PUASAINA 24:6 - Mara Bible RV (BSI)

⁶ Mawsi ta thisaih â khophie la ta, biebuh liata patlai ta, ahropa cha maisâh liata thia ta.

PUASAINA 24:6 ပူးပေါင်းရင်းမြစ်များ

2 ABEIZY 17:15

Ama pathlatuhpazy hnohta bieraopa nata biehrai a taopazy nata zikyurâna a piepazy cha tlyhnypa ta, nothlahpa hraoleipazy pangai ei ta, âmo chhao hraoleipa ama châ haw. Abeipa ta ama taozie hawhta tao lei awpa ta bie a vaw pie hapa, ama chheipâh liata phopizy taozie ama zi lymâ.

HLAZY 99:6

A theihthaipa hry liata Mawsi nata Arawna a hlao ei ta, Samuela chhao a moh a padopazy hry liata â hlao. Abeipa pado ei ta, Ano ta â chhy ei.

PUASAINA 12:22

Hisaw ty la aw ei chi ta, rahô liata thisaih liata ny aw ei chi ta, rahô liata thisaih cha ochhi tlâh liata nata ochhi tôh miano liata nama hnia aw. Khihdei hlâlei cha, ahy hmah ama ochhi tawhta ama pua awpa châ vei.

PUASAINA 12:7

“Mietakutaw thisaih cha la aw ei ta, ama nie nawpa o liata ochhi tôh miano liata nata ochhi tlâh zy liata ama hnia aw.

PUASAINA 24:8

Mawsi ta thisaih la ta, zawpizy chô liata thia ta, ama hnohta, “Moh teh u, he he biehrai thisaih a châ. Abeipa ta he bie zydua hmâpa ta nama hnohta bie a hraih haw,” tah ta.

PUASAINA 29:16

Mietaku tôhpa cha thie aw chi ta, a thisaih la aw chi ta, maisâh kâ zydua liata na thia aw.

PUASAINA 29:20

Mietaku tôhpa cha thie aw chi ta, a thisaih la aw chi ta, Arawna nakao chachâh lâ pai liata zy, a sawchapawzy nakao chachâh lâ pai liata zy, ama ku chachâh lâ kupi liata zy, ama phei chachâh lâ pheipi liata zy na hnia aw. Thisaih laibâhpazy cha maisâh kâ zydua liata na thia aw.

ZEREMIAH 31:32

“Âmo pathlatuhpazy ama ku patupa ta Izi râh tawhta ei chhi papua noh ta ama hnohta ei hraipa biehrai hawhpa, ama vahpa ei châpa chhao ta, ama paraopa ei biehrai hawhpa kha châ aw vei,” Abeipa ta a tah.

THEIHTHAINA 1:11

Maisâh kâ maw lâchhâh ta Abeipa hmiakô liata thie aw ta, Arawna sawchapaw theihthaipazy ta maisâh kâ zydua liata a thisaih ama thia aw.

THEIHTHAINA 1:5

Viahchao tôhpa cha Abeipa hmiakô liata thie aw ta, Arawna sawchapaw theihthaipazy ta a thisaih hlâ aw ei ta, ahmaohna poh o chhikao liata maisâh kâ zydua liata thisaih ama thia aw.

THEIHTHAINA 3:2

A hmohlâpa luh chô liata a ku pahnieh aw ta, ahmaohna poh o chhikao thaby liata thie aw ta, Arawna sawchapaw theihthaipazy ta maisâh kâ zydua liata a thisaih ama thia aw.

THEIHTHAINA 3:8

A hmohlâpa luh chô liata a ku pahnieh aw ta, ahmaohna poh o tlyhmia liata thie aw ta, Arawna sawchapawzy ta maisâh kâ zydua liata a thisaih ama thia aw.

THEIHTHAINA 4:6

Theihthaipa ta thisaih liata a kudy ny aw ta, thisaih cha supathaihpa pohraipa hmia liata Abeipa hmiakô ta ei sari a thia aw.

1 KAWRINI 11:25

Cha hawhna chata, zâpati ama nie khai nahta, nyu la ta, “He nyu he ei thisaih liata biehrai thiehpa cha a châ. Nama dona maihta einâ thei thlâh ha nawpa ei chi ta, he he tao tyh muh vy,” tah ta.

KAOLAOSÂ 1:20

a kraws thisaih ta aryhna taopa ta, ato, alei chô liata a ypa nata avâ liata a ypa zydua ano nata a ryhpa ta a tao.

HEBRAI 12:24

Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

HEBRAI 8:9

Ama pathlatuhzy Izi râh tawhta a chhi papua awpa ta, Ama ku ta ei patu noh ta, Ama hnohta bie ei hraipa hawhpa kha châ aw vei. Ei biehrai liata ama y thlâh ha leipa vâta, Âmo pachâ khao veih ei na, Abeipa ta a tah.

HEBRAI 9:18

Chavâta biehrai hmiatuapa chhao kha, thisaih leipa ta cha pa-i theipa châ vei.

HEBRAI 9:19

Mawsi ta ryhpa biepiepa to zawpi zydua hnohta a phuah nona kha, viahchaotaw thisaih, mie thisaih, ti, sahmi pala saihdôhpa nata hisaw zy la ta, ryhpa châbu nata zawpi zydua thia ta,

HEBRAI 9:21

Cha hawhna chata achhyna byureih nata chakaona hmobaoh zydua chhao thisaih ta a thia khai.

1 PITY 1:19

mietakutaw seina hnei leipa nata apuapa a bai leipa thisaih hawhta Krista thisaih sôhpa ta chatlaipa nama châpa nama pahno.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.