PUASAINA 25:30 - Mara Bible RV (BSI)

³⁰ Tlâhkhai liana chata khatino rai ta ypâna viahchhâ ei hmiakô liata na soh awpa a châ.

PUASAINA 25:30 ပူးပေါင်းရင်းမြစ်များ

1 ABEIZY 7:48

Sawlawmaw ta Abeipa o hmobaoh zydua cha tao ta. Ngôh maisâh, ngôh ta taopa Ypâna viahchhâ tlâhkhai,

1 THÂTIHZYRONA 23:29

Tlâhkhai liata viahchhâ chaluah awpa patohpatiana kyh liata zy, niepa hlâna viahdie patohpatiana kyh liata zy, viahchhâ thinô pahlao leipa châta viahchhâ papa patohpatiana kyh liata zy, viahchhâ pakâhpa hlâ awpa patohpatiana kyh liata zy, sathaw pahlaopa hmohlâpa patohpatiana kyh liata zy, a hluhna nata a laina panuana kyh zy liata chhao, Arawna pathlazy baotuhpa ama châ.

1 THÂTIHZYRONA 9:32

Ama heinawh Kôhâ pathla thokha cha, viahchhâ chaluahpa taona liata maophaohtuhpazy châ ei ta, Pahânoh maihta amâ chhuanoh tyh.

2 THÂTIHZYRONA 13:11

Noh chareih nata zâ chareih ta Abeipa lâ raopa hlânazy nata ia-ô pahâhpa ropahâhpazy hlâ ei ta, ngôh suapa ta taopa tlâhkhai liata viahchhâ chaluahpazy soh tyh ei ta, zâ to ta a khaih thei nawpa ta meiôh patyuna nata a meiôhzy ama mohôh lymâ. Keimo la Abeipa eima Khazohpa biepiepa zyh pi ta, nâmo deikua la Abeipa nama tleisai haw.

2 THÂTIHZYRONA 2:3

Sawlawmaw ta Tyre bei Hirâ lâ chyhsa tuah ta, a hnohta, “Ei paw Dâvi chô liata hmo pha tao chi ta, a pahrâ nawpa o sa nawpa ta sidy thozy, na vaw paphaopa hawhna khata, kei chhao na taopa hra mah y.

2 THÂTIHZYRONA 2:4

Pachâ teh, Abeipa ei Khazohpa moh châta o sa awpa ei chhuah. Cha o cha Zehôvâh Khazohpa hmiakô liata ropahâhpa rao nawpa châta zy, viahchhâ chaluahpa so tyh nawpa châta zy, Izarei châta chhâzaw châta raopa Pahânoh, thla thiehpa nata Abeipa eima Khazohpa kyhchhi nohzy liata, my nata zâ ta raopa hlânazy hlâ nawpa châta a châ.

PUASAINA 35:13

tlâhkhai nata a lâhreizy, a chhaichhi zydua nata ypâna viahchhâ;

PUASAINA 39:36

tlâhkhai nata a chhaichhi zydua nata ypâna viahchhâ;

PUASAINA 40:23

Abeipa ta Mawsi hnohta bie a piepa hawhta, viahchhâ cha Abeipa hmiakô ta tlâhkhai liata yzie hnei kawpa ta soh ta.

PUASAINA 40:4

Tlâhkhai a ngiakhei aw chi ta, a chô liata hmo so awpazy soh khai aw chi ta, meiôh tôh a ngiakhei aw chi ta, a meiôhzy na patyuh aw.

EZEKIA 41:22

Maisâh cha dy thôh a sâh ta, dy no seih ta, dy no a kawh. Maisâh kizy, â tyunazy nata a kâzy cha tho ta taopa sai a châ. Chyhsa chata ei hnohta, “He he Abeipa hmiakô liata tlâhkhai a châ hih,” tah ta.

MALAKHAI 1:12

“Châhrasala nâmo ta, ‘Abeipa tlâhkhai cha papuapaleipa châ ta, cha liata theilâpa nata niepazy chhao khâpasaw ta rei lei theipa a châ,’ nama tahpa liata ei moh cha nama papuapalei tyh.

MALAKHAI 1:7

Ei maisâh liata viahchhâ papuapalei chiehpa nama hlâ tyhpa liata ei moh nama pachhie tyh. Châhrasala nâmo ta, ‘Kheihta ma eima cha papuapalei?’ nama tah. ‘Abeipa tlâhkhai cha reipachhie theipa a châ thlâh ha bao na,’ nama tahpa liata eina papuapalei ei chi

MALUHREINA 4:7

“Ypâna viahchhâ tlâhkhai chô liata poh nohpa phaw aw ei ta, cha chô liata beikohzy, phiahthlazy, biebuhzy nata dopa hlâna patlai nawpa nyuzy soh aw ei ta, chiepadâh leipa ta viahchhâ so tyhpa chhao tlâhkhai chô liata a y awpa a châ.

MATHAI 12:4

Khazohpa o liata a ngia ta, ano nata a hnohta a ypazy châta nie pasai leipa, theihthaipazy deita nie theipa Ypâna Viahchhâ ama niepa kyh kha thei beih veih ei chi ma?

HEBRAI 9:2

Achhyna byureih sa ei ta, a chhôh tytuapa liata meiôh sona nata tlâhkhai nata Ypâna Viahchhâ sonazy y ta, cha cha Su Pathaihpa tahpa a châ.

1 SAMUELA 21:4

Theihthaipa ta Dâvi cha a chhy ta, “Viahchhâ thlâhthlipa hnei va na, viahchhâ pathaihpa deita ei hnei. Satliazy cha chanô liata ama pathaih khiahta cha, nama nie thei aw,” tah ta.

1 SAMUELA 21:5

Dâvi ta theihthaipa cha a chhy ta, a hnohta, “Adyuhna lâ ei sie nota ei tao tyhpa hawhta, chanô liata eima pathaih tahpa â ipa ta ei rei ngâh. Khitlyna peimawh hropa ta khi eima tly nota chhao, satliazy hmobaoh cha pathaisa khai hapa a châ tyh. Tanoh hawhpa liata chhochhi cha, ama hmobaoh a pathaih via pachai mâh tâh” tah ta.

1 SAMUELA 21:6

Theihthaipa ta viahchhâ pathaihpa cha Dâvi pie ta. Ypâna viahchhâ Abeipa lâta hlâpa la pakhua noh ta viahchhâ lalôhpa ta ri tyhpa châ ta, cha noh liata deikua cha, Abeipa hmiakô tawhta lapa viahchhâ pathaihpa dei leipa ta viahchhâ hropa a y leipa vâta a châ.