PUASAINA 25:20 - Mara Bible RV (BSI)

²⁰ Cherubizy cha zawngiahna dyuchhai lâ a heih aw ei ta, hmia amâ chhy aw. Ama mathlawzy â sâhpa ta pakai aw ei ta, ama mathlawzy ta zawngiahna dyuchhai cha ama khu aw.

PUASAINA 25:20 ပူးပေါင်းရင်းမြစ်များ

ÂTHAONA 28:12

Mâ sa ta, alei chô liata hleidy a vaw daopa hmô ta, hleidy pawhmao cha avâ daih ta. Khazohpa vâlyuhchâpazy ta hleidy chô liata kiah heih, chô heih, ama tah ngâpa hmô ta.

1 ABEIZY 6:23

Chhôhpadâhpa pathaihpa liana chata, dy hrawh raihrie a sâhpa ta cherubi miano ôli tho ta tao ta.

1 ABEIZY 6:27

Cherubizy cha Achhyna o chhôh chaipa liata soh ta. Cherubizy cha ama mathlaw pakai ei ta, miakhapa mathlaw ta pâhchhô hiakha lâ hria ta, ahropa mathlaw ta pâhchhô hiakha lâ hria hra ta, ama mathlawzy cha Achhyna o liah khophie liata amâ tyh.

1 ABEIZY 8:7

Cherubizy cha Byh luh chô liata ama mathlaw pakai ei ta, cherubizy ta Byh nata asyna lâzy cha pahli ei ta.

1 THÂTIHZYRONA 28:18

ngôh suapa ta taopa ropahâhpa raona maisâh châta ngôh hmâ awpa zie zy chho ta. Ngôh cherubi talailih, ama mathlaw pakaipa ta Abeipa Biehrai Byh a khupa tao nawpa châta â chhuanohnazy chhao a chho hra.

2 THÂTIHZYRONA 3:10

Su Pathaih Chaipa liata cherubi nothlahpa miano tao ta, chazy cha ngôh ta pahu ta.

PUASAINA 25:18

Ngôh ta cherubi miano daih aw chi ta, zawngiahna dyuchhai nata pazaopa ta, a kâ chavei chachâh ta a y awpa a châ.

PUASAINA 25:19

Cherubi miakha cha zawngiahna dyuchhai hiakha lâ pai liata pataoh aw chi ta, cherubi hropa cha hiakha lâ chhâna liata pataohpa ta, zawngiahna dyuchhai nata pazaopa ta dyuchhai kâ chavei chachâh ta cherubi miano na tao aw.

EZEKIA 1:20

Thlahpa ta sie awpa a tahna lâ maih sie lymâ ei ta, hmohrohneipazy thlahpa cha tiakizy liata a ypa vâta, tiakizy chhao ama hnohta ama thyu lymâ tyh.

EZEKIA 28:14

Sathawthupa vaituhpa cherubi châ chi ta, Khazohpa tlâh pathaihpa liata cha soh na ta, Meilôzy hry liata na charei tyh.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

ZAWHÂNA 1:51

Chatawhcha a hnohta, “Hmeiseihta ta ei cha chho ei, avâ a pahypa hmô aw ei chi ta, Chyhsa Sawchapawpa chô liata Khazohpa vâlyuhchâpazy ama za chôpa nata ama kiapa nama hmô aw,” tah ta.

1 KAWRINI 11:10

Cha vâta nata vâlyuhchâpazy vâ chhao rai ta, chanô cha a chô liata biehneituhpa a y tahpa ngiana châta a luh â khu awpa a byuh.

1 KAWRINI 4:9

Khizaw nata vâlyuhchâpazy nata chyhsazy mo phapa châ awpa ta, keimo, lyuhchâpazy pi he, thie awpa ta pathlupa chyhsazy hawhta, Khazohpa ta a hnôh chai ta miah a chaluahpa châ khiah ma ei tah tyh.

EPHESI 3:10

Chatanachata Khazohpa sona hnei hluhzie cha, avâ suzy liata ryureihtuhpazy nata biehneituhpazy hnohta, Awnanopa hmâpa ta pahnosapa ta a y thei aw.

KAOLAOSÂ 2:10

Ryureina nata biehneina zydua luhpa Krista liana chata nâmo chhao pakipa ta nama y.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

HEBRAI 9:5

A chô lâta cherubi rônahpazy y ei ta, chazy chata zawngiahna dyuchhai ama khu. Cha kyhzy cha tahmâ â kipa ta reih thei mâh ma pi.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.