PUASAINA 27:21 - Mara Bible RV (BSI)

²¹ Ahmaohna poh o liata Biehrai Byh pohraipa khôtho liata, Arawna nata a sawchapawzy ta meiôh cha Abeipa hmiakô liata zâlâ tawhta my taihta ama pakhaih tyh awpa a châ. Cha cha Izarei saw chhâ vaw y lymâ awpazy châta chhâzaw bieraopa a châ aw.

PUASAINA 27:21 ပူးပေါင်းရင်းမြစ်များ

ÂTHAONA 1:5

Khazohpa ta khaihna cha “chhô” bi ta, zohna cha “zâ” a bi. Zâlâ y ta, my y ta, cha cha a noh khana a châ.

ÂTHAONA 1:8

Khazohpa ta aruapa cha “avâ” bi ta, zâlâ y ta, my y ta, cha cha a noh nona a châ.

2 THÂTIHZYRONA 13:11

Noh chareih nata zâ chareih ta Abeipa lâ raopa hlânazy nata ia-ô pahâhpa ropahâhpazy hlâ ei ta, ngôh suapa ta taopa tlâhkhai liata viahchhâ chaluahpazy soh tyh ei ta, zâ to ta a khaih thei nawpa ta meiôh patyuna nata a meiôhzy ama mohôh lymâ. Keimo la Abeipa eima Khazohpa biepiepa zyh pi ta, nâmo deikua la Abeipa nama tleisai haw.

HLAZY 134:1

Nâmo, Abeipa chakaotuhpa zydua saih u, A vy u la, Abeipa cha reithai teh u! Abeipa o liata zâ ta a duah tyhpa zydua saih u, Abeipa cha reithai teh u!

PUASAINA 12:14

“He noh he nâmo châta atheithlâhna noh châ aw ta, Abeipa châta kyhchhi noh ta nama chay tyh awpa a châ. Nama chhâ zydua liata, he noh he kyhchhi noh ta nama chay tyh awpa châ ta, cha cha chhâzaw châta bieraopa ta a y awpa a châ.

PUASAINA 16:34

Abeipa ta Mawsi bie a piepa hawhna chata, Arawna ta saikhua khôna beih cha Biehrai Byh hmiakô liata soh ta.

PUASAINA 25:16

Byh chhôh liana chata biehrai ei cha pie awpa cha na khô awpa a châ.

PUASAINA 28:43

Cha chysiazy cha Arawna nata a sawchapawzy ta ahmaohna poh o liata amâ ngia tita nata su pathaihpa liata chakao awpa ta maisâh amâ hnia tita, amâ ky tyh aw. Chataleipatala thailei châ aw ei ta, ama thi pathlei aw. Cha cha Arawna nata a pathlazy châta chhâzaw bieraopa a châ aw.

PUASAINA 29:28

A phei cha Arawna nata a sawchapawzy ta Izarei sawzy tawhta chhâzaw ta ama to awpa a châ. Cha cha chalopa hlâna a châ. Aryhna hlâna atheihnazy tawhta Izarei sawzy ta ama hlâ awpa chalopa hlâna châ ta, Abeipa lâta ama hmohlâpa a châ aw.

PUASAINA 29:42

Cha cha nama chhâ zydua ta ahmaohna poh o chhikao thaby liata Abeipa hmiakô ta khâ nama hlâ tyh awpa raopa hlâna châ aw ta, cha liata châ tyh aw na ta, bie ei châ chho tyh aw.

PUASAINA 29:44

Ahmaohna poh o nata maisâhzy pathaisa aw na ta, Arawna nata a sawchapawzy chhao, theihthaipa rai hriapa ta eina chakao thei nawpa ei ta ei pathaisa hra aw ei.

PUASAINA 30:21

Ama thi lei nawpa ta ama ku nata pheizy amâ si tyh awpa a châ. Cha cha ano nata a pathlazy nata ama chhâ zydua châta chhâzaw bieraopa a châ aw,” tah ta.

PUASAINA 30:36

Thokha a dipa ta charo aw chi ta, ei châ vaw tyh nawpa ahmaohna poh o chhôh liata Biehrai Byh hmiakô liata na soh aw. Cha cha nama châta hmo pathaih ngaitapa a châ aw.

PUASAINA 30:8

Zâlâ ta meiôhzy a pakhaih tita chhao ropahâhpa cha rao tyh aw ta, chatanachata nama chhâ zydua châta Abeipa hmiakô liata ropahâhpa a châ lymâ aw.

PUASAINA 40:3

A chhôh liata Biehrai Byh soh aw chi ta, Byh cha pohraipa ta na chhôkhâh aw.

THEIHTHAINA 10:9

“Nâ tlyma, na hnohta a ypa na sawchapawzy tlyma, ahmaohna poh o chhôh lâ namâ ngia tita, kresawhti tlyma, sahma thatlôpa tlyma nama doh awpa châ vei. Chataleipatala nama thi pathlei aw. Cha cha nama chhâ zydua châta chhâzaw ryhpa a châ aw.

THEIHTHAINA 16:34

Izarei sawzy moleina zydua vâta ama châta kô kha ta ei kha chatlaina tao tyh awpa cha, nama châta chhâzaw bieraopa a châ aw,” tah ta. Chatanachata Abeipa ta Mawsi bie a piepa hawhta Arawna ta tao ta.

THEIHTHAINA 17:7

Amâ phei tyhna mie tôhpa khazohzy lâta atheihnazy ama hlâ awpa châ khao vei. Cha cha ama chhâ zydua châta chhâzaw bieraopa a châ aw.

THEIHTHAINA 23:14

Nama Khazohpa lâta nama hlâna noh a tlô hlâlei cha, chi thiehpa viahchhâ tlyma, raopa tlyma, a suh tlyma, nama nie awpa châ vei. Cha cha nama chhâ zydua châta nama pahrâna zydua liata chhâzaw bieraopa a châ aw.

THEIHTHAINA 23:21

Cha noh lia tlai ta nama châta pakhypi pathaihpa phuah aw ei chi ta, rai rupa khâpa hmah nama hria awpa châ vei. Cha cha nama chhâ zydua châta nama pahrâna zydua liata chhâzaw bieraopa a châ aw.

THEIHTHAINA 24:2

“Meiôh cha khâ a khaih thei nawpa ta, ôli thaw saohpa pasohpa nâ lâta vaw cheih awpa ta Izarei sawzy hetana heta biepie teh:

THEIHTHAINA 24:3

Ahmaohna poh o liata Biehrai Byh pohraipa khôtho liata, meiôh cha zâlâ tawhta my taihta Abeipa hmiakô liata pakhaih tyh awpa ta, Arawna ta soh tyh mawh sy. Cha cha nama chhâ vaw y lymâ awpazy châta chhâzaw bieraopa a châ aw.

THEIHTHAINA 24:9

Cha cha Arawna nata a sawchapawzy tovyuh châ aw ta, Abeipa lâta mei ta hmohlâpazy tawhta chhâzaw châta ama tovyuh pathaihpa a châpa vâta, su pathaihpa liata ama nie awpa a châ,” tah ta.

THEIHTHAINA 3:17

“Thaw tlyma, thisaih tlyma, nama nie awpa châ vei tahpa cha, nama pahrâna maih liata nama chhâ zydua châta chhâzaw bieraopa a châ aw,” tah ta.

THEIHTHAINA 3:8

A hmohlâpa luh chô liata a ku pahnieh aw ta, ahmaohna poh o tlyhmia liata thie aw ta, Arawna sawchapawzy ta maisâh kâ zydua liata a thisaih ama thia aw.

THEIHTHAINA 6:15

Hlâtuhpa ta niepa hlâna liatapa viahdie dipa pazah kha nata sathaw nata niepa hlâna chô liata deiryh zydua la aw ta, cha cha atheithlâhna hmo châta maisâh liata a rao aw. Cha cha Abeipa châta ropahâh ngaitapa a châ.

THEIHTHAINA 7:36

Cha cha Izarei sawzy ta theihthaipazy ama pie tyh awpa ta Abeipa ta biepie ta, sathawthupa ama châ noh tawhta ama chhâ zydua liata chhâzaw ta ama tovyuh a châ aw.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALUHREINA 18:23

Ahmaohna poh o chakaona rai cha, Livai pathlazy ta hria aw ei ta, ama paraona maoh âmo ta ama phaoh aw. He he nama chhâ zydua châta bieraopa a châ aw: Livai pathlazy cha Izarei sawzy hry liata ryuto hnei aw veih ei.

MALUHREINA 18:5

Izarei sawzy chô liata hiehâhna a y khao lei nawpa ta, nâmo ta supathaihpa nata maisâh liata maophaohna zydua cha nama chaba khai aw.

MALUHREINA 19:21

He he ama châta chhâzaw bieraopa a châ aw: Apathaina ti a thiatuhpa maih a chysiazy pasu aw ta, apathaina ti a hriapa cha zâlâ taih pathaih leipa a châ aw.

MALUHREINA 35:29

“Cha hmozy cha, nama pahrâna su zydua liata nama chhâ zydua châta bieraopa nata pachianazy a châ aw.

MALUHREINA 8:9

Livai pathlazy cha ahmaohna poh o hmiakô lâ a chhi aw chi ta, Izarei zawpi zydua na awpakhy aw ei.

MATHAI 4:16

Zohna liata a tyuhpazy ta Khaihna rônahpa ama hmô haw; Thina nohpahli râh liata atyuhpazy chô liata, Khaihpa a vaw khaih haw,” tahpa ta a reipa kha a vaw tlô thei nawpa ta a châ.

LUKA 12:35

“Chai a saihpa ta y thlâh ha u la, nama meiôh khâ ia mawh sy.

ZAWHÂNA 5:35

Zawhâna kha meiôh khaihpa nata khaih ngaitapa châ ta, a khaihna ry liata thaphapa ta y chy awpa nama khoh kaw.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

2 PITY 1:19

Hrohsona bie a i via pachaipa hnei pi ta, khih vaw deih ta deiva awhsi nama palôh liata a vaw pua hlâlei zohna liata meiôh a khaih chypa hawhta, cha hrohsona biezy cha nama pachâ khiahta cha, nama châta a pha aw.

BIEPHUAH 2:1

“Ephesi Awnanopa vâlyuhchâpa hnohta hetana heta roh teh: ‘A ku chachâh lâta awhsi miasari chaba ta, ngôh meiôh patyuna miasarizy hry liata a hlai ngâpa khata he biezy he a reih.

1 SAMUELA 3:3

Khazohpa meiôh thi mâh leipa ta. Samuela cha Khazohpa byh yna Abeipa Achhyna o liata a zia thlâh ha ta.

1 SAMUELA 30:25

Cha bie cha Izarei châta bieraopa nata biezyhpa ta hmâh ta, cha noh tawhta tanoh taihta hmâ lymâ awpa ta tao ha ta.