PUASAINA 24:4 - Mara Bible RV (BSI)

⁴ Mawsi ta Abeipa bie zydua cha roh khai ta, a mylâ my ta thyu ta, tlâh thaby liata maisâh tao ta, Izarei chi hrawh hleino moh ta lôbô miahrawh hleino bô ta.

PUASAINA 24:4 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 28:18

Zakaw cha mydi kari ta thyu ta, a lahuah ta a hmâpa alô la ta, lôbô châta bô ta, a chô liata sathaw bao ta,

ÂTHAONA 28:22

he alô, lôbô ta ei bôpa he Khazohpa o a châ aw. Chatanachata nâ ta eina piepa chi zydua tawhta su hrawh su kha â kipa ta ei cha pie lymâ aw,” tahpa ta bie a taih ta.

ÂTHAONA 31:45

Chatawhcha Zakaw ta alô la ta, lôbô châta bô ta.

1 ABEIZY 11:30

Ahiza ta a chysia thiehpa â tobipa cha la ta, hlai hrawh hleino lâta hrie ta.

1 ABEIZY 18:31

“Na moh cha Izarei a châ aw,” tahpa ta Abeipa bie a daotuhpa Zakaw sawzy chi zie ta Elaizâh ta alô mia hrawh hleino la ta.

EZRÂ 6:17

Khazohpa o hlâna liata viahchao tôhpa 100, mietaku tôhpa 200, mietakutaw 400 hlâ ei ta. Izarei zydua châta moleina hlâna atheihna châta, Izarei chi zie hawhta, mie tôhpa pô 12 ama hlâ hra.

NEHEMIAH 10:1

Biehrai chahnao pa-ina liata moh ropazy cha, Hâkaliah sawchapawpa râhvaotuhpa Nehemiah, Zedekia,

PUASAINA 17:14

Abeipa ta Mawsi hnohta, “He bie he a theih thlâh ha awpa ta, châbu liata roh la, Zawsua nah theina liata reih mah y. Amale mo he avâ ry liata ama y hra tahpa chyhsa ta ama pahno khao leina taihta ei pahleipadia khai aw ei,” tah ta.

PUASAINA 17:15

Chatawhcha Mawsi ta maisâh tao ta, a moh Zehôvâh Nisi a bi.

PUASAINA 21:1

“Hezy he ama châta ryhpa na tao awpazy a châ.

PUASAINA 24:7

Biehrai Châbu la ta, zawpi theina liata reih ta, zawpizy ta, “Abeipa reipa zydua tao aw pi ta, eima zyh aw,” tah ei ta.

PUASAINA 28:21

Lôsôhpa miahrawh hleino y aw ta, chazy cha Izarei saw pahrawh hleinozy moh lymâ hawhta ama moh bipa a châ aw. Lôsôhpa miahrawh hleinozy cha moh chahnaona hawhta tao chyu awpa châ ta, lôsôhpa miakha chô liata Izarei chi hrawh hleino hry liata chi kha moh pachohsa lymâpa a châ aw.

PUASAINA 34:27

Abeipa ta Mawsi hnohta, “He biezy he roh teh. He biezy hmâpa heta, nâ nata Izarei hnohta bie ei hraih haw,” tah ta.

ISAI 19:19

Cha noh liata, Izi râh liah khophie liata Abeipa châta maisâh y aw ta, a râhri liata Abeipa châta lôbô a y aw.

THEIHTHAINA 24:5

“Viahdie dipa la aw chi ta, cha chata viahchhâ tlâ hrawh hleino na tao aw. Viahchhâ tlâ kha châta viahdie kachu su hrawh su no lymâ hmâ awpa a châ.

MALUHREINA 17:2

“Izarei sawzy hetana heta chho teh: Izarei chi hrawh hleino chhituhpazy tawhta, chi kha tawhta chôchahrei miakha lymâ ta, chôchahrei mia hrawh hleino la aw chi ta, ama chôchahrei chyu liata ama moh na roh khai aw.

LUKA 22:30

Chatanachata ei khinarâh liata ei tlâhkhai liata niepa ta doh hra aw ei chi ta, beidyuchhai liata a tyuhpa ta Izarei pho hrawh hleinozy chô liata ryu nama reih aw.

KALATIA 2:9

Ei hnohta piepa ngiachhiena cha, Awnanopa tôhtlâh ta pachâpa Zâmie nata Kephâ nata Zawhâna zy ta ama pahno nahta, âmo cha chopawtaipazy lâ sie aw ei ta, Bânabâ nata kei cha Zenitaizy lâ sie awpa ta akaona ku chachâh lâ miah ama hlâ.

RYHPACHANEINA 31:9

Mawsi ta ryhpa cha roh ta, Abeipa Biehrai Byh a sytuhpa Livai sawchapaw theihthaipazy nata Izarei machâzy hnohta pie ta.

ZAWSUA 4:20

Zawdâh tawhta alô miahrawh hleino phaoh ei ta, chazy cha Zawsua ta Kilkal liata bô ta.

ZAWSUA 4:5

ama hnohta, “Abeipa nama Khazohpa Byh hmia lâta siepa ta, Zawdâh liah khophie lâ vawh u la, Izarei chi kha châta alô miakha lymâ ta reipatipa ta, alô miakha chyu la u la, nama ngiatlâh ta a vaw pia muh vy.

BIEPHUAH 21:14

Khihpi thokhy cha lôbô miahrawh hleino hnei ta, chazy liata Mietakutaw lyuhchâpa pahrawh hleino mohzy a choh ta.