PUASAINA 28:29

Chatanachata Arawna cha su pathaihpa lâ a vaw tita, pachiana chachôhna vyhphao liata ropa Izarei sawzy moh cha a pathipalôh liata y aw ta, atheithlâhna châta Abeipa hmiakô liata a tlôkhei tyh aw.

PUASAINA 28:7

Ephaw cha a luh pawhmaozy liata a ngiatlâh ri miano y aw ta, cha chata a hmia lâ nata a hnôh lâ a pazao aw.

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 62:6

Hy Zerusale y, Na thokhy chô liata riahvaituhpazy soh ha na ta, Chhô nah zâ ta ama vaih aw; A chalih beih aw veih ei. Nâmo, Abeipa a padotuhpazy saih u, Y molo khuh vy.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

THEIHTHAINA 24:7

Viahchhâ chô liana cha, a tlâh no liata deiryh pasoh ngaitapa soh aw chi ta, cha cha viahchhâ vyuhpa ta atheithlâhna hmo châta châ aw ta, Abeipa lâta mei ta hmohlâpa a châ aw.

MALUHREINA 16:40

Abeipa ta Mawsi hmâpa ta Eliaza hnohta a reipa hawhta, cha cha Izarei sawzy zikyurâna châta taopa a châ. Arawna pathla a châ leipa chyhsa ahy hmahta Abeipa hmiakô liata ropahâhpa rao awpa ta amâ hnia awpa châ vei. A tao raruahpa cha, Kôrâ nata a sahlaozy hawhta ama châ aw.

MALUHREINA 31:54

Chatanachata Mawsi nata theihthaipa Eliaza ta a sâh chô liata hyutuhpazy nata a za chô liata hyutuhpazy tawhta ngôh cha a hlâh ei ta, Izarei sawzy ta Abeipa hmiakô liata amâ thei thlâh ha nawpa ta, ahmaohna poh o chhôh liata a ngiakhei ei ta.

LUKA 1:54

A zawngiahna atheithlâhna châta, A chakaotuhpa Izarei cha bao ta,

LUKA 1:72

Miah pathlatuhpazy hnohta Zawngiahna bietai palâsa ta, A biehrai pathaihpa â thei thlâh haw.

HMOTAOPAZY 10:4

Kawnilia ta ano cha kei moh ta, chi ngaita ta, a hnohta, “Abeipa, khâpa maw?” tah ta. Vâlyuhchâpa ta a hnohta, “Na thlahchhânazy nata na hmopiepazy avâ lâ kiah ta, Khazohpa ta a pahno thlâh haw.

1 KAWRINI 11:24

alyna bie a rei khai nahta, eichheih ta, “He he ei sapa nama châta piepa a châ. Einâ thei thlâh nawpa ei chi ta, he he tao tyh muh vy,” tah ta.

RYHPACHANEINA 33:12

Benzami châta byhnâ awna: “Abeipa kho ngaitapa cha, A hnohta â bohpa ta pahrâ mawh sy; Abeipa ta noh y ta vaih sala, A ngiatlâhzy likawh liata pahrâ mawh sy.”

ZAWSUA 4:7

ama hnohta, ‘Abeipa Biehrai Byh hmiakô liata Zawdâh tizy a chie pachhôpa atheithlâhna a châ. Abeipa Biehrai Byh ta Zawdâh a chaka nota, Zawdâh tizy a chie pachhô haw. Chavâta he alôzy he Izarei sawzy ta, cha thâtih cha chhâzaw ta amâ thei thlâh nawpa châta a châ,’ tahpa ta nama chho aw,” tah ta.