PUASAINA 24:16 - Mara Bible RV (BSI)

¹⁶ Abeipa rônahna ta Sinai Tlâh cha vaw khu ta, meihdo ta tlâh cha noh charu chhôh khu ta, a noh sarina noh ta Khazohpa ta meihdo hry tawhta Mawsi cha vaw aw ta.

PUASAINA 24:16 ပူးပေါင်းရင်းမြစ်များ

HLAZY 99:7

Meih tôh liata ama hnohta bie reih ta, A ryhpa biezy zyh ei ta, Bieraopa a piepazy ama zyh.

PUASAINA 16:10

Arawna ta Izarei zawpi hnohta bie a rei hai nota, râhchawhpa lâ sai ei ta, Abeipa rônahna meihdo liata a vaw lâ ta.

PUASAINA 19:11

a noh thôhna noh châta a pachyh mawh ei sy. A noh thôhna noh ta chyhsa zydua mohmô ta Sinai Tlâh liata Abeipa a za chô aw.

PUASAINA 19:9

Abeipa ta Mawsi hnohta, “Pachâ teh, bie ei cha chho tita zawpi ta ama thei thei nawpa nata chhâzaw ta ama cha zo thei nawpa ta, meihdo chhakaluhpa hry liata nâ lâ ei vy aw,” tah ta. Chatawhcha Mawsi ta zawpi bie reipazy cha Abeipa chho ta.

PUASAINA 20:10

A noh sarina noh deikua cha, Abeipa na Khazohpa châta Pahânoh a châ. Cha noh liata cha, nâ chhao, na sawchapaw chhao, na sawchanô chhao, na seichapaw chhao, na seichanô chhao, na sahroh nata na o liata chihropa a ypazy ta khâpa rai hmah nama hria awpa châ vei.

PUASAINA 24:17

Abeipa rônahna a vaw luahpa cha, Izarei sawzy mohmô liata, tlâh laki liata mei a kâpa a lyu.

ISAI 4:5

Chatawhcha Abeipa ta Zaio Tlâh liata pahrâna su zydua chô liata nata pakhypi a hmâhpa zydua chô liata, nohchhô ta meihdo, zâ ta meikhuh nata meipaleih khaihna a paysa aw. Cha hmo rônahpa zydua chô lâta khuna y aw ta,

EZEKIA 1:28

A chheipâh zydua liata khaihna alânazie cha, vâsua noh ta meihdo liata meisaku alânazie hawhta a châ. Abeipa rônahna lyuna alânazie cha, cha hawhna chata a châ. Ei hmô nahta, â khu lâta pao na ta, bie a reihtuhpa ao cha thei na ta.

THEIHTHAINA 9:23

Mawsi nata Arawna cha ahmaohna poh o liata a kei ngia ei ta, vaw pua heih ei ta, zawpi châta byhnâ aw ei ta. Abeipa rônahna chyhsa zydua chô liata a vaw luah ta.

THEIHTHAINA 9:6

Mawsi ta, “Abeipa rônahna nama hnohta â vaw luah thei nawpa ta, hetana heta tao awpa ta Abeipa ta bie a cha pie ei,” tah ta.

MALUHREINA 14:10

Châhrasala zawpi pôhpakhypazy chata Zawsua nata Kâlebâ cha alô ta vaw awpa ta pahrua ei ta. Abeipa rônahna cha Izarei saw zydua hnohta ahmaohna poh o liata a zâ luah ta.

MALUHREINA 16:42

Mawsi nata Arawna chakhiapa ta zawpi amâ hmaoh hai nota, ahmaohna poh o lâ a kei heih ei ta, meihdo ta ahmaohna poh o cha vaw khu ta, Abeipa rônahna a vaw luah ta.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

BIEPHUAH 1:10

Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,