PUASAINA 24:10 - Mara Bible RV (BSI)

¹⁰ Izarei Khazohpa cha hmô ei ta. A phei ry cha saphai lôsôhpa paryhpa hawhta châ ta, a pathaihzie cha avâ pathaihpa hawhta pathaih ta.

PUASAINA 24:10 ပူးပေါင်းရင်းမြစ်များ

ÂTHAONA 32:30

Zakaw ta, “Khazohpa cha hmiachhypa ta hmô na ta, chatanachôta ei hrona pahlôhpa ta a y,” tah ta, cha su moh cha Penia a bi.

ÂTHAONA 32:31

Penia a khô nahta, a chô liata noh vaw chhi pâ ha ta. A chakhai â pahleih hapa vâta chabiah laih ta.

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

2 THÂTIHZYRONA 6:17

Chavâta Hy Abeipa, Izarei Khazohpa y, châ chakaotuhpa Dâvi hnohta na reipa bie kha ngiachhiepa ta pa-i mah y.

PUASAINA 24:11

Khazohpa hmô ei ta, niepa ta doh ei ta. Châhrasala Khazohpa ta Izarei hyutuhpazy chô liata a ku pathla vei.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

PUASAINA 33:20

Abeipa ta, “Chyhsa ta eina hmô khiahta cha a hroh lei awpa vâta, ei hmia cha hmô thei aw va chi,” tah ta.

PUASAINA 33:23

Ei ku cha la heih aw na ta, ei hnôhky hmô aw chi ta, ei hmia deikua hmô aw va chi,” tah ta.

HLAZY HLA 5:14

A kuzy cha ngôh chôchahreizy lyu ei ta, Beri lôsôhpa pataohpa ngôh chôchareizy tlai ama lyu. A pôhpa cha sianaoh patliepa lyu ta, Saphai lôsôhpazy ta tobipa sianaoh tlai a lyu.

HLAZY HLA 6:10

“My khihdei hawhta pavâpa ta, Chôthlapi hawhta panyu ta; Noh lynô hawhta khaihpa ta, Pohraipazy a chaluahpa pheisaih hri hawhta Hihâ a hneipa cha ahy ma a châ tly?”

CHAPHÔHTUNA 4:7

A Nâzaraizy dâhaw hlâta pa­thaih via ei ta, Sâhpiti hlâta ama ngyuh via; Ama sapatie rubi lôsôhpa hlâta a noh thyu via ta, Ama pizie cha saphai lôsôhpa hawhta â ngiapa ama châ.

EZEKIA 1:1

Kô sythôhna, thla palihna, noh pangawhna noh liata, seichâna lâ a siepazy hry liata Khebâ chavah kiah liata ei y thlâh ha nota, avâ a vaw pahy ta, Khazohpa aluahnazy hmô na ta.

EZEKIA 10:1

Chatawhcha moh na ta, cherubizy luh chô vâphuh ahlôpa chô liata beidyuchhai a lyupa saphai lôsôhpa hmô na ta.

DÂNIAH 10:17

Ei zibeipa châ chakaotuhpa heta ei zibeipa he kheihta ma bie â chho thei aw? Tha rai hnei khao leipa na ta, huso awpa chhao hnei khao va na,” tah na ta.

MALUHREINA 12:8

Ano cha pakah ta bie a chho na ta, bie nyupa y leipa ta, a siapa ta bie ei chho tyh. Abeipa pizie chhao a hmô. Cha hawhta a châ tlôh khiahta cha, khazia nâ chakaotuhpa Mawsi reipachhiepa cha nama chi vei?” tah ta.

MATHAI 17:2

Ama hmiakô liata a hmia a vaw nano ha ta, a hmia cha noh hawhta khaih ta, a chysiazy chhao khaihpa hawhta vaw dieh ta.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

ZAWHÂNA 14:9

Zisu ta a hnohta, “Phili, bohpi nama hnohta y na ta, na pahno to va chi ma? Ahy rai keima nâ hmôpa cha Paw a hmôpa a châ. Kheihtazieta, ‘Paw cha miah pahmô teh,’ na tah thlâh haw?

ZAWHÂNA 6:46

Khazohpa tawhta a zâ chôpa dei leipa ta cha, ahy hmah Paw hmô beih veih ei. Ano cha Paw a hmôpa a châ.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

1 ZAWHÂNA 4:12

Ahy hmahta Khazohpa hmô beih veih ei. Kyh eimâ pachâ raihrie khiahta cha, Khazohpa cha keimo liata pahrâ aw ta, a kyhpachâna cha keimo liata pakipa ta a y aw.

BIEPHUAH 1:16

A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 21:11

Khazohpa rônahna hnei ta, a khaihnazie cha lôsôh ngaitapa zaspi lô hawhta châ ta, lôsôhpa pasohpa hawhta patliepa a châ.

BIEPHUAH 4:3

Beidyuchhai liata a tyuhpa alânazie cha zaspi nata kânelia lôsôhpa hawhta châ ta, beidyuchhai cha meisaku ta chadô ta, â lânazie cha emerâ lôsôhpa hawhta a châ.