PUASAINA 23:24 - Mara Bible RV (BSI)

²⁴ Ama khazohzy hmiakô liata a bôhpa ta nâ chhy awpa châ leipa ta, âmo na chakao awpa châ hra vei. Ama taopazy hawhta na tao hra awpa châ leipa ta, tlokhuh na pahleipadia khai ha awpa ei châ ta, ama panana tôhzy na phy pachhô khai ha awpa a châ.

PUASAINA 23:24 ပူးပေါင်းရင်းမြစ်များ

2 ABEIZY 17:11

Cha su sâhpa zydua liana chata Abeipa ta ama hmiakô liata a chadai hapa phopizy taozie hawhta ropahâhpazy rao ei ta. Hmo molei ngaitapazy tao ei ta, Abeipa hie ama pahâh haw.

2 ABEIZY 17:8

Abeipa ta Izarei sawzy hmiakô liata a papua hapa phopizy taozie nata Izarei beizy tao tyhpa hmo pha leipazy ama taopa vâta a châ.

2 ABEIZY 18:4

Su sâhpazy parao ta, lôbôzy pacho ta, Aseri tôhzy a chhawh pachhô khai haw. Mawsi ta dawh parih a taopa chhao kha a pakeichheih khai haw, cha daihti taihta Izarei sawzy ta Nehustâ ama tahpa dawh parih lâ cha atheihnazy ama hlâ thlâh ha chypa vâta.

2 ABEIZY 3:2

Abeipa mohmô liata hmo pha lei ngaitapa tao ta. A nô nata a paw hawh ngâsâ ta la hmo parao vei. A paw ta Bâlâ lô a vaw bôpa cha a thy haw.

2 THÂTIHZYRONA 14:2

Âsâ cha Abeipa a Khazohpa mohmô liata hmo phapa nata hmo dopa tao lymâ ta.

2 THÂTIHZYRONA 25:14

Amazia cha Edômâ mo pahnie ta a vaw kua tawhta, Seirâ mo khazohzy vaw phaoh ta, a khazohzy châta padua ta. Chazy cha a chhy ta, nothlahpazy lâ cha atheihnazy a hlâ.

2 THÂTIHZYRONA 33:2

Abeipa ta Izarei phopi hmiakô tawhta a papua hapa phopizy hmotaopa pasichhihpazy taopa ta, Abeipa mohmô liata hmo pha leipa tao ta.

2 THÂTIHZYRONA 33:9

Cha hawhna chata Manase ta Zudâh râhsawzy nata Zerusale khihsawzy cha lâpi paviasa ta, Abeipa ta Izarei hmiakô liata a pahleipadia hapa phopizy hlâ chhao ta hmo thata ama parao via.

HLAZY 101:3

Hmo pha leipa kheihawhpa rai, Ei mohmô liata soh aw va na. Lâpi a tleipazy hmotaopa a hao na ta, Kei liata a bai aw vei.

PUASAINA 20:3

“Keima leipa ta khazoh hropazy na hnei awpa châ vei.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

PUASAINA 23:13

Nama hnohta ei reipa zydua he pachâ u la, khazoh hropazy moh rai reih leipa u la, na pakah tawhta a pua rai ta pua khah sy.

PUASAINA 23:32

Ama hnohta bie na hraih awpa châ leipa ta, ama khazohzy hnohta bie na hraih awpa châ hra vei.

PUASAINA 23:33

Na râh chhôh liata ama pahrâ awpa châ vei. Chataleipatala ei chô liata cha pamoleisa aw ei ta, ama khazohzy na chakao tlai khiahta cha, na châta khoheih a châ aw,” tah ta.

PUASAINA 32:20

Viahchaotaw nothlahpa ama taopa cha la ta, mei ta rao ta, a dina taihta charo ta, a paohpa ti liata hie ta, Izarei sawzy padosa ta.

EZEKIA 16:47

Ama hroziezy a chhih chi ta, pasichhihpa hmo ama taopazy na tao hrapa dei châ leipa ta, daihti chyuta chhôh ta, na moleina nata na hrozie zydua liata âmo hlâta na paru via haw.

HÔSIA 10:2

Ama palôh doleipa vâta, Ama thaileichâna ama phaoh bâ aw. Abeipa ta ama maisâhzy phie aw ta, Ama panana tôhzy a parao aw.

THEIHTHAINA 18:3

Nama vaw pahrâna Izi râh liata ama taozie hawhna khata nama tao awpa châ leipa ta, ei cha tlôkhei awpa su Kâna râh liata ama taozie hawhta nama tao awpa châ hra vei. Ama bieraopazy nama zyh awpa châ vei.

THEIHTHAINA 26:1

“Khazoh nothlahpa namâ tao awpa châ leipa ta, nothlahpa tao chhyhpa tlyma, lôbô tlyma, nama bô awpa châ hra leipa ta, a naoh awpa ta nama râh liata nothlahpa hawhta taopa alô nama bô awpa châ vei, kei he Abeipa nama Khazohpa châ tlôh na ta.

MALUHREINA 25:2

Chanôzy ta ama khazohzy lâta atheihna hlânazy liata Izarei sawzy cha hrua ei ta. Izarei sawzy ta atheihnazy cha niepa ta, Môabâ khazohzy lâta a bôh ei ta.

MALUHREINA 33:52

a râh chyhsa zydua nama hmiakô tawhta nama papua khai awpa a châ. Ama lô nothlahpa zydua parao khai aw ei chi ta, ama thua nothlah leihpa zydua chhao parao khai aw ei chi ta, ama su sâhpa zydua nama phie khai aw.

RYHPACHANEINA 12:3

Ama maisâhzy pacho aw ei chi ta, ama lôbôzy a tlawh ta phychheih aw ei chi ta, ama Aseri tôhzy mei ta nama rao aw. Ama khazoh nothlahpazy chhawh pachhô aw ei chi ta, cha su tawhta ama moh nama pahlei ha aw.

RYHPACHANEINA 7:5

Hetana heta ama chô liata nama tao aw: Ama maisâhzy pacho aw ei chi ta, ama lôbôzy nama pakei aw. Ama Aseri tôhzy thlu aw ei chi ta, ama khazoh nothlahpazy mei ta nama rao khai aw.