33 Pohraipa cha bainazy liata baih aw chi ta, biehrai byh cha pohraipa chhôh liata soh aw chi ta, chatanachata cha pohraipa cha nama châta su pathaihpa nata su pathaih chaipa pachhaihna a châ aw.
Achhyna o chhôh, o hnôh lâ daih liata Su Pathaih Chaipa tao ta, cha cha dy kih ta taopa a châ. Siphiah tawhta vâphuh taihta sidy thophia sai ta chhôhpa a châ.
Chatanachata theihthaipazy ta Abeipa Biehrai Byh cha, Achhyna o chhôh supathaihpa liata a y nawpa su liata a ngiakhei ei ta, Cherubi mathlawzy ry liata Su Pathaih Chaipa liata soh ei ta.
Chatawhcha Su Pathaih Chaipa tao ta. A doh lâ cha o hâ nata pakhopa ta, dy kih ta taopa châ ta, a hâ lâ chhao dy kih a châ hra. Su Pathaih Chaipa cha ngôh suapa ta pahu ta, talent 600 hmâpa a châ.
Cha cha ngôh ta pahupa akeisia tho tôh miapalih liata na parai aw. A baina cha ngôh ta tao awpa châ ta, a tôh cha tâkâ ta taopa patyuna miapalih liata patyuh awpa a châ.
Ahmaohna poh o liata Biehrai Byh pohraipa khôtho liata, Arawna nata a sawchapawzy ta meiôh cha Abeipa hmiakô liata zâlâ tawhta my taihta ama pakhaih tyh awpa a châ. Cha cha Izarei saw chhâ vaw y lymâ awpazy châta chhâzaw bieraopa a châ aw.
Cha châna chata akeisia tho tôh miapalih tao ta, chazy cha ngôh ta pahu ta, a bainazy ngôh ta tao ta, amâ tyuna châta tâkâ ta taopa patyuna miapalih leih ta.
Achhyna opi chhôh chaipa liata chhôhpadâhpa thlie ta, a doh lâ dy kih châ ta, a hâ lâ dy kih a châ. Chatanachata ei hnohta, “He he Su Pathaih Chaipa a châ,” tahpa ta eina chho.
Abeipa ta Mawsi hnohta, “Na unawhpa Arawna chho teh. A khona daihti maihta Byh chô liata patyupa zawngiahna dyuchhai hmiakô liata pohraipa chhôh Su Pathaihpa lâ â ngia awpa châ vei. Zawngiahna dyuchhai chô liata meihdo hry liata a vaw luah tlôh aw na ta, chavâta a thi pathlei aw.