PUASAINA 25:13 - Mara Bible RV (BSI)

¹³ A lâzy châta Akeisia tho hmâh aw chi ta, ngôh ta na pahu awpa a châ.

PUASAINA 25:13 ပူးပေါင်းရင်းမြစ်များ

1 ABEIZY 8:8

A lâzy cha a seih kawpa vâta, Achhyna o chhôh supathaihpa hmiakô liata Su Pathaihpa tawhta a pawhmaozy hmô theipa a châ. Khôtho lâ tawh deikua hmô theipa châ vei. Chazy cha tanoh taihta cha liata a y thlâh haw.

1 THÂTIHZYRONA 15:15

Abeipa ta Mawsi hnohta bie a piepa hawhta, Livai pathlazy ta Khazohpa Byh cha a lâ ta ama ngiatlâh ta a sy ei ta.

PUASAINA 25:12

Biehrai Byh châna chata ngôh tiaki miapalih leih aw chi ta, a phei miapalih liata pataoh aw chi ta, tiaki miano hiakha lâ pataoh awpa châ ta, tiaki miano hiakha lâ na pataoh aw.

PUASAINA 25:14

Byh a sy nawpa ta byh kâ lâta tiakizy liata a lâzy na chahraoh aw.

PUASAINA 25:28

A lâzy akeisia tho ta tao aw chi ta, ngôh ta pahu aw chi ta, chazy hmâpa ta tlâhkhai cha a sy tyh awpa a châ.

PUASAINA 25:5

mietaku vo pasaihpa, tilaipi siahrâ vo, akeisia tho,

PUASAINA 27:6

Akeisia tho ta maisâh lâzy tao aw chi ta, dawh ta na pahu aw.

PUASAINA 30:5

Akeisia tho ta a lâhreizy cha tao aw chi ta, ngôh ta na pahu aw.

PUASAINA 37:4

Akeisia tho ta a lâzy tao ta, chazy cha ngôh ta pahu ta,

PUASAINA 40:20

Biehrai la ta, Byh chhôh liata khô ta, Byh cha a lâzy hrei ta, Byh chô liata zawngiahna dyuchhai soh ta.

MALUHREINA 4:11

“Ngôh maisâh chô liata poh nohpa phaw aw ei ta, tilaipi viahchao vo ta khu aw ei ta, a lâzy ama chahraoh aw.

MALUHREINA 4:14

Cha chô liata maisâh liata chakaona châta hmâpa hmobaoh zydua soh aw ei ta, mei lanazy, sa thaona thuakuzy, buchâh linazy, rahôzy, maisâh hmobaoh zydua cha soh aw ei ta, chazy cha tilaipi viahchao vo ta khu aw ei ta, a lâzy ama chahraoh aw.

MALUHREINA 4:6

Cha cha tilaipi viahchao vo ta khu pachhuah aw ei ta, cha chô liata poh nohpa ta khu aw ei ta, a lâzy ama chahraoh aw.

MALUHREINA 4:8

Chazy cha poh nohsaihpa ta khu aw ei ta, tilaipi viahchao vo ta khu pachhuah aw ei ta, a lâzy ama chahraoh aw.