PUASAINA 25:22 - Mara Bible RV (BSI)

²² Cha liata châ tyh tyh aw na ta, Izarei sawzy hnohta bie ei pie awpa zydua cha, biehrai byh chô liata zawngiahna dyuchhai liata cherubi mianozy likawh tawhna chata ei cha chho tyh aw.

PUASAINA 25:22 ပူးပေါင်းရင်းမြစ်များ

ÂTHAONA 18:33

Abeipa cha Abarahâ hnohta bie a rei khai nahta, sie ha ta, Abarahâ chhao a yna su lâ â di haw.

2 SAMUELA 6:2

Dâvi cha thyu ta, cherubizy likawh beidyuchhai liata patyupa Pheisaihzy Abeipa moh ta awpa Khazohpa Byh cha la awpa ta, a pheisaih zydua chhaota Zudâh râh liata Bâle khihpi lâ sie ta.

2 ABEIZY 19:15

Hezekia cha Abeipa hmia­kô liata thlahchhâ ta, “Hy Abeipa, Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa na châ. Nâ ta alei nata avâ he na tao.

1 THÂTIHZYRONA 13:6

Chatanachata Dâvi nata Izarei saw zydua cha, cherubizy luh chô beidyuchhai liata a tyuhpa Abeipa moh ta awpa Khazohpa Byh cha la awpa ta, Kiriaziari ama tahpa Zudâh râh liata Bâlâh khihpi lâ khy ei ta.

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

HLAZY 80:2

Epharai nata Benzami nata Manase hmiakô liata, Na thatlôna pathyu la, Miah pachha awpa ta a vy mah y!

HLAZY 90:1

Abeipa, nâ cha chhâ zydua ta, Eima pahrâna na châ.

HLAZY 99:1

Abeipa ta ryureih ta, Phopizy a chalyu mawh ei sy! Cherubizy chô liata a tyuhpa Bei châ ta, Alei he a sih mawh sy!

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

PUASAINA 27:21

Ahmaohna poh o liata Biehrai Byh pohraipa khôtho liata, Arawna nata a sawchapawzy ta meiôh cha Abeipa hmiakô liata zâlâ tawhta my taihta ama pakhaih tyh awpa a châ. Cha cha Izarei saw chhâ vaw y lymâ awpazy châta chhâzaw bieraopa a châ aw.

PUASAINA 30:36

Thokha a dipa ta charo aw chi ta, ei châ vaw tyh nawpa ahmaohna poh o chhôh liata Biehrai Byh hmiakô liata na soh aw. Cha cha nama châta hmo pathaih ngaitapa a châ aw.

PUASAINA 30:6

Maisâh cha Biehrai byh chô lâta pohraipa hmiakô, Biehrai byh chô lâta Zawngiahna Dyuchhai hmiakô liata ei châ tyh nawpa su liata na patyu aw.

PUASAINA 31:18

Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

PUASAINA 31:6

A hnohta a hria awpa ta, Dânâ chi Ahisamâ sawchapawpa Ôhôliaba ei rao. Tao awpa bie ei cha piepa zydua ama tao thei nawpa ta, novâhpa zydua palôh liata sona soh na ta,

ISAI 37:16

“Hy Pheisaihzy Abeipa Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa cha na châ. Nâ ta alei nata avâ he na tao.

EZEKIA 43:6

Chyhsapa kha ei kiapâh liata â dua thlâh ha nota, chyhsa pakha ta Achhyna o tawhta bie einâ vaw chhopa thei na ta.

THEIHTHAINA 1:1

Abeipa ta Mawsi aw ta, ahmaohna poh o tawhta bie a vaw chho ta, a hnohta,

THEIHTHAINA 16:2

Abeipa ta Mawsi hnohta, “Na unawhpa Arawna chho teh. A khona daihti maihta Byh chô liata patyupa zawngiahna dyuchhai hmiakô liata pohraipa chhôh Su Pathaihpa lâ â ngia awpa châ vei. Zawngiahna dyuchhai chô liata meihdo hry liata a vaw luah tlôh aw na ta, chavâta a thi pathlei aw.

MALUHREINA 17:4

Chazy cha ahmaohna poh o liata eimâ hmô tyhna Biehrai Byh hmiakô liata na soh aw.

MALUHREINA 7:89

Mawsi cha Abeipa bie a chho awpa ta ahmaohna poh o chhôh lâ â ngia nahta, Biehrai Byh chô liata a ypa zawngiahna dyuchhai chô lâta cherubi miano likawh tawhta ano bie a vaw chhopa ao thei ta. Abeipa ta Mawsi cha bie a chho ta.

RYUREITUHPAZY 20:27

Izarei sawzy cha Abeipa a saohiah ei ta. Cha daihti cha Bethel liata Khazohpa Biehrai Byh a y no châ ta,

1 SAMUELA 4:4

Silô lâ cha chyhsa tuah ei ta, cherubizy likawh beidyuchhai liata patyupa Pheisaihzy Abeipa Biehrai Byh cha kei palasa ei ta. Eli sawchapawpa pano, Hôphani nata Phinehâ zy cha Khazohpa Biehrai Byh hnohta sie hra ei ta.