PUASAINA 23:25 - Mara Bible RV (BSI)

²⁵ Abeipa nama Khazohpa nama chakao awpa a châ. Chatanachata nama viahchhâ nata ti zy byhnâ pie aw na ta, nama hry tawhta hriiah ei papai aw.

PUASAINA 23:25 ပူးပေါင်းရင်းမြစ်များ

HLAZY 103:3

Ano cha na paraona zydua a ngiathaituhpa châ ta, Na pasana zydua patlâhtuhpa a châ.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

BIECHHOTUHPA 5:20

Khazohpa ta a palôh khâ a palysa awpa vâta, a daihti khô chiehpazy a thei tu khao aw vei.

ISAI 33:16

Cha chyhsa tlai cha su sâhpa liata a pahrâ aw. Â chhaina su cha lôpanô thokhyzy châ aw ta, A nie awpa piepa a châ aw; Ti a do awpa chhao chie aw vei.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ZEREMIAH 8:2

kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

DÂNIAH 1:15

Noh hrawh khai tawhta abei pati a niepa satliazy hlâta amâ lânazie pha viapa ta, ama sabia chhao thawh via ta.

THEIHTHAINA 11:44

Kei he Abeipa nama Khazohpa ei châ. Kei pathaih tlôh na ta, chavâta a pathai u la, pathaihpa ta y teh u. Alei chô liata alyhpasa kheihawhpa ta hmah namâ papuapalei awpa châ vei.

THEIHTHAINA 26:3

“Ei bieraopazy zipa ta, ei biepiepazy zyhpa ta nama tao khiahta cha,

MALAKHAI 3:10

Ei o liata nie awpa a y thei nawpa ta, su hrawh su kha zydua cha thyupakhyna o liata vaw cheih teh u. Cha hawhta nama tao khiahta cha, nama châta vârâh opyzy pahypa ta, nama so nawpa a y khao leina taihta byhnâzy ei cha vaohei ei ma, vaohei veih ei ma, na pasia teh u,” Pheisaihzy Abeipa ta a tah.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 10:20

Abeipa nama Khazohpa cha chi aw chi ta, ano chakao aw chi ta, ano cha khâchâ patu aw chi ta, ano moh ta bie namâ taih awpa a châ.

RYHPACHANEINA 13:4

Abeipa nama Khazohpa pazi aw ei chi ta, ano cha chipa ta, a biepiepazy nama zyh awpa a châ. A ao nathliepa ta, ano chakao aw ei chi ta, ano cha khâchâ namâ patu awpa a châ.

RYHPACHANEINA 6:13

Abeipa nama Khazohpa cha chi aw chi ta, ano deita chakao aw chi ta, ano moh reipa ta bie namâ taih awpa a châ.

RYHPACHANEINA 7:13

Nama Khazohpa ta kyh cha pachâ aw ei ta, byhnâ cha pie aw ei ta, maluh a cha papôhsa aw ei. Cha pie awpa ei ta châ pathlatuhpazy hnohta bie â vaw taihpa râh liana cha nama chhi theizy, nama lei theizy, nama sâhzy, nama kresawhtizy nata nama sathawzy byhnâ pie aw ta, nama viahchao nata mietaku zawzy a papôhsa aw.

RYHPACHANEINA 7:15

Abeipa ta hri zydua cha papaipa aw ei ta, Izi râh liata hri nama hmôpa kheihawhpa ta hmah cha pasasa leipa aw ei ta, châ haotuhpa zydua chô liata deikua a patlôsa aw.

ZAWSUA 22:5

Abeipa chakaotuhpa Mawsi ta bie a cha piepa hawh ei ta, Abeipa nama Khazohpa cha a kyh pachâ ta, a lâpi zydua a chhihpa ta, a biepiepazy zyh ta, ano cha khâchâ patupa ta, nama pathipalôh tlokhuh ta nata nama thlahpa tlokhuh ta ano chakao awpa ta biepiepa nata ryhpazy pakhâta ta nama zyh awpa a châ,” tah ta.

ZAWSUA 24:21

Zawpizy ta Zawsua hnohta, “Châ vei, Abeipa khâchâ eima chakao aw,” tah ei ta.

ZAWSUA 24:24

Zawpizy ta Zawsua hnohta, “Abeipa eima Khazohpa chakao aw pi ta, a bie eima zyh lymâ aw,” tah ei ta.

1 SAMUELA 12:20

Samuela ta ama hnohta, “Chi khah u, he hmo pha lei ngaitapa he tao tlai ei chi ta, châhrasala Abeipa nama zipa cha tleisai leipa u la, nama pathipalôh tlokhuh ta Abeipa cha chakao muh vy.

1 SAMUELA 12:24

Chavâta Abeipa cha chi u la, ngâchhih ngaitapa ta, nama pathipalôh tlokhuh ta ano cha chakao u la, nama châta a hmotaopa rônahpazy kha pachâ tyh muh vy.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.