PUASAINA 23:30 - Mara Bible RV (BSI)

³⁰ Nama maluh pôhpa ta, râh liata a pahrâ khi nama y hlâlei cha, a chyh chyhta ta ei cha papuapa aw ei.

PUASAINA 23:30 ပူးပေါင်းရင်းမြစ်များ

RYHPACHANEINA 7:22

Abeipa nama Khazohpa ta nama hmia liata phopi a ypazy cha a chyh chyhta ta a cha papuapa aw ei. Thlai ta nama pahleipadia khai awpa ei châ vei. Chataleipatala râhsazy ta ama cha pôh thlu pathlei aw.

ZAWSUA 13:6

Lebanaw tawhta Misrephôthamâ taihta tlâh râh liata a pahrâpa zydua nata Sidaw râh zydua cha, la mâh leipa râhzy a châ. Âmo cha Izarei sawzy hmiakô tawhta papua aw ei na ta, bie ei cha piepa hawhta, ama râhzy cha Izarei sawzy ryuto châta na rai aw ei.

ZAWSUA 23:4

Pachâ teh u, phopi pahnie mâh leipazy nata kei tlai ta ei chhawh pathlah hapa, Zawdâh tawhta notla lâ Tilaipi Laipa tlôna taihta phopizy râh cha, nama chizy ryuto râh châta ei cha pie ei.

ZAWSUA 23:5

Abeipa nama Khazohpa ta âmo cha nama hmiakô liata papua aw ta, nama hmô pha leipa lâ a to khai aw ei. Abeipa nama Khazohpa ta nama hnohta a reipa hawhta, ama râh cha nama hnei aw.

ZAWSUA 23:9

Abeipa ta chi laipa nata thatlôpazy nama hmiakô tawhta papua khai ta, nama hmiakô liata a duah theipa tanoh taihta ahy hmah y veih ei.