PUASAINA 23:31 - Mara Bible RV (BSI)

³¹ Tilaipi Saihpa tawhta Philistinâ mo tilaipi taihta nata râhchawhpa tawhta Ufrâti chavah taihta na râhri châta ei cha taopa aw. Cha râh liata a pahrâpazy cha, na ku liata cha pie aw na ta, âmo cha na hmiakô tawhta na papua awpa a châ.

PUASAINA 23:31 ပူးပေါင်းရင်းမြစ်များ

ÂTHAONA 15:18

Cha noh liata Abeipa ta, “Izi chavah tawhta chavah laipa Ufrâti taihta, he râh he na pathlazy hnohta ei pie ei.

1 ABEIZY 11:2

Âmo he Abeipa ta Izarei sawzy hnohta, “Âmo nama hnei awpa châ leipa ta, âmo chhao ta ama cha hnei awpa châ vei, ama khazohzy lâta nama palôh ama cha paheihsa thlyu awpa vâta,” tahpa ta a vaw rei hapa phopizy kha ama châ. Cha chihropa zuahzy cha Sawlawmaw ta khohpa ta âmo cha khâchâ patu ta.

1 ABEIZY 20:13

Hrohsopa pakha ta Izarei bei Ahabâ cha a kei hnia ta, a hnohta, “Abeipa ta hetana heta a tah: ‘He zawpi hluh ngaitapazy he na hmô ma? Moh teh, âmo he tanoh na ku liata ei cha pie aw. Chatanachata kei he Abeipa ei châ tahpa na pahno aw,’” tah ta.

1 ABEIZY 4:21

Sawlawmaw cha Ufrâti tawhta Philistinâ râh nata Izi râhri taihta râh zydua chô liata ryureih ta. Ano lâ râhpawzy pie ei ta, a hro chhôh zydua ta Sawlawmaw cha ama chakao lymâ.

1 ABEIZY 4:24

Ufrâti notla lâ râh zydua, Tiphasa tawhta Kâza taihta Ufrâti notla lâ râh bei zydua chô liata ryureih ta, a chheipâh râh zydua nata a dyryh ngaitapa ta a y lymâ.

1 ABEIZY 8:65

Cha daihti liata Sawlawmaw ta kyhchhi noh sari tao ta. Lebôhamâ tawhta Izi Chavah taihta Izarei saw zydua a ki khaipa ta, zawpi hluhpi Abeipa eima Khazohpa hmiakô liata tlôpakhy ei ta.

2 THÂTIHZYRONA 9:26

Ufrâti chavah tawhta Philistinâ nata Izi râhri taihta abei zydua chô liata a bei ta.

HLAZY 72:8

Tilaipi tawhta tilaipi taihta biehnei sala, Chavah tawhta alei chhâna taihta biehnei mawh sy!

MALUHREINA 21:34

Abeipa ta Mawsi hnohta, “Ano kha chi khah y, ano nata a chyhsa zydua nata a râh na ku liata ei cha pie haw. Hesbaw liata a ypa Amawri bei Sihaw chô liata na taopa hawhna khata ano chô liata chhao na tao aw,” tah ta.

MALUHREINA 34:2

“Izarei sawzy chho la, ama hnohta hetana heta biepie teh: Kâna râh nama tlô tita, nama ryuto râh a châ awpa Kâna râhri cha he hawhta a châ aw.

RYHPACHANEINA 1:7

Chavâta a pasie bâ u la, Amawri tlâh râh lâ nata a chheipâh Arabâ râh lâ zy sie teh u. Tlâh râh, by râh, Neke râh, tilaipi kiah râh, Kâna râh nata Lebanaw râh lâ zy sie u la, chavah laipa Ufrâti chavah taihta sie teh u.

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 11:24

Nama phei pazah ta a tlypa maih cha nama eih a châ aw. Râhchawhpa tawhta Lebanaw taihta, Ufrâti chavah tawhta notla lâ tilaipi taihta nama râh a châ aw.

RYHPACHANEINA 2:33

Abeipa eima Khazohpa ta Sihaw cha miah pie ta, ano nata a sawchapawzy nata a chyhsa zydua eima thie khai haw.

RYHPACHANEINA 2:36

Anaw saikao chhâna liata Arôerâ nata saikao liata khihpi a ypa tawhta Kilia taihta, thokhy a sâh tupa khihpi eima châta y vei. Abeipa eima Khazohpa ta eima ku liata miah a pie khai haw.

RYHPACHANEINA 20:16

Abeipa nama Khazohpa ta ryuto châta a cha piepa ei liata phopizy pahrâna khihpizy liata cha, husona a hneipa kheihawhpa hmah nama pahlôh awpa châ vei.

RYHPACHANEINA 3:2

Abeipa ta ei hnohta, ‘Ano kha chi khah y, ano nata a chyhsa zydua nata a râh na ku liata ei cha pie haw. Hesbaw liata a pahrâpa Amawri bei Sihaw chô liata na taopa hawhna khata, ano chô liata chhao na tao aw,’ tah ta.

RYHPACHANEINA 6:19

Abeipa ta a reipa hawhta, nama chariahpa zydua nama hmiakô tawhta nama papua khai awpa a châ.

RYHPACHANEINA 9:3

Chavâta Abeipa nama Khazohpa cha, mei a kâsao theipa hawhta nama hmia lâta a siepa a châ tahpa tanoh pahno teh u. Ano ta âmo cha nama hmiakô liata pahleipadia aw ta, a panawh aw ei. Abeipa ta bie a châ taihpa hawh ei ta, âmo cha papua aw ei chi ta, thlai nama pahleipadia aw.

ZAWSUA 1:4

Nama râhrizy chho lâta Râhchawhpa tawhta maw lâta Lebanaw taihta châ aw ta, nochhi lâta chavah laipa, Ufrâti chavah tawhta Hiti mo râh zydua ô ta, notla lâta Tilaipi Rônahpa taihta a châ aw.

ZAWSUA 10:19

Nâmo deikua cha, cha liata y khuh vy. Nama chariahzy a chadai u la, hnôh a chhâhpazy tawhta thie lymâ u la, ama khihpizy pangiasa khuh vy. Abeipa nama Khazohpa ta âmo cha nama ku liata a cha pie ha ei,” tah ta.

ZAWSUA 10:8

Abeipa ta Zawsua hnohta, “Kha chyhsazy kha chi khah y. Âmo cha na ku liata ei cha pie haw. Na hmiakô liata a duah thei awpa ama hry liata pakha hmah y aw veih ei,” tah ta.

ZAWSUA 13:6

Lebanaw tawhta Misrephôthamâ taihta tlâh râh liata a pahrâpa zydua nata Sidaw râh zydua cha, la mâh leipa râhzy a châ. Âmo cha Izarei sawzy hmiakô tawhta papua aw ei na ta, bie ei cha piepa hawhta, ama râhzy cha Izarei sawzy ryuto châta na rai aw ei.

ZAWSUA 2:24

Zawsua hnohta, “Abeipa ta râh zydua eima ku liata miah a vaw pie ha tlai na. Cha râh liata a pahrâpa zydua keimo vâta ama zao khai haw,” tah ei ta.

ZAWSUA 21:44

Abeipa ta ama pathlatuhpazy hnohta bie â vaw taihpa hawhta, Izarei sawzy cha su to liata apahâna pie ta. Abeipa ta ama chariah zydua ama ku liata a pie khaipa vâ ei ta, ama chariah ahy hmah ama hmiakô liata a duah theipa y veih ei.

ZAWSUA 23:14

“Tahmâ cha khizaw zydua siezie hawhta ei sie hra daihti liahsa â hnia haw. Abeipa nama Khazohpa ta nâmo kyh liata bie pha a vaw rei hapa zydua kha, a patlô leipa miakha hmah y vei tahpa nama pathipalôh tlokhuh ta nata nama thlahpa tlokhuh ta nama pahno. Nama chô liata vaw tlô khai ta, a tlô leipa miakha hmah y vei.

ZAWSUA 24:11

Cha khai tawhta Zawdâh chaka ei chi ta, Zerikô nama tlô. Zerikô chyhsazy ta châ vaw dyuh ei ta, Amawri mo, Perizi mo, Kâna mo, Hiti mo, Kikâsi mo, Hivi mo nata Zebu mozy chhao ta châ dyuh hra ei ta, châhrasala âmo cha nama ku liata ei cha pie ha ei.

ZAWSUA 24:12

Nama hmia lâta kheihpangiah tuah na ta, cha chata âmo cha nama hmiakô tawhta a chadai ta, Amawri bei pano â chadaipai ha ei. Nama zaozi ta tlyma, nama libaw ta tlyma nama pahniepa châ vei.

ZAWSUA 24:18

Abeipa ta phopi zydua, cha râh liata a pahrâpa Amawri mo chhao, eima hmiakô tawhta a papua khai ei. Chavâta keimo chhao Abeipa eima chakao aw, ano cha eima Khazohpa a châ,” tah ei ta.

ZAWSUA 24:8

“‘Cha khai tawhta Zawdâh haosâ liata a ypa Amawri râh lâ ei châ chhi ei. Châ vaw dyuh ei ta, âmo cha nama ku liata ei cha pie ei. Chatanachata ama râh hnei ei chi ta, âmo cha nama hmiakô tawhta ei pahleipadia ha ei.

ZAWSUA 8:18

Chatawhcha Abeipa ta Zawsua hnohta, “Asei nâ chabapa kha Ai khihpi lâ dypa ta hy teh. Khihpi cha na ku liata ei cha pie aw,” tah ta. Zawsua ta asei â chabapa cha khihpi lâ dypa ta hy ta.

ZAWSUA 8:7

Chatawhcha namâ byhna su tawhta vaw pua aw ei chi ta, khihpi cha nama chho aw. Abeipa nama Khazohpa ta nama ku liata a cha pie aw ei.

ZAWSUA 9:7

Izarei chyhsazy ta Hivi mo hnohta, “Eima hry liata a pahrâ hrapa nama châ thei mâh tâh. Kheihta ma nama hnohta aryhna bie eima hraih thei aw?” tah ei ta.

RYUREITUHPAZY 1:4

Zudâh pathlazy cha khy ei ta, Abeipa ta ama ku liata Kâna mo nata Perizi mo pie ta. Beze khih liata chyhsa 10,000 thie ei ta.

RYUREITUHPAZY 11:21

Abeipa, Izarei Khazohpa ta Sihaw nata a chyhsa zydua cha, Izarei ku liata pie ta, âmo cha ama pahnie haw. Chavâta Izarei ta cha râh liata a pahrâpa Amawri mo râh zydua cha a hnei khai hapa a châ.

1 SAMUELA 23:4

Dâvi ta Abeipa a saohiah heih ta, Abeipa ta a chhy ta, a hnohta, “Thyu la, Keilâh lâ cha zu teh, Philistinâ mo cha na ku liata ei cha pie aw,” tah ta.