PUASAINA 25:16 - Mara Bible RV (BSI)

¹⁶ Byh chhôh liana chata biehrai ei cha pie awpa cha na khô awpa a châ.

PUASAINA 25:16 ပူးပေါင်းရင်းမြစ်များ

1 ABEIZY 8:9

Lôphia miano tah leipa ta cha, Byh chhôh liata hmo hropa khâpa hmah y vei. Cha lôphiazy cha Izi râh tawhta ama kaw pua nota, Abeipa ta Izarei sawzy hnohta bie a hraina su Hôribâ Tlâh liata Mawsi ta a khôpazy a châ.

2 ABEIZY 11:12

Zehôdâ ta abei sawchapawpa cha vaw puakhei ta, beilakho pakho ta, biehraina ryuchâ pie ta. Chatawhcha bei ta phuahpa ta, sathaw thu ei ta, ama ku chabaih ei ta, “Abei cha hroh pareih mawh sy,” tah ei ta.

2 THÂTIHZYRONA 23:11

Abei sawchapawpa cha vaw puakhei ei ta, beilakho pakho ei ta, biehraina ryuchâ pie ei ta. Chatawhcha bei ta phuah ei ta, Zehôdâ nata a sawchapawzy ta Zôasâ cha sathawthu ei ta, “Abei cha hroh pareih mawh sy,” tah ei ta.

PUASAINA 16:34

Abeipa ta Mawsi bie a piepa hawhna chata, Arawna ta saikhua khôna beih cha Biehrai Byh hmiakô liata soh ta.

PUASAINA 25:21

Zawngiahna dyuchhai cha Byh chô liata patyuh aw chi ta, biehrai ei cha pie awpa cha byh chhôh liata na khô aw.

PUASAINA 26:33

Pohraipa cha bainazy liata baih aw chi ta, biehrai byh cha pohraipa chhôh liata soh aw chi ta, chatanachata cha pohraipa cha nama châta su pathaihpa nata su pathaih chaipa pachhaihna a châ aw.

PUASAINA 27:21

Ahmaohna poh o liata Biehrai Byh pohraipa khôtho liata, Arawna nata a sawchapawzy ta meiôh cha Abeipa hmiakô liata zâlâ tawhta my taihta ama pakhaih tyh awpa a châ. Cha cha Izarei saw chhâ vaw y lymâ awpazy châta chhâzaw bieraopa a châ aw.

PUASAINA 30:36

Thokha a dipa ta charo aw chi ta, ei châ vaw tyh nawpa ahmaohna poh o chhôh liata Biehrai Byh hmiakô liata na soh aw. Cha cha nama châta hmo pathaih ngaitapa a châ aw.

PUASAINA 30:6

Maisâh cha Biehrai byh chô lâta pohraipa hmiakô, Biehrai byh chô lâta Zawngiahna Dyuchhai hmiakô liata ei châ tyh nawpa su liata na patyu aw.

PUASAINA 31:18

Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

PUASAINA 32:15

Mawsi cha tlâh tawhta zâ lie ta, biehrai lôphia miano a ku liata chabapa ta za chô ta. Lôphiazy cha kârano ta ropa châ ta, a hmia nata a hnôh ta ropa a châ.

PUASAINA 34:29

Mawsi cha biehrai lôphia miano a ku ta chabapa ta Sinai Tlâh tawhta za chô ta. Tlâh tawhta a za chô nota, Abeipa bie â chhopa vâta, a hmia a khaih hapa a pahno leipa ta.

PUASAINA 38:21

Hezy biehrai byureih tahpa ta moh bi hrapa achhyna byureih sana nata a chhaichhizy châta thyunazy a châ. Chazy cha Mawsi biepiepa hawhta, theihthaipa Arawna sawchapawpa Ithamâ chhihthana ry liata Livai chizy ta ama ropa a châ.

PUASAINA 40:20

Biehrai la ta, Byh chhôh liata khô ta, Byh cha a lâzy hrei ta, Byh chô liata zawngiahna dyuchhai soh ta.

MALUHREINA 17:4

Chazy cha ahmaohna poh o liata eimâ hmô tyhna Biehrai Byh hmiakô liata na soh aw.

HMOTAOPAZY 7:44

“Miah pathlatuhpazy khata Khazohpa achhyna byureih râhchawhpa liata hnei ei ta, Khazohpa ta taozie awpa Mawsi a chho nota, a nothlahpa a pahmôpa hawh tlai ta ama tao.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

RYHPACHANEINA 31:26

“Ryhpa châbu he la u la, nama paraona pahnokheituhpa châta Abeipa nama Khazohpa Biehrai Byh kâ lâta soh teh u.

HEBRAI 9:4

Cha liata ropahâhpa raona ngôh maisâh nata ngôh ta pahupa biehrai byh y ta, biehrai byh chhôh liata mânâ yna ngôh beih, Arawna chôchahrei chhyh thaopa nata biehrai lôphiazy a y.

ZAWSUA 4:16

“Biehrai Byh asytuhpa theihthaipazy kha Zawdâh chavah tawhta vaw pua awpa ta biepie teh,” tah ta.