PUASAINA 23:6 - Mara Bible RV (BSI)

⁶ “Dyhchhiepa cha a biepeipa pachiana liata â dona na chhu awpa châ vei.

PUASAINA 23:6 ပူးပေါင်းရင်းမြစ်များ

2 THÂTIHZYRONA 19:7

Abeipa eima Khazohpa liata cha adoleina, khokhei viapa hneina nata panaopapana lapazy y vei. Chavâta Abeipa chi u la, hmo nama taopazy liata a sohsi ngaita muh vy,” tah ta.

ZAWBÂ 31:13

“Ei seichapaw tlyma, ei seichanô tlyma, Ei chô liata palôh tlâh leina bie ama rei tita, Amâ dona ei pachâpa leipa ei khiahta cha,

BIESOZY 18:5

Moleipa khokhei viapa pha lei­pa ta, Mosiapa adona chhupa chhao pha vei.

BIESOZY 22:22

Sipasapa hrao khah y, Sipasapa a châ khaw; Pasataopa chhao thokhy chhikao liata tu lao khah y.

BIESOZY 31:5

Ama do khiahta cha ryhpa my aw ei ta, Pasataopazy adona ama pahleipa pathlei aw.

BIECHHOTUHPA 5:8

Dyhchhiepazy tlybaipa ta ama ypa nata adona nata siana zy thachahra hmâpa ta pahleipa a châzie zy bia liata na hmô khiahta cha, cha kyh liata na noâh khah sy. Hyutuh laipa cha ano hlâta a sâh viapa ta mohpathli ta, âmo pano chô lâta chhao hyutuhpa a sâh viapazy ama y heih.

ISAI 5:23

Panaopapana lapa ta, Thailei a châpa thai pachâ ei ta, Thai a châpa cha thailei ama pachâsa tyh.

ZEREMIAH 5:28

Thawh ei ta, Ama mitlaoh pha kaw. Moleina hmo taona kyh liata deikua, Â daihpa pahno veih ei; Paw hnei leipazy amâ tivy thei nawpa ta, Adona ta ama bie pachiapa leipa ei ta, Dyhchhiepazy pikhei tovyuh a duakhei veih ei.

ZEREMIAH 6:28

Ama zydua ta palôh laipa nata chhorupa châ ei ta, Chyhsa a reipachhie thaipazy a kao tyhpa ama châ. Dawh nata thua châ ei ta, Avyuhna a taopazy ama châ.

ZEREMIAH 7:6

mapaihpa nata paw hnei leipa nata nôhmei zy tlybai leipa u la, he su liana heta thaileina a hnei leipa thisaih palo leipa ta, châ pamoleisa awpa khazoh hropazy nama pazi leipa khiahta cha,

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.

RYHPACHANEINA 27:19

“Chihropazy, paw hnei leipazy, nôhmeizy adona a tlybaipa cha chhiesapa ta y mawh sy,” tah aw ei ta, zawpi ta, “Amen” ama tah aw.

1 SAMUELA 8:3

Châhrasala a sawchapawzy ta ano lâpi a chhih leipa ei ta, sôh nata piah a chadai ei ta, panaopapanazy la ei ta, adona tleisaipa ta ryu ama rei tyh.