PUASAINA 24:3 - Mara Bible RV (BSI)

³ Mawsi cha zu ta, Abeipa bie zydua nata ryhpa zydua cha zawpi hnohta za chho ta, chyhsa zydua ta, “Abeipa reipa zydua cha eima tao aw,” tahpa ta â raohpa ta a chhy ei ta.

PUASAINA 24:3 ပူးပေါင်းရင်းမြစ်များ

2 THÂTIHZYRONA 15:14

Chiahmiezy nata mietaku tôhpa kizy tôpa ta, ao paro ngaitapa ta thata awhpa ta, Abeipa hnohta bie a taih ei ta.

2 THÂTIHZYRONA 15:15

Ama pathipalôh hmeiseihpa ta bie a taih ei ta, Abeipa cha khopasa ngaitapa ta ama tluapa vâta, Abeipa ta âmo cha hmô ta, su to liata apahâna a piepa vâ ei ta, ama bietai liata amâ ly ngaita.

HLAZY 50:5

“Atheihna ta ei hnohta biehrai a taopa, Ei mopathaihpa zy kha, Kei lâta awpakhy teh u,” Abeipa ta a tah.

PUASAINA 19:8

Zawpi zydua ta, “Abeipa reipa zydua cha eima tao lymâ aw,” tahpa ta â raohpa ta a chhy ei ta. Mawsi ta zawpi biereipazy cha Abeipa chho ta.

PUASAINA 24:2

Mawsi dei ta Abeipa lâ a vaw hnia aw ta, ahropazy cha amâ vaw hnia awpa châ vei, zawpizy chhao a hnohta amâ khy awpa châ vei,” tah ta.

PUASAINA 24:7

Biehrai Châbu la ta, zawpi theina liata reih ta, zawpizy ta, “Abeipa reipa zydua tao aw pi ta, eima zyh aw,” tah ei ta.

ZEREMIAH 11:4

Nâmo châ pathlatuhpazy Izi râh thua patina meihô tawhta ei chhi papua nona ei kha, ei ao nathlie awpa nata ei biepie zyh awpa ta bie ei pie ei. Chatanachata ei phopi châ aw ei chi ta, kei nama Khazohpa ei châ aw.

ZEREMIAH 34:13

“Abeipa, Izarei Khazohpa ta hetana heta a tah: Châ pathlatuhpazy Izi râh seichâna o tawhta ei chhi papua nona ei khata, keima tlai ta ama hnohta biehrai taopa ta,

HÂKAI 2:5

‘Chi khah u, Izi râh tawhta nama kaw pua nota bie ei châ taih hapa hawhna ei khata, ei Thlahpa ta khâ a cha ypâ lymâ ei.’

MALAKHAI 2:10

Paw pakha saw châ khai ma pi ma? Khazohpa pakha ta a taopa châ ma pi ma? Khazia unawh nata unawh likah liata a ngâna pahlei pi ta, miah pathlatuhpazy biehrai eima papuapalei tly?

RYHPACHANEINA 11:1

“Chavâta Abeipa nama Khazohpa cha kyh pachâ u la, â hnawpazy, a bieraopazy, a pachianazy nata a biepiepazy khâ nama zyh awpa a châ.

RYHPACHANEINA 4:1

“Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

RYHPACHANEINA 4:45

Hezy he Izi râh tawhta ama kaw pua nota, Mawsi ta Izarei sawzy hnohta a reipa pahnosanazy, bieraopazy nata pachianazy a châ.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.

RYHPACHANEINA 5:1

Mawsi ta Izarei saw zydua awpakhy ta ama hnohta, “Hy Izarei, tanoh nama nah theina liata ei reipa bieraopazy nata pachianazy he nathlie u la, a chu u la, pakhâta ta zyh teh u.

RYHPACHANEINA 5:31

Nâ deikua cha ei kiapâh liata a duah la, hnei awpa ta râh ei piepa liata tao awpa na pachu awpa biepiepa, bieraopa nata pachiana zydua ei cha chho aw,’ tah ta.

RYHPACHANEINA 6:1

“He he Abeipa nama Khazohpa ta nâmo pachu awpa ta bie eina piepa, hnei awpa ta nama kei tlô awpa râh liata nama zyh awpa biepiepazy, bieraopazy nata pachianazy a châ:

ZAWSUA 24:21

Zawpizy ta Zawsua hnohta, “Châ vei, Abeipa khâchâ eima chakao aw,” tah ei ta.

ZAWSUA 24:22

Zawsua ta zawpi hnohta, “Abeipa chakao awpa ta namâ tlyhpa kyh liata pahnokheituhpazy cha nâmosasyh tlai nama châ,” tah ta. Âmo ta, “Pahnokheituhpazy eima châ,” tah ei ta.

ZAWSUA 24:24

Zawpizy ta Zawsua hnohta, “Abeipa eima Khazohpa chakao aw pi ta, a bie eima zyh lymâ aw,” tah ei ta.