PUASAINA 24:1 - Mara Bible RV (BSI)

¹ Chatawhcha Abeipa ta Mawsi hnohta, “Nâma, Arawna, Nâdâ, Abihu nata Izarei machâ sysari Abeipa lâ a khy u la, lâhla tawhta a vaw chhy muh vy.

PUASAINA 24:1 ပူးပေါင်းရင်းမြစ်များ

1 THÂTIHZYRONA 6:3

Amrâ pathlazy cha Arawna, Mawsi nata Miria zy ama châ. Arawna sawchapawzy cha Nâdâ, Abihu, Eliaza nata Ithamâ zy ama châ.

PUASAINA 1:5

Zakaw pathla zydua cha manôh sysari châ ei ta, Zawsi deikua cha Izi râh liata a vaw y chhielie haw.

PUASAINA 19:20

Abeipa cha Sinai Tlâh laki liata za chô ta. Abeipa ta Mawsi cha tlâh laki lâ khy awpa ta aw ta, chatanachata Mawsi cha khy ta.

PUASAINA 19:24

Abeipa ta a hnohta, “Zu la, na hnohta Arawna a kaw chhi la, a khy heih mah y. Theihthaipazy nata zawpizy deikua cha, Abeipa lâ a vy awpa ta ama vaw chatôh pathlah awpa châ vei. Chataleipatala Abeipa ta âmo a chatôh pathlah pathlei aw ei,” tah ta.

PUASAINA 19:9

Abeipa ta Mawsi hnohta, “Pachâ teh, bie ei cha chho tita zawpi ta ama thei thei nawpa nata chhâzaw ta ama cha zo thei nawpa ta, meihdo chhakaluhpa hry liata nâ lâ ei vy aw,” tah ta. Chatawhcha Mawsi ta zawpi bie reipazy cha Abeipa chho ta.

PUASAINA 20:21

Mawsi ta Khazohpa yna meihdo chha kaluhpa cha a kei hnia ta, zawpizy deikua cha lâhlapi liata a duah ei ta.

PUASAINA 24:15

Mawsi cha tlâh lâ khy ta, tlâh cha meihdo ta vaw pahly khai ha ta.

PUASAINA 24:2

Mawsi dei ta Abeipa lâ a vaw hnia aw ta, ahropazy cha amâ vaw hnia awpa châ vei, zawpizy chhao a hnohta amâ khy awpa châ vei,” tah ta.

PUASAINA 24:9

Chatawhcha Mawsi nata Arawna, Nâdâ, Abihu nata Izarei machâ sysarizy cha khy ei ta,

PUASAINA 28:1

“Na unawhpa Arawna cha, a sawchapawzy chhaota, Izarei sawzy hry tawhta pananopa ta na hnohta a chhi aw chi ta, chatanachata Arawna nata a sawchapaw Nâdâ, Abihu, Eliaza nata Ithamâ zy cha ei theihthaipa rai hriapa ta eina chakao aw ei.

PUASAINA 3:5

Khazohpa ta, “A vaw hnia kha, na pheikyzy kha pahluh teh, nâ duana alei kha su pathaihpa a châ,” tah ta.

PUASAINA 34:2

Mylâ my a vaw mâ la, Sinai tlâh lâ mydi ta a khy la, tlâh laki liata ei hmiakô liata a vaw duah mah y.

PUASAINA 6:23

Arawna ta Aminadâ sawchanô, Nâsô sietanô Elisebâ cha lapinô ta hnei ta, ano ta Nâdâ, Abihu, Eliaza nata Ithamâ zy a sapa ei.

EZEKIA 8:11

Ama hmiakô liata Izarei pathla machâzy hry tawhta sysari a duah ei ta. Ama hry liata Sâphâ sawchapawpa Zazeniah chhao a duah hra ta. Ama zydua ta ropahâhpa raona byh a chaba chyu ei ta, ropahâhpa khuh meihdo cha avâ lâ kiah ta.

MALUHREINA 11:16

Abeipa ta Mawsi hnohta, “Izarei machâzy hry tawhta machâ nata chhituhpa ta na pahnopa sysari na awpakhypa la, âmo cha ahmaohna poh o lâ a vaw chhi la, cha liata na hnohta a duah mawh ei sy.

LUKA 10:1

Cha khai tawhta Abeipa ta chyhsa hropa sysari nata pano rao ta, a sie nawpa khih to nata su to liata a hmia lâta pano lymâ ta pasiesa chhielie ta.

LUKA 10:17

Sysari nata panozy cha a ly ngaitapa ta a vaw lie ei ta, “Abeipa, na moh vâta ahripazy eima rei sai ta ama y!” tah ei ta.

RYHPACHANEINA 1:15

Chatanachata nama chi to tawhta chyhsa sopa nata novâhna ta a biepa hyutuhpazy a chhi ei na ta, nama chô liata hyutuhpazy ta ei tao ei. A sâh chô liata hyutuhpazy, a za chô liata hyutuhpazy, sypangawh chô liata hyutuhpazy, pahrawh chô liata hyutuhpazy nata nama chi chhituhpazy ta ei tao ei.