PUASAINA 25:1 - Mara Bible RV (BSI)

¹ Abeipa ta Mawsi bie a chho heih ta,

PUASAINA 25:1 ပူးပေါင်းရင်းမြစ်များ

2 ABEIZY 12:4

Zehôasâ ta theihthaipazy hnohta “Abeipa o liata a ngiakheipa hmo pathaihpa chatlaina sôh zydua, chyhsa to thyupa sôh a ngiapa zydua nata chyhsa ta lôhthai ta Abeipa o lâ a vaw cheipa sôh zydua cha,

PUASAINA 24:18

Mawsi cha meihdo hry liata a kei ngia ta, tlâh lâ kiah ta, tlâh liana cha noh sypalih nata zâ sypalih y ta.

PUASAINA 25:2

“Izarei sawzy hnohta bie reih la, thyuna sôh na hlâ awpa ta âmo cha chho mah y. Pie khohna palôh hneipa ta a piepazy tawhta keima châta thyuna sôh nama la awpa a châ.

PUASAINA 35:1

Mawsi ta Izarei zawpi zydua pahmaoh ta, ama hnohta, “He biezy he Abeipa ta tao awpa ta a cha piepa ei a châ.

PUASAINA 35:4

Mawsi ta Izarei zawpi zydua hnohta, “He he Abeipa biepiepa a châ.

PUASAINA 35:5

Nama hry tawhta Abeipa châta thyuna vaw cheih teh u. Abeipa châta thyuna pie khohna palôh a hneipa maihta thyuna cha vaw cheih ei sala, ngôhzy, tâkâzy, dawhzy;

PUASAINA 35:8

khaihna châta sathaw zy, sathaw pathaihpa châta nata ropahâhpa raopa châta ia-ôzy;

PUASAINA 39:32

Chatanachata ahmaohna poh o liata achhyna byureih raihria zydua cha palohpa châ ta, Abeipa ta tao awpa ta Mawsi hnohta bie a piepa zydua hawhta Izarei sawzy ta tao ei ta.

PUASAINA 39:33

Mawsi lâta achhyna byureih cha a vykhei ei ta, poh o nata a chhaichhi zydua, a bainazy, a thophiazy, a tlâhzy, a tôhzy, a patyuna zy;

PUASAINA 39:42

Chatanachata Abeipa ta Mawsi hnohta bie a piepa zydua hawhta Izarei sawzy ta ama tao khai.

MALUHREINA 7:5

“Ama hmohlâpazy kha a hlâh mah y. Ahmaohna poh o raihria châta ama phahnai aw. Livai pathlazy hnohta ama chakaona raihria yzie lymâ hawhta hmâ awpa ta na pie aw ei,” tah ta.