PUASAINA 23:7 - Mara Bible RV (BSI)

⁷ Moleipa cha thai ei pachâsa lei awpa vâta, haipa bie ta chyhsa na leih awpa châ leipa ta, paraona a hnei leipa nata mosiapa na thie awpa châ vei.

PUASAINA 23:7 ပူးပေါင်းရင်းမြစ်များ

ÂTHAONA 18:23

Abarahâ ta a kei hnia ta, a hnohta,“Moleipazy hnohta mosiapazy na pahleipadia thlâh ha aw ma?

ZAWBÂ 22:23

Atotaotheipa lâ na kua khiahta cha, Paduapathipa châ aw chi ta; Adoleina na poh o tawhta lâhlapi lâ thypa ta,

HLAZY 119:29

Kei tawhta hrozie do leipa pasie la, Zawh nâ ngiah la, Na ryhpa bie na pachu mah y!

HLAZY 94:21

Mosiapa hrona pahlei a chhuahpa ta a paraoh ei ta, Moleina a hnei leipa thisaih cha thailei ama pachâsa tyh.

PUASAINA 20:13

Liany na chei awpa châ vei.

PUASAINA 20:16

Haipa ta na vaih na leih awpa châ vei.

PUASAINA 23:1

“Bie pathâhpa doleipa na rei pachhuah awpa châ vei. Pahnokheituhpa haiphiahpa châ awpa ta, moleipa hry liata nâ hlao awpa châ vei.

PUASAINA 34:7

chyhsa sâh hluhpi chô liata ngiachhiena palâsa ta, taopasina nata paraona nata moleinazy a ngiahthai ta, thailei a châpazy deikua hrie leipa ta a pakhôsa leipa, pawzy hmoparaona cha saw nata samoh sahlâhzy chô liata patlôsa ta, chhâ thôhna nata chhâ palihna taihta a patlôsapa,” tahpa ta a phuah ta.

BIESOZY 11:21

Hmeiseihta ta moleipa cha hrie leipa ta y leipa aw ta, Mosiapa pathlazy deikua cha pa­chhapa ta ama y aw.

BIESOZY 17:15

Moleipa thai a pachâsatuhpa cha, Abeipa châta pasichhihpa châ ta; Mosiapa thailei a pachâsatuhpa chhao, Abeipa châta pasichhihpa a châ.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

ISAI 5:20

Hmo chhiepa cha hmo phapa tah ta, Hmo phapa cha hmo chhiepa a tahpa zy; Khaihna cha zohna ta rao ta, Zohna cha khaihna ta a raopa zy; Akhapa cha athlôhpa ta rao ta, Athlôhpa cha akhapa ta a raopazy cha, Ama hu a po na!

THEIHTHAINA 19:11

“Nama paru awpa châ leipa ta, dôveipa ta hmo nama tao awpa châ hra leipa ta, haipa bie namâ chho raihrie awpa châ vei.

THEIHTHAINA 19:16

Chyhsa kyh reipa ta na chiheihzy hry liata nâ khie awpa châ leipa ta, na vaih hrona châta chichhihpa bie nâ duakhei awpa châ vei. Kei he Abeipa ei châ.

NÂHU 1:3

Abeipa cha hiehâhna kyh liata nainôsôpa châ ta, Hmotaothei ngaitapa a châ; Hmoparaopa deikua cha, Thai pachâ beih aw vei. Khisô nata thlihpipa liata a lâpi y ta, Meihdozy cha a phei doh a châ.

LUKA 3:14

Pheisaihzy chhao ta a hnohta, “Keimo chhao he khâpa eima tao aw?” tah ei ta. Ano ta ama hnohta, “Pachhiparypa nata â doleipa ta leihpa ta ahy sôh hmah nama la awpa châ vei. Nama hlao liata palôhtlâh namâ paoh awpa a châ,” tah ta.

RAWMA 1:18

Khazohpa a pachâ leipa nata chyhsa sia leipa zydua chô liata Khazohpa pathiiana avâ tawhta a zâ luah. Âmo cha ama sialeina vâta biehmeiseihpa a pakhâtuhpazy ama châ.

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

RYHPACHANEINA 25:1

“Chyhsazy ta ama likah liata biepeipa ama hnei khiahta cha, ryureina lâ tlôkhei aw ei ta, ryureituhpazy ta ama pachia aw. Mosiapa cha thai pachâsa aw ei ta, moleipa cha thailei ama pachâsa aw.

RYHPACHANEINA 27:25

“Paraona hnei leipa thie nawpa ta panaopapana a lapa cha chhiesapa ta y mawh sy,” tah aw ei ta, zawpi ta, “Amen” ama tah aw.

1 THYSALAWNIKA 5:22

moleina chi to a heihsai teh u.